ඊයේ (13) බත්තරමුල්ල, පොල්දූව මං සන්ධියේ පාර්ලිමේන්තු පිවිසුම අසල පැවති විරෝධතාවයේදී විරෝධතාකරුවන් පොලිස් නිලධාරියෙකුට සහ හමුදා නිලධාරියෙකුට පහරදී ටී 56 ගිනිඅවියක් සහ උණ්ඩ 60ක් පැහැරගෙන ඇතැයි පැමිණිල්ලක් ලැබී ඇති බව පොලිස් මාධ්ය ප්රකාශක කාර්යාලය පවසයි.
ශ්රී ලංකා නීතියේ ආධිපත්යය සහ ආණ්ඩුක්රම ව්යවස්ථානුකූලභාවය අඩපණ බව හැඟවෙන ඇතැම් විරෝධතා කණ්ඩායම්වල කොටස්කරුවන් ඇතුළු විවිධ පාර්ශවයන්ට ආරෝෂණය කරන ලද ප්රකාශ සම්බන්ධයෙන් ශ්රී ලංකා නීතිඥ සංගමය අවධානය යොමු වී තිබෙනවා.
හදිසි නීතිය පැනවීමෙන් මූලික මිනිස් අයිතිවාසිකම් කඩවී ඇතැයි ඕනෑම පුරවැසියකුට අධිකරණ ක්රියාමාර්ග ගැනීමට අවස්ථාව පවතින බව නීතිවේදීන් පවසනවා. නීතීඥ ආචාර්ය ප්රතිභා මහානාම පැවසුවේ රට තුළ පනවා ඇති හදිසි නීතිය දින 10ක් තුල පාර්ලිමේන්තුවේදී සම්මත නොකළහොත් එය දින 14ක් තුළ ඉවත් වන බවයි
ගාලු මුවදොර අරගල භූමියේදී දෙපිරිසක් අතර ඇතිවූ ගැටුමකින් තුවාල ලැබූ පුද්ගලයින් සිව්දෙනෙකු කොළඹ ජාතික රෝහලට ඇතුලත් කර ඇති බව රෝහල් ආරංචි මාර්ග සඳහන් කර සිටිනවා.
රට තුළ නිර්මාණය වී ඇති දේශපාලන අස්ථාවරත්ව හේතුවෙන් රටේ ආරක්ෂාවට මෙන්ම මහජන ජීවිතය ද දැඩි තර්ජනයට පත්ව ඇතැයි ත්රෛනිකායික මහ නාහිමිවරුන් පවසනවා.
වී අස්වනු නෙලීම සඳහා උපයෝගී කර ගන්නා යන්ත්ර සඳහා ඉදිරි දින කිහිපය ඇතුලත අවශ්ය ඉන්ධන තොග නොලැබුනහොත් අම්පාර දිස්ත්රික්කය ඇතුලු දිස්ත්රික්ක කිහිපයක වී අස්වනු විනාශ වීමේ අවදානමක් මතුව තිබෙනවා.
Page 249 of 771