Social and Equity
මොරටුව ප්‍රදේශයේදී ඊයේ (01) විරෝධතා පැවැත්වූ වඩු කාර්මිකයින්ගෙන් පිරිසක් මොරටුව නගරාධිපති සමන්ලාල් ප්‍රනාන්දු මහතාගේ නිවස වටළා ගල්මුල් ප්‍රහාරයක් එල්ල කර ඇති බව වාර්තා වේ.
හෙට (03) දිනයේ දී සාමාන්‍ය ජනතාවගේ සංවිධානය වීම් මත ක්‍රියාත්මක කිරීමට නියමිතව ඇති ආණ්ඩු විරෝධී උද්ඝෝෂණ පැවැත්වීම වැලැක්වීම සඳහා අද පස්වරුවේ සිටම රට පුරා ඇඳිරි නීතිය ක්‍රියාත්මක කිරීමේ සූදානමක් පවතින බව වාර්තා වෙයි.
ජාති, ආගම්, දේශපාලන පක්ෂ සහ විශ්වාස පසෙකලා එක්ව රටක් ලෙස නැඟී සිටින්නැයි ජනප්‍රිය, ප්‍රවීණ ක්‍රිකට් ක්‍රීඩක රොෂාන් මහානාම මහතා ජනතාවගෙන් ඉල්ලා සිටී.
ඇදිරි නීතිය පැනවීම හේතුවෙන් අදට නියමිත අපොස සාමාන්‍ය පෙළ සහ උසස් පෙළ විභාගයේ ප්‍රායෝගික පරීක්ෂණ නොපැවැත්වෙන බව විභාග දෙපාර්තමේන්තුව පවසනවා. ඉකුත් මාර්තු 29 වනදා ආරම්භ කරන ලද 2021 සාමාන්‍ය පෙළ විභාගය සහ 2021 උසස් පෙළ විභාගයට අදාළ නර්ථන හා සංගීත විෂයන්හි ප්‍රායෝගික පරීක්ෂණ අද දින පැවැත්වීමට නියමිතව තිබුණා.
මිරිහාන ප්‍රදේශයේදී පෙරේදා රාත්‍රියේ ඇතිවූ සිද්ධියේදී ආරක්ෂක අංශ ජනමාධ්‍යවේදීන්ට පහරදීම තරයේ හෙළා දකින බව නිදහස් මාධ්‍ය ව්‍යාපාරය පවසනවා. එහි කැඳවුම්කරු ලසන්ත ද සිල්වා පැවසුවේ එහිදී උල්ලංඝනය වී ඇත්තේ ජනමාධ්‍යවේදීන්ගේ භාෂණයේ හා ප්‍රකාශණයේ අයිතිය පමණක් නොවන බවයි.
මෙරටට පැමිණ සිටින විදේශිය සංචාරකයින්ට ඇඳිරි නීතිය පැනවීම හේතුවෙන් සිදුවන අපහසුතා මගහැරීමට අවශ්‍ය පියවර ගන්නා බව සංචාරක අමාත්‍යංශය පවසනවා. ඒ අනුව අද දිනයේ විදේශිය සංචාරකයින්ට කලින් සැලසුම් කළ ප්‍රදේශවල සංචාරය කිරීමට අවශ්‍ය පහසුකම් සලසන බවයි එම අමත්‍යංශයේ ලේකම් එස් හෙට්ටිආරච්චි පැවසුවේ.
මිරිහාන ප්‍රදේශයේ දී පැවති විරෝධතාවයේදී සැකපිට අත්අඩංගුවට ගෙන ගංගොඩවිල මහේස්ත්‍රාත් අධිකරණය හමුවට ඉදිරිපත් කළ සැකකරුවන් 21 දෙනෙකු පුද්ගලික ඇප මත මුදා හැරීමට ගංගොඩවිල මහේස්ත්‍රාත් ප්‍රසන්න අල්විස් මහතා නියෝග කරනු ලැබුවා.
Page 244 of 719