ඔමික්රෝන් ප්රභේදයේ ව්යාප්තිය පාලනය කිරීම රටවැසීමෙන් හෝ නීති දැඩි කිරීමෙන් සිදු කළ නොහැකි බව සෞඛ්ය අංශ පවසනවා.
පවතින ඩොලර් අර්බුදය හමුවේ උත්සව සමයේ අත්යවශ්ය භාණ්ඩ හිගයක් ඇති විය හැකි බව අත්යවශ්ය ආහාර ද්රව්ය ආනයනකරුවන් අනතුරු අගවනවා. එය වළක්වා ගැනීමේ මූලික පියවරක් ලෙස දැනට වරායේ සිරවී ඇති බහලුම් කඩිනමින් නිදහස් කර ගත යුතු බවයි ඔවුන් පවසන්නේ.
රියදුරු බලපත්රය ලබා ගැනීමට පැමිණෙන පුද්ගලයින්ගෙන් සියයට 10ක් මත්ද්රව්යවලට ඇබ්බැහි වූවන් බවට අනාවරණය වී තිබෙනවා.
බොරැල්ල, සියලු ශාන්තුවරයින්ගේ දේවස්ථානය තුළ තිබී අත්බෝම්බයක් හමුවීමේ සිද්ධියට අදාළව අත් අඩංගුවට ගෙන රඳවාගෙන සිටි එම දේවස්ථානයේ සේවකයකු ඇතුළු තිදෙනෙකු නිදහස් කරන ලෙස අද (02) කොළඹ මහේස්ත්රාත් අධිකරණය නියෝග කර තිබේ.
ජනවාරී 01වනදා සිට මේ දක්වා කාලය තුළ කොළඹ නගරයේ කොරෝනා ආසාදිතයින්ගෙන් බූස්ටර් එන්නත ලබා ගත් කිසිදු පුද්ගලයෙකු ජිවිතක්ෂයට පත්වී නොමැති බව කොළඹ මහ නගර සභාව පවසනවා.
දුම්රිය හරස් මාර්ග 400 කට තවමත් ක්රියාකාරී ආරක්ෂාවක් ලබාදී නොමැති බව දුම්රිය දෙපාර්තමේන්තුව පවසනවා.
රාජ්ය නිදහස් දින උළෙලට අතිඋතුම් කාදිනල් මැල්කම් රන්ජිත් හිමිපාණන් වහන්සේ සහභාගී නොවීමට තීරණය කර තිබෙන බව අද (03) කොළඹදී පැවති මාධ්ය හමුවකදී සිරිල් ගාමිණි පියතුමා ප්රකාශ කළහ.
ඉන්ධන නොමැතිවීමෙන් මේවනවිට කැලණිතිස්ස බලාගාරය සම්පූර්ණයෙන් අක්රීය වී ඇති බව විදුලි ඉංජිනේරුවන් පවසනවා.
පුහුණු අභ්යාසලාභී උපාධිධාරීන් වශයෙන් රාජ්ය සේවයට බඳවා ගෙන සංවර්ධන නිලධාරී (iii) වන ශ්රේණියට අනියුක්ත කරගනු ලැබු උපාධිධාරීන් මේ වන විට ලංකාව පුරා දිස්ත්රික් ලේකම් කාර්යාලවලට හා ප්රාදේශීය ලේකම් කාර්යාලවලට ස්ථීර පත්වීම් ලබමින් සිටියි. මෙහිදී කිසිදු පෙර දැනුම් දීමකින් තොරව නිලධාරීන් මෙලෙස අනියුක්ත කර ඇති අතර මේ හේතුව නිසා දිස්ත්රික් ලේකම් කාර්යාලවල හා ප්රාදේශීය ලේකම් කාර්යාලවල සේවය කරමින් සිටි නිලධාරීන් දැඩි අපහසුතාවයකට පත්ව තිබේ. සිය පුහුණු කාලය තුළ යොදවන ලද විෂයන්වලින් සම්පූර්ණයෙන්ම පරිබාහිර වෙනත් ආයතන, දෙපාර්තමේන්තු, සංස්ථා, මණ්ඩලවලට මොවුන් හිතු මනාපේ අනියුක්ත තර ඇති අතර මේ වන තෙක් කරගෙන ගිය වැඩසටහන් සියල්ල මහත් අවුල් ජාලාවක් බවට පත්ව ඇත.
Page 318 of 771