Social and Equity
සිමෙන්ති සඳහා පනවා තිබූ පාලන මිල ඉවත් කිරීමත් සමග රුපියල් 177 කින් මිල ඉහළ දැමීමට සිමෙන්ති සමාගම් තීරණය කර තිබෙනවා. ඒ අනුව කිලෝග්‍රෑම් 50 සිමෙන්ති කොට්ටයක නව මිල රුපියල් 1275 කි.
විස්සයි විස්ස ලෝක කුසලාන ක්‍රිකට් තරගාවලියට සහභාගී වීම සදහා එක්සත් අරාබි එමීර් රාජ්‍යයේ ඩුබායි වෙත ගොස් සිටි ශ්‍රී ලංකා ක්‍රිකට් කණ්ඩායම අද යළිත් මෙරටට පැමිණියා. ඒ, එක්සත් අරාබි එමීර් රාජ්‍යයේ ඩුබායි සිට පැමිණි එමිරේට්ස් ගුවන් සේවයේ ඊ.කේ.- 648 දරන ගුවන් යානයෙන්.
රට තුළ පවතින ඩොලර් ගැටලුව හේතුවෙන් අත්‍යවශ්‍ය ආහාර ද්‍රව්‍ය ආනයනයේදී සීමාවකට යටත්ව ආනයන කටයුතු සිදුකරන බව අත්‍යවශ්‍ය ආහාර ද්‍රව්‍ය ආනයනකරුවන් පවසනවා. ඔවුන් පෙන්වා දෙන්නේ එකවර විශාල තොග රැගෙන ඒම ගැටළු සහගත විය හැකි බවයි. සීමා සහිත තොග ප්‍රමාණයක් පමණක් ආනයනය කරන බවත් මීට පෙර මෙන් විශාල වශයෙන් තොග ආනයනය කිරීමක් සිදු නොවන බවත් ප්‍රකාශ කෙරුණා.
ඉකුත් මාස කිහිපය තුළ කිසිදු තොරතුරක් අනාවරණය නොවූ ආගිය අතක් නොමැති කාන්තාවන් 1,500 ක් පිළිබඳ තොරතුරු වාර්තා වී ඇතැයි පොලීසිය පවසනවා. පොලිස් ආරංචි මාර්ග සඳහන් කළේ නීත්‍යානුකූල විවාහය අතහැර ගිය කාන්තාවන් ද ඒ අතර වන බවයි. ඇතැම් කාන්තාවන් විදෙස්ගතවී ඇති බවට ද පොලීසිය සැක පළ කරනවා.
ලබන වසරේ පැවැත්වෙන 20/20 ලෝක කුසලාන තරගාවලියේදීද ශ්‍රී ලංකාවට මූලික වටයේ තරග සඳහා සහභාගිවීමට සිදුව තිබෙනවා. ඒ ශ්‍රේණිගත කිරීම්වල පළමු කණ්ඩායම් 08 අතරට එක්වීමට අපොහොසත් වීම හේතුවෙනි.
කොරෝනා මර්දන එන්නත්වලින් ලැබෙන ආරක්‍ෂාව මේ වනවිට අඩුවෙමින් ඇතැයි නවතම සමීක්‍ෂණයකින් හෙළි වී ඇති බව ඖෂධ නිෂ්පාදන රාජ්‍ය අමාත්‍ය මහාචාර්ය චන්න ජයසුමන පවසනවා. ෆයිසර්, මොඩර්නා සහ ජොන්සන් ඇන්ඩ් ජොන්සන් යන එන්නත් ඒ අතරින් ප්‍රධාන බවයි රාජ්‍ය අමාත්‍යවරයා පැවසුවේ.
මෙරටින් තවත් කොරෝනා ආසාදිතයින් 617 දෙනෙකු ඊයේ වාර්තා වුණා. ආසාදිතයින් හය සීයේ සීමාව අඛණ්ඩව මෙලෙස පසු කළේ දෙවන දිනටයි.
ඇනවුම්කළ අත්‍යාවශ්‍ය භාන්ඩ තොග වරායට රැගෙන ඒමෙන් පසු එවා නිදහස් කර ගැනීම සඳහා රජය අවශ්‍ය ක්‍රියාමාර්ග නොගතහොත් රටතුළ පවතින භාණ්ඩ හිගය තවදුරටත් පැවතිය හැකි බව අත්‍යාවශ්‍ය ආහාර ද්‍රව්‍ය ආනයනකරුවන්ගේ සංගමය පවසනවා.
මුතුරාජවෙල තෙත් බිම්වලට අයත් මීගමුව, වත්තල සහ ජා ඇළ ප්‍රදේශවලට අයත් ඉඩම් අක්කර 3,000කට අධික ප්‍රමාණයක් නාගරික සංවර්ධන අධිකාරිය යටතට පවරා ගැනීමට ගෙන ඇති තීරණය බලරහිත කරන ලෙස ඉල්ලමින් කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් විසින් ශ්‍රේෂ්ඨාධිකරණයට රිට් පෙත්සමක් ඉදිරිපත් කර තිබෙනවා.
රාජ්‍ය බුද්ධි සේවයේ ප්‍රධානී, මේජර් ජනරාල් සුරේෂ් සලේ මහතා විසින් කළ පැමිණිල්ලකට අදාළව ප්‍රකාශ සටහන් කරගැනීම සඳහා අපරාධ පරික්ෂණ දෙපාර්තමේන්තුව වෙත පැමිණෙන ලෙස දෙවතාවත් දැනුම් දුන්න ද එසේ නොපැමිණීම තුළින් කොළඹ අගරදගුරු පදවියේ මාධ්‍ය ප්‍රකාශක සිරිල් ගාමිණී ප්‍රනාන්දු පියතුමා දණ්ඩ නීති සංග්‍රහයේ 164 සහ 174 වගන්ති ප්‍රකාරව වරදක් කර ඇති බවට එම දෙපාර්තමේන්තුව කොළඹ මහේස්ත්‍රාත් අධිකරණයට කරුණු වාර්තා කර තිබේ.
Page 302 of 711