Social and Equity
නීතිවිරෝධී ලෙස මුහුදු මාර්ග ඔස්සේ මෙරටින් විදෙස් රටකට සංක්රමණය වීමට උත්සහ කළ බවට සැකකෙරෙන පුද්ගලයන් 85 දෙනෙකු රැගත් මෙරට බහුදින ධීවර යාත්රාවක් නාවික හමුදාව සිය භාරයට ගෙන තිබෙනවා. ඒ, නාවික හමුදාව විසින් මඩකලපුවට ඔබ්බෙන් වූ මුහුදු ප්රදේශයේ අද සිදුකළ මුර සංචාරයක් අතරතුරදීයි.
ඉන්ධන නැව් 4ක් සඳහා ගෙවීම් කිරීමට මුදල් නොමැති වීමෙන් ගැටලුවක් පැන නැඟී ඇති බව වාර්තා වේ.
එල්ලවී ඇති චෝදනා නිත්යානුකුලව නිරාකරණය කරන තෙක් ලක්විජය බලාගාරයට ගල් අඟුරු සැපයුම් සිදු කිරීමට නොහැකි බවට සැපයුම්කරුවන් දැනුම්දී ඇතැයි විදුලිබල හා බලශක්ති අමාත්ය කංචන විජේසේකර පවසනවා.
පොලීසිය විසින් අත්අඩංගුවට ගත් සමාජ ක්රියාකාරිකයෙකු වන ළහිරු වීරසේකරට මාළිඟාකන්ද මහේස්ත්රාත් අධිකරණය ඇප නියම කර තිබෙනවා. ඔහු රුපියල් ලක්ෂ දෙකක පුද්ගල ඇපයක් මත මුදාහරින ලෙසයි මාළිඟාකන්ද මහේස්ත්රාත් අධිකරණය නියෝග කර ඇත්තේ.
රටේ පවතින ආර්ථික අර්බුදය හමුවේ වෛද්යවරුන් විශාල වශයෙන් රටහැර යාමට පටන්ගෙන ඇති බව රජයේ වෛද්ය නිලධාරීන්ගේ සංගමය පවසයි.
විදුලි, ජල ගාස්තු සහ බදු ඉහළ දැමීම හමුවේ ඉදිරියේදී කුකුල් මස් මිල යළි ඉහළ දැමීමට සිදුවන බව සමස්ථ ලංකා කුකුල් ව්යාපාරිකයින්ගේ සංගමය පවසනවා. එහි සභාපති අජිත් ගුණසේකර නෙත් නිවුස් කළ විමසීමකදී පැවසුවේ පිරිවැය වියදම ඉහළයාම මත බිත්තර සඳහා පාලන මිලද ඉවත් කර ගැනීම සඳහා විෂය භාර අමාත්යවරයා හෙට දිනයේ හමුවී සාකච්ඡා කරන බවයි.
ශ්රී ලංකාව සහ පකිස්තානය අතර පැවත්වෙන ආසියානු කුසලාන අවසාන මහ තරගයේදී වනිඳු හසරංගට කඩුලු ත්රිත්වයකට අවස්ථාව ඇත.ඒ අවසාන තරගයට පෙර පකිස්තානය සමඟ පැවති තරගයේ දී ඔහු පන්දු යැවීම නිමා කළේ,ඔහු විසින් යවන ලද අවසාන පන්දු දෙකට කඩුලු ලබා ගනිමින් නිසාය.
කොළඹ හැර සෙසු දිස්ත්රික්ක සඳහා ඛණිජ තෙල් නීතිගත සංස්ථාව ඩීසල් බෙදාහරිනු ලබන්නේ සතියකට එක්වරක් හෝ දෙවරක් පමණක් බව ඛණිජ තෙල් බෙදුම්කරුවන්ගේ සංගමය පවසනවා.
ගල් අගුරු ටෙන්ඩරය සම්බන්ධයෙන් පවතින ගැටළුව කඩිනමින් නිරාකරණය කර නොගත හොත් අනිවාර්යය විදුලි කප්පාදුවකට මග පෑදෙන බව විදුලි ඉංජිනේරුවරුන් පවසනවා. ලංකා විදුලිබල මණ්ඩලයේ ඉංජිනේරු සංගමයේ සභාපති අනිල් රංජිත් ඉඳුවර පැවසුවේ ගල් අගුරු කඩිනමින් ආනයනය නොකළ හොත් පවතින ගල් අගුරු තොග ලබන මාසයේදී අවසන් වන බවයි.
Page 196 of 746