Social and Equity
දඹුල්ල ආර්ථික මධ්‍යස්ථානයට දින ගණනාවකින් පසුව වැඩි වශයෙන් එළවළු ලැබීමත් සමඟ සිඝ්‍රයෙන් එළවළු තොග මිල අද (27) දින පහත වැටී ඇතැයි වෙළඳ ව්‍යාපාරිකයෝ පවසනවා.
අවසර ලබාදී තිබුණද, රසායනික පොහොර ආනයනය කිරීමේදී මේවනවිට තවත් ගැටළුකාරී තත්ත්වයක් මතුව තිබෙනවා. ඊට හේතුවී ඇත්තේ පොහොර සමාගම් සඳහා ආණ්ඩුව විසින් ගෙවිය යුතු මුදල් මෙතෙක් ලබා නොදීමයි. නෙත් නිවුස් කළ සොයා බැලීමකදී හෙලි වුණේ ඉකුත් සමයේ සහනාධාර ලෙස ලබාදුන් පොහොර සඳහා රුපියල් බිලියන 24 ක මුදලක් පොහොර සමාගම් වෙත ගෙවීමට ඇති බවයි. මෙම මුදල ලැබෙන තෙක් යළි රසායනික පොහොර ආනයනය සම්බන්ධයෙන් තීරණයක් නොගන්නා බවයි පොහොර සමාගම් නෙත් නිවුස් වෙත කියා සිටියේ.
කෙරවලපිටිය යුගදනවි බලාගාරය හිමි සමාගමේ රජය සතු කොටස් වලින් 40% ක් අමෙරිකානු සමාගමක් වෙත පැවරීමට කැබිනට් මණ්ඩලය ගෙන ඇති තීරණය අභියෝගයට ලක් කරමින් ගොනු කර ඇති මූලික අයිතිවාසිකම් පෙත්සම් විභාග කිරීමට අගවිනිසුරුවරයා විසින් ශ්‍රේෂ්ඨාධිකරණයේ පංච පුද්ගල විනිසුරු මඩුල්ලක් පත් කර ඇත.
පවතින අයහපත් කාලගුණ තත්වය හමුවේ අංකුඹුර, රඹුකේවෙල ප්‍රදේශයේ නිවසක් මතට පස් කන්දක් කඩා වැටීමෙන් කාන්තාක් මියගොස් ඇති බව වාර්තා වේ.
ලිට්‍රෝ ලංකා ගෑස් සමාගමේ ගෑස් සිලින්ඩර අනාරක්ෂිත බවට එල්ල වන සියලු චෝදනා ප්‍රතික්ෂේප කරන බව ලිට්‍රෝ ලංකා සමාගමේ වෙළඳ හා අලෙවි අධ්‍යක්ෂක ජනක පතිරත්න මහතා පවසනවා. ලිට්‍රෝ සමාගම අපහසුතාවයට පත් කිරීම සඳහා සහ ජනතාව බිය ගැන්වීම සඳහා මෙවැනි ප්‍රකාශ සංවිධානාත්මක කණ්ඩායම් විසින් සමාජගත කරන බවයි ජනක පතිරත්න මහතා සඳහන් කරන්නේ.
බලපත්‍ර නොමැතිව පුපුරණ ද්‍රව්‍ය ප්‍රවාහනය කළ පුද්ගලයින් 05 දෙනෙකු පදවිය පොලිසිය මගින් අත්අඩංගුවට ගෙන තිබෙනවා. ඒ, පදවිය පොලිස් ස්ථානයේ නිලධාරීන් සහ යුද හමුදා නිලධාරීන් එක්ව පදවිය ආරියදාසගම ප්‍රදේශයේ සිදුකළ වැටලීමකදීයි.
වෛද්‍යවරුන් ඇතුළු ඉහළ වෘත්තිකයින්ගේ ආදායම් බදු අයකිරීමේ ප්‍රතිශතය අඩුකරන්නැයි රජයේ වෛද්‍ය නිලධාරීන්ගේ සංගමයේ සභාපති වෛද්‍ය අනුරුද්ධ පාදෙනිය මහතා අග්‍රාමාත්‍ය මහින්ද රාජපක්ෂ මහතාගෙන් ඉල්ලීමක් කර තිබේ.
ටෙස්ට් තරග සියයක් ක්‍රීඩා කිරීම සහ ටෙස්ට් ලකුණු දස දහසක් රැස් කිරීම තම ප්‍රධාන අරමුණ බව ශ්‍රී ලංකා ක්‍රිකට් නායක දිමුත් කරුණාරත්න පවසනවා. ශ්‍රී ලංකා බටහිර ඉන්දීය කොදෙව් පළමු ටෙස්ට් ක්‍රිකට් තරගය අවසානයේ මාධ්‍ය වෙත අදහස් දක්වමින් ඔහු පැවසුවේ මීට පෙර තමා අසාර්ථකවේ යැයි බියෙන් ක්‍රීඩා කළද දැන් එවැනි මානසිකත්වයක් නොමැති බවයි.
ඔක්සිජන් මත යැපෙන කොරෝනා ආසාදිතයින්ගේ ක්‍රමික වැඩිවීමක් ඇතැයි සෞඛ්‍ය අංශ පවසනවා. ඒ, ඉකුත් දින කිහිපයේ යළි මෙරටින් කොරෝනා ආසාදිතයින් වාර්තා වීමේ ප්‍රවණතාව වැඩි වීමත් සමගයි. ජ්‍යෙෂ්ඨ සෞඛ්‍ය ප්‍රකාශකයෙකු පැවසුවේ මේවනවිට අසාධ්‍ය තත්ත්වයෙන් රෝහල්ගත කරන කොරෝනා ආසාදිතයින්ගේ සංඛ්‍යාව ද වැඩිවෙමින් ඇති බවයි. මේ හේතුවෙන් සෞඛ්‍ය පුරුදු දැඩි ලෙස පිළිපැදීම මේ මොහොතේ අත්‍යවශ්‍ය බව ද සෞඛ්‍ය අංශ පෙන්වා දෙනවා.
සංචාරක බටහිර ඉන්දීය කොදෙව් කණ්ඩායම හා ශ්‍රී ලංකා කණ්ඩායම අතර ගාල්ලේ දී පැවැති පළමු ටෙස්ට් ක්‍රිකට් තරඟය ලකුණු 187 කින් ජය ගැනීමට ශ්‍රී ලංකා කණ්ඩායම අද (25) සමත් වුණා.
Page 291 of 710