Social and Equity
ඉන්ධන අර්බුදය හේතුවෙන් ගුවන් යානා සඳහා ඉන්ධන ලබාදීමද අක්‍රිය වීමේ අවදානමක් මතුව තිබේ. ගුවන් තොටුපල හා ගුවන් සේවා සමාගමේ මෙහෙයුම් අධ්‍යක්ෂවරයාට අනුව ඉතිරි වී ඇති ගුවන් යානා ඉන්ධන තොග ප්‍රමාණවත් වන්නේ තවත් දින 05 කට පමණි.
ඉන්ධන මිල ඉහළ යාම හේතුවෙන් අධිවේගී මාර්ග සහ සුඛෝපභෝගී බස් රථ ගාස්තු ඉහළ දැමීමට ජාතික ගමනාගමන කොමිෂන් සභාව තීරණය කර තිබේ.
වැටුප ඉක්මවූ දීමනා කපා හැරීම හේතුවෙන් වෛද්‍යවරයෙකුට රුපියල් 30,000කට අධික මුදලක් අහිමි වී ඇතැයි රජයේ වෛද්‍ය නිලධාරීන්ගේ සංගමය පවසනවා. එම සංගමයේ මධ්‍යම කාරක සභික වෛද්‍ය ප්‍රසාද් කොළඹගේ පැවසුවේ මේ හේතුවෙන් ඇතැම් වෛද්‍යවරුන් සෞඛ්‍ය ක්‍ෂේත්‍රයෙන් ඉවත් වී රට හැරයාමේ සූදානමක්ද ඇති බවයි.
විවිධ ලිංගික අනන්‍යතා දරන ප්‍රජාවට බලපාන කරුණු සම්බන්ධයෙන් අධිකරණ අමාත්‍යවරයා සමඟ සාකච්ඡා කිරීමට ශ්‍රී ලංකාවේ LGBT+ ප්‍රජාවට ආරාධනා කරන බව ස්වාධීන මන්ත්‍රී ජීවන් තොණ්ඩමන් මහතා ප්‍රකාශ කරයි.
ගෑස් මිලදී ගැනීම සඳහා අද දිනයේ ද පෝලිම්වල රැදී නොසිටින ලෙස ලිට්‍රෝ සමාගම පවසනවා. එම සමාගම පැවසුවේ ගෘහස්ථ ගෑස් සිලින්ඩර බෙදා හැරීමක් අද දිනයේද සිදු නොවන බැවින් ජනතාවගෙන් මෙම ඉල්ලීම සිදුකරන බවයි එම සමාගම පැවසුවේ.
ඉන්ධන මිල ඉහළ දැමීමත් සමග බස් ගාස්තු සීයයට 25-30ත් අතර ප්‍රමාණයකින් ඉහළ දැමෙනු ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න ප්‍රකාශ කර සිටිනවා.
Page 272 of 768