- Details
පිරිපුන් සුන්දර කෙස් කළඹකට හැමෝම කැමැතියි. ඒ නිසාම කෙස් කළඹ ලස්සන කරගන්න යුවතියන් විවිධ ක්‍රම භාවිත කරනවා. ඒ විවිධ ක්‍රම අතරින් බොහෝ දෙනා වැඩි කැමැත්තක් දක්වන්නේ කෘත්‍රීමව හිසකෙස් සකස් කරන්නයි. හැබැයි ඒ විදියට කොණ්ඩය සකස් කරගැනීමේදී, එයින් කොයි තරම් අලංකාර පෙනුමක් ලැබුණත් හිසකෙස්වලට සිදුවන හානිය නැවත පිළිසකර කිරීම නම් එතරම් ලේසි පහසු දෙයක් වෙන්නේ නැහැ. ඔබේ කෙස් කළඹ දැනටමත් එහෙම හානියට පත්වෙලා නම්, එහෙමත් නැත්නම් damage වූ කෙස් කළඹ සකස් කරගන්න ඔබ කැමතියි නම් මේ තමයි හොඳම විසඳුම. කෙරටින් ට්‍රීට්මන් එහෙමත් නැතිනම් කෙරටින් ස්ට්‍රේට් ගැනයි අද මේ ලිපියෙන් කතා බහ කරන්නේ.
Rebonding සහ keratin treatment අතර වෙනස ?
බැලූ බැල්මට මේ අවස්ථා දෙකේදිම ලැබෙන ප්‍රතිඵලය එක සමාන වගේ වුණත් හිසකෙස්වලට සිදුවන බලපෑම නම් හාත්පසින්ම දෙයාකාරයක් ගන්නවා. රසායනික ද්‍රව්‍ය යෙදීම මඟින් හිසකෙස් සැදි ඇති natural bonds බිඳ දමා, ඉන් පසුව iron කිරීම මඟින් හිසකෙස් ඍජු කිරීමක් rebonding වලදි සිදු කරනවා. ඒ කියන්නේ straightening cream වර්ගයක් ආලේප කර මඳ වෙලාවකට පසු සෝදා හැරීමත්, ඉන් පසුව iron කිරීමත් මෙහිදි සිදු වෙනවා. හැබැයි මේ ක්‍රියාවලිය හරහා සම්පූර්ණයෙන් ම හිසකෙස් පළුදු වීමක් තමයි සිදු වෙන්නේ. නමුත් keratin treatment එකකදි කිසිසේත්ම මෙවැනි damage වීමක් සිදු වන්නේ නැහැ.
එහෙනම් Keratin seal එකේදි වෙන්නේ මොකක්ද ?
අපේ හිසකෙස් සහ නියපොතු හැදිලා තියෙන්නේ keratin කියන protein cells වලින් බව ඔබ දන්නවා ඇති. ශරීරයට නිසි පරිදි පෝෂණයක් නොලැබෙන කොට ශරීරයේ අනිත් කොටස් අඩපණ වෙනවා වගේම හිසකෙසුත් දුර්වල වීමට, කැඩී යාමට, ගැලවීමට සහ dull පෙනීමක් ගන්නට පටන් ගන්නවා. අන්න ඒ වගේ අප්‍රාණික හිසකෙස්වලට keratin ආලේප කරලා iron කිරීම මඟින් seal කිරීමෙන්, කොණ්ඩයට පෝෂණයක් සැපයීමත්, හිසකෙස් යථා තත්ත්වයට පත් කිරීමත් තමයි මෙහිදී සිදු කරන්නේ. Rebonding process එකේදි cream ආලේප කිරීමෙන් පසු සෝදාහරිනවා වගේ මෙහිදි keratin ආලේප කරලා සෝදාහැරීමක් සිදු කරන්නේ නැති බව අමතක කරන්න එපා.
වෙනත් සත්කාර හරියන්නේ නැද්ද ?
සාමාන්‍යයෙන් ඔබ හිස්කබල shampoo කළාට පස්සේ හිසකෙස්වලට conditioner ආලේප කිරීමක් සිදු කරනවා. එහෙමත් නැත්නම් සතියකට දෙකකට වතාවක් deep conditioner කරනවා වෙන්නත් පුළුවන්. හැබැයි මේ දේවල් තාවකාලික සත්කාර පමණයි. Keratin seal එකක් කරපු කොණ්ඩයක් හරි විදියට සත්කාර කරලා පරිස්සම් කරගත්තොත් මාස 6කට කිට්ටු කාලයක් බොහොම ලස්සනට තියාගන්න පුළුවන්කම ලැබෙනවා. ඒ වගේම අවුරුද්දට 2-3 වතාවක් වුණත් කරන්න පුළුවන්කම තියෙනවා.
කොහොමද keratin treatment එකක් කරන්නේ ?
මේ ක්‍රියාවලිය නිවෙසේදි සිදු කරන එක නම් සාර්ථක වැඩක් නෙවෙයි. සුදුසුකම් සහිත සහ විශ්වාසවන්ත රූපලාවණ්‍ය ශිල්පිනියකගෙන් ම තමයි මේ සත්කාරය කරගන්න අවශ්‍ය වෙන්නේ. මුලින්ම හිසකෙස් සහ හිස්කබලේ ඇති සියලුම කුණු දුහුවිලි, conditioner, තෙල් යනාදිය අයින් වෙලා යන පරිදි හොඳින් සෝදා, ඉන්පසු වියළා ගන්නවා. සම්පූර්ණයෙන් කෙස් කළඹම ආවරණය වෙන විදියට keratin ආලේප කරලා තියලා නියමිත කාල සීමාවකට පස්සේ dryer එකක් මඟින් හිසකෙස් හොඳින් වියළා ගැනීමත්, පසුව iron කිරීමත් සිදු කරනවා. Keratin යොදා කෙස් ගසේ cuticle එක වසා දමා seal කරන මේ ක්‍රියාවලියට පැය 2-4 පමණ කාලයක් සාමාන්‍ය යෙන් ගත වෙනවා. මේ කාල සීමාව තීරණය වන්නේ ඔබේ සම්පූර්ණ කෙස්කලඹේ ස්වභාවය අනුවයි.
සාර්ථකව සිදු කරපු මේ ක්‍රියාවලියෙන් පැය 48 කට පස්සේ සාමාන්‍ය විදියට නාන්න, shampoo, conditioner කරන්න පුළුවන්කම තියෙනවා. හැබැයි sulphate- free, මෘදු shampoo වර්ගයක් සහ ගුණාත්මක බවෙන් ඉහළ conditioner වර්ගයක් යෙදීම තමයි ඉතාමත් සුදුසු වෙන්නේ. Keratin straightening එකකට පස්සේ ඔබගේ හිසකෙස්වල වියවුල් සහ දුර්වල බව නැතිවෙලා පිරිපුන්, ශක්තිමත් සහ කඩාහැලෙන සුළු සහ දිදුලන කෙස් කළඹකට හිමිකම් කියන්න ඔබට අවස්ථාව උදා වෙනවා.
කොයි වගේ කොණ්ඩෙකටද කරන්න පුළුවන් ?
සාමන්‍ය හිසකෙස්වලට සහ කෘත්‍රීමව වෙනස් කරපු හිසකෙස් වලට මේ සත්කාරය කරන්න පුළුවන්. ඒ වගේ ම color කරපු හිසකෙස්වලට සිදු කරන්නත් පුළුවන්කම තියෙනවා. Blonde වගේ වර්ණයක් යෙදීම වෙනුවෙන් bleach කිරීම නිසා අධික විදියට damage වුණු හිසකෙස් වලටත් keratin treatment එක කරන්න පුළුවන් වුණත් එතරම් කාලයක් සත්කාරයේ ප්‍රතිඵල විඳින්න නම් ඉඩ ලැබෙන්නේ නැහැ. ඒ වගේම අධික සිහින් හිසකෙස්වලට මේ සත්කාරය සිදු කරනවා නම් iron කිරීමේදි නොකැඩෙන පරිදි ඉතාම ප්‍රවේසමෙන් සිදු කරන්න අවශ්‍ය වෙනවා. Seal කිරීම සඳහා iron කිරීමේදී කොණ්ඩයේ Curly ගතිය නැතිවෙන නිසා curl කොණ්ඩයකට keratin treatment එකක් කරනවා නම් හිසකෙස්වල කැරලි ගතිය ගැන තියෙන ආසාව නම් අතහරින්න වෙනවා.
මෙය සාමාන්‍යෙන් rebonding වලට වඩා මිල අධික සත්කාරයක් විදියට තමයි සැලකෙන්නේ. ඒ නිසා බොහොම අඩු මුදලකට keratin seal එකක් කරදීමට රූපලාවණ්‍යාගාරයකින් පොරොන්දු වෙනවා නම් එය විශ්වාස කරන්න පුළුවන් පොරොන්දුවක් නම් නෙවෙයි. බොහෝ දුරට ඔවුන් පොරොන්දු වෙන්නේ සාමාන්‍ය rebonding එකක් ම කරලා දෙන්න වෙන්න පුළුවන්. ඒ නිසා ඒ ගැනත් සැලකිලිමත් වෙන්න.
රූපලාවණ්‍ය ශිල්පීනී - තක්ෂි වනිගසේකර
විදුමිණි දිසාකරුණා
Tharunie
- Details
ඡවි කල්‍යාණය හෙවත් පැහැපත් සම අඳුරු සමක්, රෝගී සමක් බවට පත් කරනුයේ චර්ම රෝගයි.
ඉතා ඈත අතීතයේ පටන් මිනිසාගේ බාහිර ස්වරූපය, පියකරුබව කෙරෙහි විශේෂ අවධානයක් යොමු කොට තිබේ. අදටත් ඉදිරියටත් එය එසේම පවතීවි. පියකරුබව, පැහැපත්බව, නිරෝගිබව.... මේ ආදී දේ රඳා පවත්නේ සමේ ස්වභාවය මතයි. අකලට හිසකෙස් පැසීම, හිස කෙස් ගැලවී යෑම යනාදියත් සම ආශ්‍රිතවම සිදුවන්නකි. සම රැලි බවින් තොරවීම සමෙහි ස්වභාවික වර්ණය, සමෙහි තෙතමනය, පිරිසුදු බව හා රෝගවලින් යන සියලුම කාරණා මත බාහිර ස්වරූපය හෙවත් පියකරු බව රඳා පවතී.
ආයුර්වේද වෛද්‍ය විද්‍යාවට අනුව බාහිර හා අභ්‍යන්තර නීරෝගිබව, පියකරුබව රැක ගැනීමට මුළු ජීවිතයම පවත්වා ගැනීමට ඕජස් නැමැති ධාතුවේ මනා ක්‍රියාකාරීත්වය ඉතාමත් වැදගත් වේ.
පියකරු බව පවත්වාගෙන යෑමට ශාරීරික සෞඛ්‍යය මෙන්ම මානසික සෞඛ්‍යය ද එකසේ බලපායි. මානසිකව රෝගී වීම පිළිබඳ අප එතරම් නොසිතුවත් එය පිළිබිඹු වන්නේ මුහුණෙනි; ඇස්වලිනි. එය නොදැනුවත්වම වෙන දෙයකි. එසේම සම අවලස්සන වී, සම වියළි වී, අඳුරු පැහැයක් ගනී. පැහැපත් බව නැතිව යයි.
මානසික සෞඛ්‍යයට හානි කරන ක්‍රෝධ, ශෝක, බය යන දෙයින් තොර වීමත් ආධ්‍යාත්මික ගුණයෙන් පිරිපුන් වීම, හිතකර ආහාර ලබා ගැනීම, හිතකර ව්‍යායාමවල යෙදීම, යෝග ව්‍යායාම කිරීම, පිරිසුදු පරිසරවල ඇවිදීම, වැව්, ගංගා, දිය ඇලි ආශ්‍රිතව සිටීම වැදගත් වේ.
ආයුර්වේද වෛද්‍ය විද්‍යාව තුළ පියකරු බව පවත්වා ගැනීමට විවිධ රූපලාවණ්‍ය ක්‍රම භාවිත කරයි. ආයුර්වේදයට අනුව මෙය සිදු කරනුයේ පියවර කිහිපයක් ඔස්සේ යි.
* කුෂ්ටග්න - එනම් සමේ ඇතිවන විවිධ චර්ම රෝග නැති කිරීම
* කණ්ඩුග්න සමේ ඇතිවන කැසීම නැති කිරීම
* වයඃස්ථාපන (Antiaging) එනම් වයස්ගත වීමත් සමඟ ඇතිවන වයසක පෙනුම නැති කිරීම
යන කාරණා යටතේ පුද්ගලයකුගේ බාහිර පෙනුම මනාව පවත්වාගෙන යයි.
ඉහත කාරණා ඉෂ්ට කිරීමට කහ, වැල් මදට, ඉරමුසු, සුදුහඳුන්, නෙල්ලි, කෝමාරිකා, රත් හඳුන් ආදී ඖෂධ වර්ග විශාල සංඛ්‍යාවක් යොදාගනී.
රෝගවලින් තොරව සම පිරිසුදුව, පියකරුව තබා ගැනීමට ආහාර මඟින් ද විශාල කර්තව්‍යයක් ඉටු වේ. ප්‍රත්‍ය ආහාර සංකල්පය පිළිබඳ සැලකිලිමත් විය යුතුයි. එමෙන්ම ආයුර්වේද වෛද්‍ය විද්‍යාවේ හඳුන්වාදෙන පංච කර්ම ප්‍රතිකාර, රසායන චිකිත්සාව අනුගමනය කිරීමෙන් ද පියකරු බව දැකගත හැකි වේ.
සම යනු අපේ ශරීරයේ විශාලතම ඉන්ද්‍රියයි. පංචේන්ද්‍රිය සංවේදීතාවන් හඳුනා ගන්නා විශාලතම ඉන්ද්‍රියත් සම වේ. ආයුර්වේද රූපලාවණ්‍ය යනු අද සමාජයේ ප්‍රචලිතව පවතින සාමාන්‍ය රූපලාවණ්‍ය ක්‍රමය නොවන බව තබා ගත යුතුයි. එය පුද්ගලයකුගේ නිරෝගී පෙනුම, පියකරු බව, පෞරුෂත්වය හා කැපී පෙනෙන බව ලබා දිය හැකි සුවිශේෂ ප්‍රතිකාර පද්ධතියකි.
සමේ ස්වභාවය, රූප ස්වභාවය අවලස්සන කරන සම මූලික කොට හටගන්නා රෝග කුෂ්ඨ රෝගයි. චර්මය ආශ්‍රිතව හටගන්නා මේ කුෂ්ඨ රෝග සුවිශේෂ වූ වර්ගීකරණයක් යටතේ පෙන්වා දෙයි. ඒ අනුව මහා කුෂ්ඨ 7ක් හා ක්ෂුද්‍රරෝග 11ක් ලෙස කුෂ්ඨරෝග 18 යටතේ වර්ගීකරණය කොට තිබේ.
තරමක් දරුණු, සුව කිරීමට අපහසු හෝ අපහසුවෙන් සුව කළ හැකි කුෂ්ට රෝග මහා කුෂ්ඨ රෝග යටතට ගැනේ. ක්ෂුද්‍ර කුෂ්ඨ රෝග සුළු කුෂ්ඨ රෝග තත්ත්වයන් ය. සුව කළ හැකි ඒවාය. මේවා එකිනෙකින් වෙන්කර හඳුනා ගැනීම තරමක් අපහසුයි. ඒ අතරින් නිතර දක්නට ලැබෙන කුෂ්ඨ රෝග රැසක් තිබේ.
* පොතු කබර හෙවත් කිටිභ රෝගය (Csoriasis)
* සුදු කබර හෙවත් ශවිත්‍ර(Vitiligo)
* දදෘ මණ්ඩල කුෂ්ට (Ring Worm)
* විචාර්චිකා (Dry/ Wet Eczema)
* විද්‍රභී (Abcess)
* ගජ චර්ම - සම රැලි වී කළු වී අලියකුගේ සම මෙන් ගොරොසු වන තත්ත්වය
* සිධ්ම - අළුහම්
* දාරුණ -හිස්හොරි
* ව්‍යංග - සමෙහි කළු පැල්ලම් මතුවීම (Melasma)- මුහුණේ දෙපැත්තේ පැල්ලම් දෙකක් මතුවන තත්ත්වයයි.
* අකාල පලිත - අකලට හිසකෙස් පැසීම
*අකාල වලිත -අකලට හිසකෙස් වැටීම
*යුවානි පීඩකා - කුරුලෑ
මෙම රෝග තත්ත්වයන් අද සමාජයේ වඩාත් ප්‍රචලිත කුෂ්ඨරෝග බවට හඳුන්වා දිය හැකියි. මෙම රෝග තත්ත්ව පිළිබඳ වෙන වෙනම ඉදිරි සතිවලදී හඳුනා ගනිමු.
උපදෙස් :
ආයුර්වේද වෛද්‍ය
චූලා විජේරත්න
Tharunie
- Details
ඉල්ලුම් කරන්නේ සැහැල්ලු වාහන බලපත්‍රයක් නම් අවුරුදු 17 සම්පූර්ණ වූ විටම පරීක්ෂණයට මුහුණ දිය හැකි වුවත්, ඔබ බර වාහන බලපත්‍රය ඉල්ලුම් කරන්නේ නම් කලින් ලබා ගත් සාමාන්‍ය බලපත්‍රයක් තිබිය යුතුය.
- Details
දේශගුණය, කාලගුණය අපට අවශ්‍ය පරිදි වෙනස් කරන්න බෑ. ඒත් ඒ නිසා අපේ සිරුරට ඇතිවන බලපෑම ගැන නොසිතා ඉන්නත් බෑ. විශේෂයෙන් ම රුව රැක ගැනීමේ දී මේ තත්ත්වයන් ගැන අවධානයෙන් වගේම අවබෝධයෙනුත් සිටිය යුතුයි.
- Details
ගොඩපර ගෙඩියක් බ්ලෙන්ඩ්කර ඔළුවට දාමා හිසකෙස්වල හොඳින් ගල්වා නාන්න. මෙය හිස පිරිසුදු කරන අතරම හොඳ ස්වභාවික කන්ඩිෂනර් එකක් ලෙස ද ක්‍රියා කරයි. හිසට සිසිලසක් ගෙන දෙයි.
- Details
මුදු, වළලු දමා හැඩ කරන දෑත ඇත්තට ම සුන්දරද? ඔබේ දෑත් දෙස ඔබම නෙත් යොමු කරන්න. සුන්දර දෑතක් හිමි කාන්තාවකගේ මුහුණ දෙස අපගේ නෙත් දිවයන්නේ දෑත්වල සුන්දරත්වය පමණට ම ඇගේ මුහුණද සොඳුරුදැයි දැක බලා ගැනීමටයි.
- Details
බිඳවැටීම්, අර්බුදකාරි අවස්ථාවන් සහ මිනිසුන්ගේ රැවටීම් කියන්නෙ එයින් පීඩාවන්ට ලක්වෙන අයට හොඳ උත්තේජනයක්.
- Details
මුදු, වළලු දමා හැඩ කරන දෑත ඇත්තට ම සුන්දරද? ඔබේ දෑත් දෙස ඔබම නෙත් යොමු කරන්න. සුන්දර දෑතක් හිමි කාන්තාවකගේ මුහුණ දෙස අපගේ නෙත් දිවයන්නේ දෑත්වල සුන්දරත්වය පමණට ම ඇගේ මුහුණද සොඳුරුදැයි දැක බලා ගැනීමටයි.
- Details
පිරිපුන් සුන්දර කෙස් කළඹකට හැමෝම කැමැතියි. ඒ නිසාම කෙස් කළඹ ලස්සන කරගන්න යුවතියන් විවිධ ක්‍රම භාවිත කරනවා. ඒ විවිධ ක්‍රම අතරින් බොහෝ දෙනා වැඩි කැමැත්තක් දක්වන්නේ කෘත්‍රීමව හිසකෙස් සකස් කරන්නයි. හැබැයි ඒ විදියට කොණ්ඩය සකස් කරගැනීමේදී, එයින් කොයි තරම් අලංකාර පෙනුමක් ලැබුණත් හිසකෙස්වලට සිදුවන හානිය නැවත පිළිසකර කිරීම නම් එතරම් ලේසි පහසු දෙයක් වෙන්නේ නැහැ. ඔබේ කෙස් කළඹ දැනටමත් එහෙම හානියට පත්වෙලා නම්, එහෙමත් නැත්නම් damage වූ කෙස් කළඹ සකස් කරගන්න ඔබ කැමතියි නම් මේ තමයි හොඳම විසඳුම. කෙරටින් ට්‍රීට්මන් එහෙමත් නැතිනම් කෙරටින් ස්ට්‍රේට් ගැනයි අද මේ ලිපියෙන් කතා බහ කරන්නේ.
Rebonding සහ keratin treatment අතර වෙනස ?
බැලූ බැල්මට මේ අවස්ථා දෙකේදිම ලැබෙන ප්‍රතිඵලය එක සමාන වගේ වුණත් හිසකෙස්වලට සිදුවන බලපෑම නම් හාත්පසින්ම දෙයාකාරයක් ගන්නවා. රසායනික ද්‍රව්‍ය යෙදීම මඟින් හිසකෙස් සැදි ඇති natural bonds බිඳ දමා, ඉන් පසුව iron කිරීම මඟින් හිසකෙස් ඍජු කිරීමක් rebonding වලදි සිදු කරනවා. ඒ කියන්නේ straightening cream වර්ගයක් ආලේප කර මඳ වෙලාවකට පසු සෝදා හැරීමත්, ඉන් පසුව iron කිරීමත් මෙහිදි සිදු වෙනවා. හැබැයි මේ ක්‍රියාවලිය හරහා සම්පූර්ණයෙන් ම හිසකෙස් පළුදු වීමක් තමයි සිදු වෙන්නේ. නමුත් keratin treatment එකකදි කිසිසේත්ම මෙවැනි damage වීමක් සිදු වන්නේ නැහැ.
එහෙනම් Keratin seal එකේදි වෙන්නේ මොකක්ද ?
අපේ හිසකෙස් සහ නියපොතු හැදිලා තියෙන්නේ keratin කියන protein cells වලින් බව ඔබ දන්නවා ඇති. ශරීරයට නිසි පරිදි පෝෂණයක් නොලැබෙන කොට ශරීරයේ අනිත් කොටස් අඩපණ වෙනවා වගේම හිසකෙසුත් දුර්වල වීමට, කැඩී යාමට, ගැලවීමට සහ dull පෙනීමක් ගන්නට පටන් ගන්නවා. අන්න ඒ වගේ අප්‍රාණික හිසකෙස්වලට keratin ආලේප කරලා iron කිරීම මඟින් seal කිරීමෙන්, කොණ්ඩයට පෝෂණයක් සැපයීමත්, හිසකෙස් යථා තත්ත්වයට පත් කිරීමත් තමයි මෙහිදී සිදු කරන්නේ. Rebonding process එකේදි cream ආලේප කිරීමෙන් පසු සෝදාහරිනවා වගේ මෙහිදි keratin ආලේප කරලා සෝදාහැරීමක් සිදු කරන්නේ නැති බව අමතක කරන්න එපා.
වෙනත් සත්කාර හරියන්නේ නැද්ද ?
සාමාන්‍යයෙන් ඔබ හිස්කබල shampoo කළාට පස්සේ හිසකෙස්වලට conditioner ආලේප කිරීමක් සිදු කරනවා. එහෙමත් නැත්නම් සතියකට දෙකකට වතාවක් deep conditioner කරනවා වෙන්නත් පුළුවන්. හැබැයි මේ දේවල් තාවකාලික සත්කාර පමණයි. Keratin seal එකක් කරපු කොණ්ඩයක් හරි විදියට සත්කාර කරලා පරිස්සම් කරගත්තොත් මාස 6කට කිට්ටු කාලයක් බොහොම ලස්සනට තියාගන්න පුළුවන්කම ලැබෙනවා. ඒ වගේම අවුරුද්දට 2-3 වතාවක් වුණත් කරන්න පුළුවන්කම තියෙනවා.
කොහොමද keratin treatment එකක් කරන්නේ ?
මේ ක්‍රියාවලිය නිවෙසේදි සිදු කරන එක නම් සාර්ථක වැඩක් නෙවෙයි. සුදුසුකම් සහිත සහ විශ්වාසවන්ත රූපලාවණ්‍ය ශිල්පිනියකගෙන් ම තමයි මේ සත්කාරය කරගන්න අවශ්‍ය වෙන්නේ. මුලින්ම හිසකෙස් සහ හිස්කබලේ ඇති සියලුම කුණු දුහුවිලි, conditioner, තෙල් යනාදිය අයින් වෙලා යන පරිදි හොඳින් සෝදා, ඉන්පසු වියළා ගන්නවා. සම්පූර්ණයෙන් කෙස් කළඹම ආවරණය වෙන විදියට keratin ආලේප කරලා තියලා නියමිත කාල සීමාවකට පස්සේ dryer එකක් මඟින් හිසකෙස් හොඳින් වියළා ගැනීමත්, පසුව iron කිරීමත් සිදු කරනවා. Keratin යොදා කෙස් ගසේ cuticle එක වසා දමා seal කරන මේ ක්‍රියාවලියට පැය 2-4 පමණ කාලයක් සාමාන්‍ය යෙන් ගත වෙනවා. මේ කාල සීමාව තීරණය වන්නේ ඔබේ සම්පූර්ණ කෙස්කලඹේ ස්වභාවය අනුවයි.
සාර්ථකව සිදු කරපු මේ ක්‍රියාවලියෙන් පැය 48 කට පස්සේ සාමාන්‍ය විදියට නාන්න, shampoo, conditioner කරන්න පුළුවන්කම තියෙනවා. හැබැයි sulphate- free, මෘදු shampoo වර්ගයක් සහ ගුණාත්මක බවෙන් ඉහළ conditioner වර්ගයක් යෙදීම තමයි ඉතාමත් සුදුසු වෙන්නේ. Keratin straightening එකකට පස්සේ ඔබගේ හිසකෙස්වල වියවුල් සහ දුර්වල බව නැතිවෙලා පිරිපුන්, ශක්තිමත් සහ කඩාහැලෙන සුළු සහ දිදුලන කෙස් කළඹකට හිමිකම් කියන්න ඔබට අවස්ථාව උදා වෙනවා.
කොයි වගේ කොණ්ඩෙකටද කරන්න පුළුවන් ?
සාමන්‍ය හිසකෙස්වලට සහ කෘත්‍රීමව වෙනස් කරපු හිසකෙස් වලට මේ සත්කාරය කරන්න පුළුවන්. ඒ වගේ ම color කරපු හිසකෙස්වලට සිදු කරන්නත් පුළුවන්කම තියෙනවා. Blonde වගේ වර්ණයක් යෙදීම වෙනුවෙන් bleach කිරීම නිසා අධික විදියට damage වුණු හිසකෙස් වලටත් keratin treatment එක කරන්න පුළුවන් වුණත් එතරම් කාලයක් සත්කාරයේ ප්‍රතිඵල විඳින්න නම් ඉඩ ලැබෙන්නේ නැහැ. ඒ වගේම අධික සිහින් හිසකෙස්වලට මේ සත්කාරය සිදු කරනවා නම් iron කිරීමේදි නොකැඩෙන පරිදි ඉතාම ප්‍රවේසමෙන් සිදු කරන්න අවශ්‍ය වෙනවා. Seal කිරීම සඳහා iron කිරීමේදී කොණ්ඩයේ Curly ගතිය නැතිවෙන නිසා curl කොණ්ඩයකට keratin treatment එකක් කරනවා නම් හිසකෙස්වල කැරලි ගතිය ගැන තියෙන ආසාව නම් අතහරින්න වෙනවා.
මෙය සාමාන්‍යෙන් rebonding වලට වඩා මිල අධික සත්කාරයක් විදියට තමයි සැලකෙන්නේ. ඒ නිසා බොහොම අඩු මුදලකට keratin seal එකක් කරදීමට රූපලාවණ්‍යාගාරයකින් පොරොන්දු වෙනවා නම් එය විශ්වාස කරන්න පුළුවන් පොරොන්දුවක් නම් නෙවෙයි. බොහෝ දුරට ඔවුන් පොරොන්දු වෙන්නේ සාමාන්‍ය rebonding එකක් ම කරලා දෙන්න වෙන්න පුළුවන්. ඒ නිසා ඒ ගැනත් සැලකිලිමත් වෙන්න.
රූපලාවණ්‍ය ශිල්පීනී - තක්ෂි වනිගසේකර
විදුමිණී දිසාකරුණා
- Details
පළමුව උප්පැන්න සහතිකයක් ගෙන්වා ගැනීම සඳහා ඉල්ලුම් කරන පුද්ගලයා ඔන්ලයින් මාර්ගයෙන් අයදුම්පතක් ඉදිරිපත් කළ යුතුය. ඒ සඳහා online.ebmd.rgd.gov.lk වෙබ් අඩවියට පිවිස පෝරමය පිරවීමට හැකියාව ලැබේ. මෙය භාෂා ත්‍රිත්වයෙන්ම ඇතුළත් කර ඇති නිසා ඔබ කුමන භාෂාවක් භාවිත කරන්නකු වුවත් පහසුවෙන්ම එම තොරතුරු ලබා ගැනීමේ හැකියාව ලැබේ.
- Details
අපි ගෙවන කාර්යබහුල ජීවන රටාව හමුවේ අධි රුධිර පීඩනය (පේෂර්) කියන්නේ අද වන විට බහුලව දක්නට ලැබෙන බෝ නොවන රෝග ගණයට අයත් රෝගයක්.
- Details
හැමතැනටම හැමදේම අදාළ නොවුණාට බොහෝ තැන්වලදී ගොඩක් දේවල් අපේ ජීවිතවලට ළංකරගත යුතු වෙනවා. ඒක නිසාම තමයි මේ මිතුරියන් හතරදෙනා පෞද්ගලිකව තම තමන් මුහුණ දෙන ගැටලු, පීඩන, අභියෝගවලින් මිදෙන්න එකතු වෙලා වැඩ කටයුතු කළේ.
Page 6 of 26