2025 ජනාධිපති පරිසර සම්මාන උළෙල ඔක්තෝම්බර් මස 23 වැනිදා පෙ.ව 10.00ට බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ ජනාධිපති අනුර කුමාර දිසානායක මහතාගේ ප්‍රධානත්වයෙන් පැවැත්වීමට සියලු කටයුතු සූදානම් බව පරිසර අමාත්‍ය වෛද්‍ය දම්මික පටබැඳි මහතා පවසයි.
Wednesday, November 05, 2025
Follow Us
Social and Equity
සිංගල් සුපර් පොස්පේට්(SSP) පොහොර කර්මාන්තශාලාව ඉදිකිරීමට යෝජිත ත්‍රිකුණාමලය චීන වරාය අසල වරාය අධිකාරියට අයත් භූමිය නිරීක්ෂණයට කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා ඊයේ (15) එක් වූ අතර එම භූමිය ආශ්‍රිත යටිතල පහසුකම් දියුණු කිරීම වෙනුවෙන් ත්‍රිකුණාමලය දිස්ත්‍රික් ලේකම් කාර්යාලයේ පැවති සාකච්ඡාවකටද එතුමා සහභාගි විය.
රත්නපුර දිස්ත්‍රික් ක්‍රීඩා සංකීර්ණයේ ස්ථාපිත කළ 400m ධාවන පථය (400m Track) ඊයේ දින (12) නිල වශයෙන් විවෘත කෙරිණි.
හෙරොයින් විකුණා උපයාගත් බවට සැකකරන රුපියල් තිස්ලක්ෂ විසිහත්දාසක මුදලක් ඇතුළු හෙරෝයින් ග්‍රෑම් දෙකයි මිලිග්‍රෑම් තුන්සියයක් සමග පොළොන්නරුව බැඳිවැව මාඔය ප්‍රදේශයේදී පුද්ගලයෙකු අද (17) සවස අත්අඩංගුවට ගත් බව පොළොන්නරුව පොලිසිය කියයි.
- ඔක්තෝබර් මාසය පියයුරු පිළිකා පිළිබඳව දැනුවත් කිරීමේ මාසයයි
- වැඩසටහනට සහය පළ කරමින් පාර්ලිමේන්තුවේ විවාදයක් ලබා ගැනීමටත් මන්ත්‍රීවරියන් රෝස පැහැයෙන් සැරසීමටත් තීරණයක්.
සෑම වසරකම ඔක්තෝබර් මස ගෝලීය පියයුරු පිළිකා පිළිබඳව දැනුවත් කිරීමේ මාසය හෙවත් “රෝස පැහැති මාසය” ලෙස සලකනු ලබන අතර ඊට සමගාමීව මෙරට පියයුරු පිළිකා මර්දනය සහ ඊට අදාළව සංවිධානය වන වැඩසටහන් පිළිබඳව පාර්ලිමේන්තු මන්ත්‍රීවරියන්ගේ සංසදය දැනුවත් කිරීමේ විශේෂ රැස්වීමක් පසුගියදා (09) පාර්ලිමේන්තුවේදී පැවැත්විණි.
නියාගම ප්‍රාදේශීය ලේකම් කාර්යාලයේ, ආර්ථික සංවර්ධන නිලධාරියෙකු අල්ලස් ලබාගැනීමට ආධාර අනුබල දීමේ චෝදනාව මත අත්අඩංගුවට ගෙන තිබේ.
ශ්‍රී ලංකා දුම්රිය සේවයේ අධීක්ෂණ කළමණාකාර තුන්වන ශ්‍රේණිය තනතුර සඳහා වෘත්තිකයන් 98 ක් බඳවාගැනීමේ උත්සවය වැඩබලන ප්‍රවාහන මහාමාර්ග සහ නාගරික සංවර්ධන අමාත්‍ය, ප්‍රසන්න ගුණසේන මහතාගේ ප්‍රධානත්වයෙන් ඊයේ(13) පැවැත්විණි.
ගල්කිස්ස අධිකරණ පරිශ්‍රය තුළදී පොලිස් නිලධාරියෙකු විසින් නීතීඥවරයෙකුට පහරදුන් සිදුවීමට අදාළව චෝදනා එල්ලවූ පොලිස් නිලධාරියා ඇප මත මුදා හැරීමට ගල්කිස්ස මහේස්ත්‍රාත්වරයා නියෝග කර තිබෙන බව වාර්තා වෙයි.
වර්තමානයේ මෙරට මුහුණ දී සිටින ජාතික ව්‍යසනයක් වන විෂ මත්ද්‍රව්‍ය උවදුර තුරන් කිරීම ඉලක්ක කර ගත් ජාතික වැඩසටහනක් ක්‍රියාත්මක කිරිම සඳහා ‘රටම එකට ජාතික මෙහෙයුම් සභාව’ ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති ලේකම් කාර්යාලයේදී අද (17) පළමු වරට රැස් විය.
අස්වැසුම පළමු අදියර ප්‍රතිලාභීන්ගේ ඔක්තෝබර් මස ප්‍රතිලාභී දීමනාව අද (15) ඔවුන්ගේ බැංකු ගිණුම් වෙත බැර කිරීමට කටයුතු කරන බව සුබසාධක ප්‍රතිලාභ මණ්ඩලය පවසයි.
ඒ අනුව රුපියල් 11,223,838,750.00ක මුදලක් ප්‍රතිලාභී පවුල් 1,415,016ක් අතරේ බෙදා හැරීමට නියමිතය.
වතු ජනතාවගේ දීර්ඝකාලීන ඉල්ලීමක් වූ රුපියල් 1750ක දෛනික වැටුප් ඉල්ලීම දිනා දීමට කෙසේ හෝ මෙම වසර තුළ කටයුතු කරන බව ජනාධිපති අනුර කුමාර දිසානායක මහතා පැවසීය.
තරුණ කටයුතු සහ ක්‍රීඩා අමාත්‍යාංශය හා එක්සත් ජාතීන්‌ගේ ලෝක ජනගහන අරමුදල එක්ව සකස් කිරීමට යෝජිත ජාතික තරුණ ප්‍රතිපත්තිය සඳහා පුරවැසි අදහස් හා යෝජනා ලබාගැනීමට අදහස් කරන බව තරුණ කටයුතු සහ ක්‍රීඩා නියෝජ්‍ය අමාත්‍ය දිනිඳු සමන් හෙන්නායක මහතා පැවසීය.
රාජ්‍ය ආයතන කිහිපයක් මගින් පවත්වා ගෙන යනු ලබන මාර්ග ගත සේවාවන්වලට එල්ල වී තිබෙන බලපෑම් යථා තත්වයට පත් කිරීම මේ වන විට සිදු කෙරෙමින් පවතින බව වාර්තා වෙයි.
ගල්කිස්ස අධිකරණ පරිශ්‍රය තුළදි නීතිඥවරයකු විසින් පොලිස් නිලධාරියෙකු හට බැන තර්ජනය කිරීමේ සිදුවීම සම්බන්ධව පොලිස් මුලස්ථානයෙන් මාධ්‍ය නිවේදනයක් නිකුත් කර තිබේ.
නිදහස් අධ්‍යාපනයේ පියා යන විරුදාවලිය ලත් ආචාර්ය සී. ඩබ්. ඩබ්. කන්නන්ගර ශ්‍රීමතාණන්ගේ 141 වන ජන්ම දින සැමරුම් උළෙල අද (13) අධ්‍යාපන හා උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න මහතාගේ ප්‍රධානත්වයෙන් මතුගම ශ්‍රවණාගාරයේදී පැවැත්විණි.
ප්‍රමුඛ ප්‍රතිසංස්කරණ කටයුතු සඳහා රුපියල් මිලියන 15 ක්.
මේ වසරේ එම ප්‍රතිසංස්කරණ අවසන් කරන ලෙසත් උපදෙස්.
සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පසුගිය දා බදූල්ල හෙද විදුහලේ විශේෂ නිරීක්ෂණයක නිරත විය.
අමාත්‍ය්‍යවරයෙකු බදූල්ල හෙද විදුහලේ නිරීක්ෂණයක යෙදුන පළමු අවස්ථාව මෙය විය. එම නිරීක්ෂණයේ දී හෙද විදුහල් පරිශ්‍රයේ පිහිටි සිසුන් 600 කට වැඩි පිරිසක් සඳහා වන දේශන ශාලා කාන්තා ශිෂ්‍ය නේවාසිකාගර, සනීපාරක්ෂක පහසුකම්, අධ්‍යයන කටයුතු සඳහා වන පුස්තකාල පහසුකම්, ප්‍රායෝගික පුහුණු ඒකක, ප්‍රධාන නිල නිවාසය, උපකාරක නිල නිවාස සහ ආපන ශාලා ඇතූළු ස්ථාන අමාත්‍යවරයාගේ නිරීක්ෂණයට ලක් විය.
විදුහලේ අවශ්‍යතා ලෙස, දේශන ශාලා නවීකරණය හෝ ඒ සඳහා නව ගොඩනැගිල්ලක් ඉදිකිරීම, දේශන ශාලා සඳහා වායු සමීකරණ පද්ධතියක අවශ්‍යතාව, අබලන් ශිෂ්‍ය හෙද නේවාසිකාගාරය අළුත්වැඩියාව, සනීපාරක්ෂක සේවා ඉහළ නැංවීම, විදුලිජනක යන්ත්‍රයක අවශ්‍යතාව, තාවකාලික දේශන ශාලාව සඳහා ප්‍රවේශ මාර්ගයක් සැකසීම වන බව ද, හෙද විදුහල්පතිනිය මෙහි දී අමාත්‍යවරයාට පෙන්වා දෙන ලදි.
ඒ අනුව තාවකාලික දේශන ශාලා නවීකරණය, අබලන් නිල නිවාස අළුත්වැඩියාව, ශ්‍රවණාගාර වායුසමීකරණය, සනීපාරක්ෂක පහසුකම් ඉහළ නැංවීම, හෙද විදුහල සඳහා ප්‍රමාණවත් ප්‍රතිපාදන වෙන් කිරීම යන කරුණු පිළිබඳ අමාත්‍යවරයාගේ අවධානය යොමු වූ අතර ඒ අනුව බදුල්ල හෙද විදුහලේ ප්‍රමුඛ ප්‍රතිසංස්කරණ කටයුතු සඳහා රුපියල් මිලියන 15 ක මුදලක් කඩිනමින් ලබාදෙන බව අමාත්‍යවරයා හෙද විදුහලේ සිසුන් සහ පාලනාධිකාරිය සමග පැවැති රැස්වීමේ දී පැවසී ය.
ඉහත මුදල් යොදාගෙන මෙම වසර ඇතුළත එම ප්‍රතිසංස්කරණ කටයුතු අවසන් කිරීමට කටයුතු කරන ලෙස බදුල්ල හෙද විදුහලේ විදුහල්පති ටී.එල්.එස් ආරියවංශ මහත්මිය ඇතුළු පාලන අධිකාරියට උපදෙස් ලබාදීමට ද අමාත්‍යවරයා මෙහි දී කටයුතු කරන ලදි.
ශ්‍රී ලංකා රජයේ සෞඛ්‍ය අමාත්‍යාංශයේ අධ්‍යාපන, පුහුණු සහ පර්යේෂණ ඒකකය යටතේ ඌව පළාතේ ඇති එකම හෙද පුහුණු පාසල සහ මෙරට 10 වන හෙද විදුහල බදුල්ල හෙද විද්‍යාලය වන අතර එය රජයේ රෝහල් සහ ශ්‍රී ලංකා රජයේ සෞඛ්‍ය අමාත්‍යාංශය මගින් පාලනය වන අනෙකුත් සෞඛ්‍ය ආයතන සඳහා රෝගී සත්කාර සේවා සඳහා අවශ්‍ය හෙදියන් සහ පවුල් සෞඛ්‍ය සේවිකාවන් පුහුණු කරයි.
හෙද විදුහලේ වර්තමාන ශිෂ්‍ය සංඛ්‍යාව 372 කි. බදුල්ල හෙද විද්‍යාලය ආරම්භ කරන ලද්දේ 1982 වර්ෂයේදී ය. 1984 වසරේ පළමු කණ්ඩායමේ පුහුණු අධ්‍යයන කටයුතු 40 ක ශිෂ්‍ය කණ්ඩායමකින් ආරම්භ කර ඇත. ගතවු වසර 41 තුළ හෙද විදුහලේ විදුහල්පතිවරු 05 සේවය කර ඇති අතර 2015 වර්ෂයේ සිට මේ දක්වා ටී.එල්.එස් ආරියවංශ මහත්මිය විදුහල්පතිනිය ලෙස කටයුතු කරන ලබයි.
බදුල්ල හෙද පාසලේ මේ දක්වා පුහුණුව ලබා දේශීය හා විදේශීය සෞඛ්‍ය සේවා සඳහා පිටත්ව ගිය හෙදියන් කණ්ඩායම් 40ක් ලෙස 5613 ක්, මහජන සෞඛ්‍ය වින්නඹු මාතාවන් කණ්ඩායම් 23 කින් 1494 ක් සහ සූතිකා පුහුණු හෙද නිලධාරි කණ්ඩායම් 10 ක් ලෙස හෙද නිලධාරින් 278 ක් ද පුහුණුව අවසන් කර ඇත. තවද, වතු අංශය සඳහා දෙමළ ශිෂ්‍යාවන් 43 දෙනෙකු පවුල් සෞඛ්‍ය සේවිකාවන් පුහුණුව ලබා ඇත.
මෙම අවස්ථාවට පාර්ලිමේන්තු මන්ත්‍රී රවීන්ද්‍ර බණ්ඩාර, බදුල්ල මහනගර සභාවේ නගරාධිපති නන්දන හපුගොඩ, බදුල්ල හෙද විද්‍යාලයේ විශේෂ ශ්‍රේණියේ හෙද නිලධාරි ලක්ෂ්මන් ද සිල්වා යන මහත්ම මහත්මීන් සහ හෙද පුහුණුව ලබන සිසුවියන් පිරිසක් එක්ව සිටියහ.
Page 4 of 726