Social and Equity
ප්රදේශ රැසකට අද දිනයේ වැසි හෝ ගිගුරුම් සහිත වැසි ඇති විය හැකි බව කාලගුණ දෙපාර්තමේන්තුව පවසනවා. ඒ අනුව බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල හා මාතර දිස්ත්රික්කවලත් ඇතැම් ස්ථානවලටත් එළෙස වැසි ඇති විය හැකියි.
ජුනි 09 සහ 10 යන දිනවල පැවති විරෝධතා උද්ඝෝෂණ දෙකක් සම්බන්ධයෙන් අත් අඩංගුවට ගෙන රක්ෂිත බන්ධනාගාරගත කර සිටි 07 දෙනා අතරින් ජගත් මනුවර්ණ, ජෙහාන් අප්පුහාමි, එරංග ගුණසේකර සහ ධම්මික මුණසිංහ යන සිව්දෙනා ඇප මත නිදහස් කිරීමට කොටුව මහේස්ත්රාත් අධිකරණය අද (24) නියෝග කර තිබේ.
මහා පරිමාණ සහල් මෝල් හිමියන් පසුගිය දිනවල සහල් කිලෝවකින් රුපියල් 33 – 53 දක්වා අතිවිශාල අයථා ලාභයක් ලබමින් සිටි බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා පවසයි.
ප්රමාණවත් ඉන්ධන තොග නොලැබීම හේතුවෙන් ඉන්ධන ප්රවාහනය මේවනවිට හතරෙන් තුනකින් අඩුවී ඇතැයි ටැංකි රථ රියදුරන් පවසනවා. ඔවුන් කියා සිටියේ සාමාන්ය දිනකදී ඉන්ධන බවුසර් 400 ත් 450 ත් අතර සංඛ්යාවක් ඉන්ධන බෙදාහැරීමට එක්වන බවයි. එහෙත් මේවනවිට ඉන්ධන බෙදාහැරීමට එක්ව සිටින්නේ බවුසර් රථ 100 ත් 150 ත් අතර සංඛ්යාවක් බවයි සමස්ථ ලංකා පෞද්ගලික ටැංකි රථ රියදුරන්ගේ සංගමයේ සම ලේකම් ශාන්ත සිල්වා පැවසුවේ.
ඉදිරි සති තුන ඇතුළතදී රෝහල් පද්ධතිය තුළ අත්යවශ්ය ඖෂධ වර්ගවල බරපතල හිඟයක් නිර්මාණය වන බව සමස්ත ලංකා වෛද්ය නිලධාරීන්ගේ සංගමයේ සභාපති වෛද්ය ගිශාන්ත දසනායක මහතා පවසයි.
දරුවන් මුහුණ දී සිටින මන්ද පෝෂණ තත්ත්වයෙන් ගැලව ගැනීම සඳහා රජයේ වෛද්ය නිලධාරීන්ගේ සංගමය පස්වැදෑරුම් යෝජනාවලියක් ඉදිරිපත් කර තිබේ.
Page 227 of 739