ප්රවීණ මාධ්යවේදී මොහාන් සමරනායක මහතා රජයේ ප්රවෘත්ති අධ්යක්ෂ ජනරාල් තනතුරින් ඉල්ලා අස්වී ඇති බව වාර්තා වේ.
මෙරට ළමා මන්ද පෝෂණය පිළිබද යුනිසෙෆ් සංවිධානය කළ ප්රකාශය ප්රතික්ෂේප කරන්නේ නම් ඒ සම්බන්ධයෙන් සෞඛ්ය අමාත්යාංශය නිල සංඛ්යා දත්ත ඉදිරිපත් කළ යුතු බව රජයේ වෛද්ය නිලධාරීන්ගේ සංගමය පවසනවා. එම සංගමයේ මාධ්ය ප්රකාශක වෛද්ය චමිල් විජේසිංහ පැවසුවේ විවිධ පාර්ශව විවිධ සංඛ්යාලේඛණ ඉදිරිපත් කළ ද ආහාර සපයා ගැනීම සම්බන්ධයෙන් මෙරට ජනතාව ගැටළුවකට මුහුණපා සිටින බව පැහැදිලිව නිරීක්ෂණය කළ හැකි බවයි.
සිමෙන්ති අතිරික්තයක් මෙරට තුළ පවතිද්දී ද සිමෙන්ති ආනයනය කිරීමට රජය අවස්ථාව ලබාදී ඇතැයි ශ්රී ලංකා ජාතික ඉදිකිරීම් සංගමය පවසනවා. එහි සභාපති සුසන්ත ලියනආරච්චි පැවසුවේ සිමෙන්ති මාෆියාවක් රට තුළ ක්රියාත්මක වීම හේතුවෙන් එලෙස සිමෙන්ති ආනයනය කරන බවයි.
වැලිගම නගර සභාවට අයත් උත්සව ශාලාවක පැවති මංගල උත්සවයකට අනවසරයෙන් ගොස් ආහාර ගැනීමට උත්සාහ කළ බව කියන පාසල් සිසුන් පස් දෙනෙකු දණ ගැස්වීමේ සිද්ධිය සම්බන්ධයෙන් ළමා රක්ෂක අධිකාරියේ අවධානය යොමුවී තිබෙනවා.
පසුගිය ජුලි 09 වනදා අයුතු ලෙස අරලියගහ මන්දිරයට ඇතුළු වී දේපළ හානි කිරීම සම්බන්ධයෙන් තවත් තිදෙනෙකු කොළඹ දකුණ කොට්ඨාස අපරාධ විමර්ශන අංශය විසින් අත් අඩංගුවට ගෙන තිබේ.
අග්රාමාත්ය ධුරය යළි වෙනස් කිරීමේ සූදානමක් පවතින බව පාර්ලිමේන්තු මන්ත්රී මහාචාර්ය චන්න ජයසුමන 06 පාර්ලිමේන්තුවේදී ප්රකාශ කළා.
Page 223 of 771