Social and Equity
කොළඹ හැර සෙසු දිස්ත්‍රික්ක සඳහා ඛණිජ තෙල් නීතිගත සංස්ථාව ඩීසල් බෙදාහරිනු ලබන්නේ සතියකට එක්වරක් හෝ දෙවරක් පමණක් බව ඛණිජ තෙල් බෙදුම්කරුවන්ගේ සංගමය පවසනවා.
ගල් අගුරු ටෙන්ඩරය සම්බන්ධයෙන් පවතින ගැටළුව කඩිනමින් නිරාකරණය කර නොගත හොත් අනිවාර්යය විදුලි කප්පාදුවකට මග පෑදෙන බව විදුලි ඉංජිනේරුවරුන් පවසනවා. ලංකා විදුලිබල මණ්ඩලයේ ඉංජිනේරු සංගමයේ සභාපති අනිල් රංජිත් ඉඳුවර පැවසුවේ ගල් අගුරු කඩිනමින් ආනයනය නොකළ හොත් පවතින ගල් අගුරු තොග ලබන මාසයේදී අවසන් වන බවයි.
මෙරට ළමා මන්දපෝෂණය සම්බන්ධයෙන් එක්සත් ජාතීන්ගේ ජාත්‍යන්තර ළමා අරමුදල විසින් නිකුත් කළ වාර්තාව පිළිගත නොහැකි බව රජයේ ආයුර්වේද වෛද්‍යවරුන්ගේ සංගමය ද පවසනවා. එහි සභාපති වෛද්‍ය පී හේවාගමගේ සඳහන් කළේ යම් සංවිධානයක් එවැනි වාර්තාවක් නිකුත් කරන්නේ නම් ඒ සම්බන්ධයෙන් වෛද්‍ය නිලධාරී කොට්ඨාශ මට්ටමෙන් යම් කිසි සමීක්ෂණයක් සිදුකළ යුතු බවයි.
රටේ පවතින ආර්ථික අර්බුදය හමුවේ වෛද්‍යවරුන් විශාල වශයෙන් රටහැර යාමට පටන්ගෙන ඇති බව රජයේ වෛද්‍ය නිලධාරීන්ගේ සංගමය පවසයි.
රටේ ජනතාව ජීවත් වීම සම්බන්ධයෙන් දැවැන්ත අරගලයක නිරතව සිටියදී ඔවුන් තවදුරටත් අපහසුතාවයට පත් කරමින් විදුලි බිල ඉහළ දැමීම බරපතල ගැටලුවක් බව ආචාර්ය ඕමල්පේ සෝභිත හිමි පවසනවා. මීට එරෙහිව ජනතාව සංවිධානය වියයුතු බවත් විදුලි බිල් නොගෙවීමේ දැවැන්ත වැඩපිළිවෙලක් ආරම්භ කළයුතු බවත් සෝභිත හිමි පෙන්වා දෙනවා.
ශ්‍රී ලංකාව සහ පකිස්තානය අතර පැවත්වෙන ආසියානු කුසලාන අවසාන මහ තරගයේදී වනිඳු හසරංගට කඩුලු ත්‍රිත්වයකට අවස්ථාව ඇත.ඒ අවසාන තරගයට පෙර පකිස්තානය සමඟ පැවති තරගයේ දී ඔහු පන්දු යැවීම නිමා කළේ,ඔහු විසින් යවන ලද අවසාන පන්දු දෙකට කඩුලු ලබා ගනිමින් නිසාය.
රක්ෂිත බන්ධනාගාර ගත කෙරුණු රංග ශිල්පීනි දමිතා අබේරත්න බන්ධනාගාර රෝහලට ඇතුළත් කර තිබෙනවා. ඊයේ පස්වරුවේ වැලිකඩ බන්ධනාගාරයට රැගෙන ආ ඇය කාන්තා අංශයේ රැඳවු බවයි බන්ධනාගාර දෙපාර්තමේන්තුව පැවසුවේ.
Page 219 of 768