Social and Equity
පසුගිය දිනවල මහත් ආන්දෝලනයට තුඩුදුන් “යුවාන් වැන්ග් – 5” චීන පර්යේෂණ නෞකාව මීට මඳ වේලාවකට පෙර හම්බන්තොට වරායට පැමිණ ඇති බව වාර්තා වේ.
රෝහල්වල ඖෂධ හිඟයක් පමණක් නොව වෛද්‍ය උපකරණ හිඟයක් ද පවතින අතර සෞඛ්‍ය අමාත්‍යාංශය මේ සම්බන්ධයෙන් මුණිවත රකිමින් සිටින බව රජයේ වෛද්‍ය නිලධාරීන්ගේ සංගමයේ විධායක සභික ප්‍රසාද් කොළඹගේ මහතා පවසයි.
අද (15) දිනයේ සිට දිවයින පුරා පෞද්ගලික බස් රථ අවම වශයෙන් 90% ක්වත් ධාවනය කිරීමට කටයුතු කරන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පවසයි.
ආනයනික අත්‍යාවශ්‍ය ආහාර ද්‍රව්‍ය මිල අඩු වීමේ වාසිය පාරිභෝගිකයන්ට ලැබෙන්නේදැයි සොයා දිවයින පුරා වැටලීම් සිදු කරන බව වෙළඳ අමාත්‍ය නලීන් ප්‍රනාන්දු පවසනවා.
රට තුළ මේ වනවිට අත්‍යාවශ්‍ය ඖෂධ වර්ග 116ක පමණ හිඟයක් පවතින බව සෞඛ්‍ය අමාත්‍යාංශය පවසනවා. එහි ඖෂධ ප්‍රධානයන් පිළිබඳ ප්‍රධාන සම්බන්ධීකාරක සහ වෛද්‍ය තාක්ෂණික සේවා අධ්‍යක්ෂ වෛද්‍ය අන්වර් හම්දානි පැවසුවේ මෙම ඖෂධ වර්ග කෙසේ හෝ රටට ගෙන්වා ගැනීමට කටයුතු කරමින් ඇති බවයි.
කුමන ආකාරයකින් හෝ දේශපාලනඥයින්ට නීතියට ඇගිලි ගැසීමට ඉඩ නොතැබිය යුතු බව අගරදගුරු අති උතුම් මැල්කම් කාදිනල් රංජිත් හිමිපාණන් පවසනවා. එලෙස සිදුකරන තෙක් රටට අවශ්‍ය සැබෑ නිදහස උදානොවන බවයි උන්වහන්සේ ප්‍රකාශ කළේ.
බිත්තර මිල අධික ලෙස ඉහළ යාම හේතුවෙන් ඉදිරියේ දී බේකරි නිෂ්පාදනවල මිල යළිත් ඉහළ දැමීමට සිදුවන බව සමස්ත ලංකා බේකරි හිමියන්ගේ සංගමය පවසනවා. එම සංගමයේ සභාපති එන් කේ ජයවර්ධන පැවසුවේ රජය මැදිහත්වී බිත්තර මිල අඩු කිරීමට අවශ්‍ය පියවර ගත යුතු බවයි.
ජාත්‍යන්තර දෙමළ සංවිධාන 06 කට සහ පුද්ගලයින් 316 දෙනෙකුට ශ්‍රී ලංකාව තුළ පනවා තිබූ තහනම ඉවත් කරමින් ආරක්ෂක අමාත්‍යංශය ඉකුත්දා ගැසට් නිවේදනයක් නිකුත් කළා. කෙසේවෙතත් සංවිධාන 15 ක් තවදුරටත් ශ්‍රී ලංකාවේ තහනම් වන අතර පුද්ගලයින් 316 ක් අසාධු ලේඛණගත කර තිබෙනවා.
විදුලිබිල සහ අමුද්‍රව්‍යවල මිල ඉහළ යාම හේතුවෙන් ඉදිකිරීම් කටයුතු සදහා යොදාගන්නා සිමෙන්ති ගඩොලයක මිලද රුපියල් සියය ඉක්මවා යා හැකි බව ශ්‍රී ලංකා ජාතික ඉදිකිරීම් සංගමය පවසනවා. එහි සභාපති සුසන්ත ලියනාරච්චි නෙත් නිවුස් කළ විමසීමකදී සදහන් කළේ ඉදිකිරීම් ක්‍ෂේත්‍රයේ පැන නැගී ඇති ගැටළු සම්බන්ධයෙන් ලබන සතියේදී ජනාධිපති රනිල් වික්‍රමසිංහ මහතා දැනුවත් කරන බවයි.
සතියේ දින පහේම පාසල් ළමුන් ප්‍රවාහනය සදහා සිය වාහනවලට සතියකට ලබාදෙන ඩීසල් ප්‍රමාණය, ප්‍රමාණවත් නොවන බව සමස්ත ලංකා පාසල් ළමුන් ප්‍රවාහන සංගමය පවසනවා. එහි සභාපති එල් මල්ශ්‍රී ද සිල්වා නෙත් නිවුස් වෙත ප්‍රකාශ කළේ සිය වාහනවලට සතියකට ලබාදෙන ඩීසල් ප්‍රමාණය ලීටර් සියය දක්වා ඉහළ දැමීමට බලධාරීන් කටයුතු කළයුතු බවයි.
Page 232 of 768