Political News

ඉදිරියේ පැවැත්වීමට නියමිත පළාත් පාලන මැතිවරණයේදී ශ්‍රී ලංකා පොදුජන පෙරමුණ සහ එක්සත් ජාතික පක්ෂය එක්ව තරග කිරීමේ එකඟත්වයකට අද පැවැති සාකච්ඡවේදී එළැඹ තිබේ.

අත්‍යවශ්‍ය භාණ්ඩ වෙනුවෙන් පැවැති පෝලිම් අඩු වූයේ රට දැනට ණය ගෙවීම අත්හිටුවා ඇති නිසා යැයි විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පැවසීය.

ශ්‍රී ලංකාව යනු හොරකමින්, වංචාවෙන් සහ දූෂණයෙන් පිරුණු පාලනයක් සහිත රටක් බවත්, මෙය දැන් ශ්‍රී ලංකාවේ සන්නාමය (බ්‍රෑන්ඩ් එක) බවට පත්ව ඇති බවත් ජනතා විමුක්ති පෙරමුණේ දේශපාලන මණ්ඩල සභික කේ.ඩී. ලාල්කාන්ත මහතා පවසයි.

කිසිවෙකුගෙන් නොවිමසා මැතිවරණයක් පැවැත්වීමේ හැකියාව ස්වාධීන මැතිවරණ කොමිෂන් සභාවට හිමි යැයි කෝප් කමිටු සභාපති, මහනුවර දිස්ත්‍රික් ‍පාර්ලිමේන්තු මන්ත්‍රී මහචාර්ය රංජිත් බණ්ඩාර මහතා පවසයි.

අර්බුදයට විසඳුම පෞද්ගලීකරණය බව පෙන්වා දෙමින් රාජ්‍ය සම්පත් දියකර හැරීමට පිඹුරුපත් සකසමින් සිටින බවත්, රජය හා ප්‍රතිපත්ති සම්පාදකයන් ගනු ලැබූ තීරණ එකකින්වත් මේ රට ආර්ථික අර්බුදයෙන් ගොඩගැනීමට නොහැකි වන බවත් ලංකා සම සමාජ පක්‍ෂයේ ප්‍රධාන ලේකම්, පාර්ලිමේන්තු මන්ත්‍රී මහාචාර්ය තිස්ස විතාරණ මහතා එම පක්‍ෂයේ 88 වැනි සංවත්සරයේදී පැවසීය.

ශ්‍රී ලංකා පොදුජන පෙරමුණට බලය හිමි කුරුණෑගල මහ නගර සභාවේ 2023 වසර සඳහා ඉදිරිපත් කළ අයවැය වැඩි ඡන්ද 07කින් පරාජයට පත්ව තිබේ.

පළාත් පාලන මැතිවරණය සඳහා පක්ෂ 6ක් සහ ස්වාධීන කණ්ඩායම් 10 අද (9) ඇප මුදල් තැම්පත් කළ ආකාරය දක්නට ලැබිණි.

ගාල්ල දිස්ත්‍රික්කයේ ස්වාධින කණ්ඩායම් 1, කුරුණෑගල දිස්ත්‍රික්කයේ ශ්‍රී ලංකා පොදුජන පෙරමුණ සියලු පළාත් පාලන ආයතන (21) සහ ස්වාධින කණ්ඩායම් 1යි , අම්පාර දිස්ත්‍රික්කයේ එක්සත් කොංග්‍රස් පක්ෂය කල්මුණේ මහනගර සභාව, සහ ස්වාධීන කණ්ඩායම් 3ක්, බදුල්ල දිස්ත්‍රික්කයේ ස්වාධීන කණ්ඩායම් 2ක්, පුත්තලම ශ්‍රී ලංකා පොදුජන පෙරමුණ සියලු පළාත් සභා (12), ගම්පහ දිස්ත්‍රික්කයේ එක් ස්වාධීන කණ්ඩායමක්, කොළඹ දිස්ත්‍රික්කයේ ශ්‍රී ලංකා පොදුජන පෙරමුණේ සියලු සභා (13) එක්සත් ජාතික නිදහස් පෙරමුණ කොළඹ මහනගර සභාව සහ ස්වාධීන කණ්ඩයාම් 2 , හම්බන්තොට ජාතික ජන බලවේගය සියලු සභා (12) යනාදී වශයෙන් අද දින ඇප මුදල් තැන්පත් කර තිබෙන බව කොමිෂන් සභාව සඳහන් කරයි.

මේ රට අනිත් පැත්ත හරවනවා නම් හරවන්න පුළුවන්කම තියෙන්නේ මේ රටේ අධිෂ්ඨානශීලි මහජනතාවට විතරක් යැයි ජාතික ජන බලවේගය හාළිඇල ආසන සමුළුව ඇමැතූ ජනතා විමුක්ති පෙරමුණේ ලේකම් ටිල්වින් සිල්වා ප්‍රකාශ කළේය.

සංචාරක රාජ්‍ය අමාත්‍ය ඩයනා ගමගේ මහත්මියට ආගමන හා විගමන දෙපාර්තමේන්තුව විසින් රාජ්‍යතාන්ත්‍රික විදෙස් ගමන් බලපත්‍රයක් නිකුත් කිරීම සම්බන්ධයෙන් විමර්ශනයක් සිදුකර ලෙස ඉල්ලා අල්ලස් හෝ දූෂණ විමර්ශන කොමිසමට පැමිණිල්ලක් ඉදිරිපත් කර තිබේ.

ඉදිරි පළාත් පාලන මැතිවරණය සම්බන්ධයෙන් සාකච්ඡා කිරීමට ශ්‍රී ලංකා පොදුජන පෙරමුණ සහ එක්සත් ජාතික පක්ෂය අතර හමුවක් ඊයේ (08) පස්වරුවේ පවත්වා තිබේ.

ලබන පෙබරවාරි මාසය වන විට රටේ මූල්‍ය තත්ත්වය යහපත් මට්ටමක පැවතිය හැකි බව එක්සත් ජාතික පක්ෂයේ නුවරඑළිය දිස්ත්‍රික් නායක, හිටපු පාර්ලිමේන්තු මන්ත්‍රී නවීන් දිසානායක පවසනවා.

ආණ්ඩුව සිදුකළ යුත්තේ පාසල් සිසුන්ගේ බෑග් පරීක්ෂා කිරීම නොව ඔවුන්ට පෝෂ්‍යදායී ආහාර ලබාදීම බව විපක්ෂ නායක සජිත් ප්‍රේමදාස මහතා පවසනවා.

ආහාර සුරක්ෂිතභාවය සහ ග්‍රාමීය ආර්ථික පුනර්ජීවනය උදෙසා ප්‍රමුඛත්වය දෙමින් අනෙක් සෑම ක්ෂේත්‍රයක ම සංවර්ධනයට සක්‍රියව කටයුතු කිරීමට එක්වන්නැයි අග්‍රාමාත්‍ය දිනේෂ් ගුණවර්ධන මහතා, රජය සහ පාර්ලිමේන්තුව වෙනුවෙන් සියලු පාර්ශවයන්ගෙන් ඉල්ලීමක් කළේය.

පළාත් පාලන ආයතන ඡන්ද විමසීම් ආඥාපනත ප්‍රකාරව සියලුම දිස්ත්‍රික්ක සඳහා තේරීම්භාර නිලධාරීන් පත්කරමින් අතිවිශේෂ ගැසට් නිවේදනයක් නිකුත් කර තිබේ.

විෂ මත්ද්‍රව්‍ය හා අන්තරායකාර ඖෂධ භාවිතය වැළැක්වීම සඳහා වන ජනාධිපති කාර්ය සාධක බළකායක් ස්ථාපිත කිරීමට රජය සැලසුම් කර තිබෙනවා.

පළාත් පාලන ආයතන ඡන්ද විමසීම සම්බන්ධයෙන් විපක්ෂ නායක සජිත් ප්‍රේමදාසගේ ප්‍රධානත්වයෙන් සමගි ජනබලවේගයේ මන්ත්‍රීවරුන්ගේ සාකච්ඡාවක් පැවැත්වුනි. ඒ විපක්ෂ නායක කාර්යාලයේදීයි.

මෙම මොහොතේ මැතිවරණයක් පැවැත්වීම අවශ්‍ය කරුණක් නොවන බව ශ්‍රී ලංකා නීතීඥ සංගමයේ හිටපු සභාපති ජනාධිපති නීතීඥ යූ.ආර්. ද සිල්වා මහතා ප්‍රකාශ කරයි.

ශ්‍රී ලංකාවේ අධ්‍යාපනය ලබන කාලයේදී තමන් ඉංග්‍රීසි භාෂාවෙන් ඉහළ තැනක සිටියත් ඒංගලන්තයේදී ඉංග්‍රීසියෙන් ඉගෙන ගන්නා විට තමන් පංතියේ අන්තිමයා වූ බව විපක්ෂනායක සජිත් ප්‍රේමදාස මහතා පැවැසීය.