Political News
විමල් වීරවංශ, උදය ගම්මන්පිල, වාසුදේව නානායක්කාර යන හිටපු අමාත්යවරුන්ගේ ප්රධානත්වයෙන් යුත් කුඩා පක්ෂ 10 කණ්ඩායම අද (16) පෙරවරු 10.00 ට අග්රාමාත්ය රනිල් වික්රමසිංහ මහතා හමුවී සාකච්ඡා කිරීමට නියමිතව තිබේ.
රට හමුවේ පවතින අර්බුද විසඳීම සඳහා පාර්ලිමේන්තුවේ කණ්ඩායමක් නොව මන්ත්රීවරුන් සියලුදෙනා මේ මොහොතේ අග්රාමාත්ය රනිල් වික්රමසිංහ මහතාට සහය පළ කළ යුතු බව එක්සත් ජාතික පක්ෂ සභාපති හිටපු අමාත්ය වජිර අබේවර්ධන පවසනවා.
ශ්රී ලංකා නිදහස් පක්ෂයේ තවත් මන්ත්රීවරු පිරිසක් අග්රාමාත්ය රනිල් වික්රමසිංහ මහතාට සහය දැක්වීමට තීරණය කර ඇති බව නෙත් නිවුස් වෙත වාර්තා වුණා. නිමල් සිරිපාලද සිල්වා, මහින්ද අමරවීර, දුමින්ද දිසානායක, ජගත් පුෂ්පකුමාර සහ ලසන්ත අලගියවන්න යන පාර්ලිමේන්තු මන්ත්රීවරුන් මෙලෙස අග්රාමාත්යවරයාට සහය දැක්වීමට තීරණය කර ඇති බවයි දේශපාලන ආරංචි මාර්ග සඳහන් කළේ.
අග්රාමාත්ය රනිල් වික්රමසිංහ මහතා සහ ශ්රී ලංකා නිදහස් පක්ෂය අතර සාකච්ඡාව අද (16) පෙරවරුවේ අග්රාමාත්ය කාර්යාලයේදී පැවැත්වී තිබේ.
සමගි ජන බලවේගයේ විශේෂ පාර්ලිමේන්තු කණ්ඩායම් රැස්වීමක් අද පැවැත්වෙනවා. නියෝජ්ය කථානායක ධූරය සදහා සමගි ජන බලවේගයෙන් නම් දෙකක් යෝජනා වී ඇති අතර ඒ සම්බන්ධයෙන් මෙහිදී අවසන් තීරණයක් ගැනීමට නියමිත බවයි එහි ජාතික සංවිධායක පාර්ලිමේන්තු මන්ත්රී තිස්ස අත්තනායක සදහන් කළේ.
රනිල් වික්රමසිංහගේ 113 සාදා ගැනීම වෙනුවෙන් මන්ත්රීවරු මුදලට බා ගැනීම ආරම්භ වී ඇති අතර දැනට වට්ටම රු.කෝටි 10ක් බව සමඟි ජන බලවේගයේ පාර්ලිමේන්තු මන්ත්රී රාජිත සේනාරත්න මහතා පැවසුවේය.
ව්යවස්ථානුකූලව පාර්ලිමේන්තුවේ බහුතරය දිනාගත හැකි තැනැත්තා අගමැතිවරයා ලෙස පත් කිරීමේ හැකියාව ජනධිපතිවරයා සතුව තිබුණද රනිල් වික්රමසිංහ මහතා අගමැති වීම තුළ පෙනුම් කරන්නේ උඩින් රනිල් යටින් බැසිල් බව යැයි ජනතා විමුක්ති පෙරමුණේ නායක පාර්ලිමේන්තු මන්ත්රී අනුර දිසානායක මහතා පැවසුවේය.
විවිධ දෙස් විදෙස් කණ්ඩායම් සමග මේ වන විට මන්ත්රීවරුන් මුදලට බිලිබා ගැනීමේ මෙහෙයුමක් ආණ්ඩු පාර්ශ්වය ආරම්භ කොට ඇතැයි ද, ඒ මෙහෙයුම් වලට සමගි ජන බලවේගයේ කිසිදු මන්ත්රීවරයෙක් හසු නොවන්නේයැයි ද විපක්ෂ නායක සජිත් ප්රේමදාස මහතා ඊයේ (15) විපක්ෂ නායක කාර්යාලයේ දී පැවසීය.
එක්සත් ජාතික පක්ෂයේ ඉදිරිපෙළ නායකයින් පස් දෙනෙකු පාර්ලිමේන්තු මන්ත්රීවරුන් වශයෙන් පත්කර ගැනීම සඳහා සූදානමක් පවතින බව ආරංචිමාර්ග පවසයි.
Page 164 of 552