Political News
සර්ව පාක්ෂික ආණ්ඩුවක් පිහිටුවීම සදහා සාකච්ඡා කිරීමට එක් වන ලෙසට ජනාධිපති ගෝඨාභය රාජපක්ෂ මහතා කළ ඉල්ලීම ප්‍රතික්ෂේප කරන බව එක්සත් ජාතික පක්ෂය පවසනවා. එහි මහ ලේකම් පාලිත රංගේබණ්ඩාර පැවසුවේ ජනාධිපතිවරයා සහ අගමැතිවරයා යටතේ සර්ව පාක්ෂික ආණ්ඩුවකට තමන් එකඟ නොවන බවයි.
ආණ්ඩුක්‍රම ව්‍යවස්ථා සංශෝධනයකට ආණ්ඩුවම යෝජනා කර තිබීමෙන් ඔවුන් විසින්ම පරාජය භාර ගෙන ඇති බව තහවුරු වී ඇතැයි සමඟි ජන බලවේගයේ පාර්ලිමේන්තු මන්ත්‍රී මනෝ ගනේෂන් මහතා පැවසුවේය.
ඊයේ දින ගාලු මුවදොර ප්‍රදේශයට ඇතුල් වීම වළක්වමින් මාර්ග වසමින් ඒවාට ඉතා උල් සහිත මාර්ග බාධක ද යෙදුවේ උද්ඝෝෂකයින්ට හානි කිරීමේ අරමුණින් බව සමඟි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා පෙන්වාදුන්නේය.
සර්ව පාක්ෂික අන්තර් කාලීන ආණ්ඩුවක් බිහි කිරීමට අදාළ යෝජනාවලිය පිළිබඳව පාර්ලිමේන්තුව නියෝජනය කරන සියළු දේශපාලන පක්ෂ සමඟ ඉදිරියේ දී සාකච්ඡා කරන බව ආණ්ඩුවේ ස්වාධීන වූ මන්ත්‍රී කණ්ඩායම පවසනවා. ස්වාධීන වූ මන්ත්‍රී කණ්ඩායම සමඟ කොළඹ පැවති සාකච්ඡාවකදී මෙම තීරණයට එලැඹි බවයි පාර්ලිමේන්තු මන්ත්‍රී විමල් වීරවංශ පැවසුවේ.
ගාලු මුවදොර වේවා, රටේ කුමන තැනක හෝ වේවා මේ රටේ ජනතාව ඉල්ලා සිටින්නේ මේ දුර්දාන්ත ආණ්ඩුව සහමුලින්ම ගෙදර යවන ලෙසත් බවත්, ඒ වෙනුවෙන් සමගි ජන බලවේගය ඇප කැප වෙන බවත් විපක්ෂ නායක සජිත් ප්‍රේමදාස මහතා පවසයි.
පාර්ලිමේන්තුවේ බහුතර බලය ආණ්ඩුව සතුව ඇතැයි ශ්‍රී ලංකා පොදු ජන පෙරමුණ පවසනවා. එහි මහ ලේකම්, පාර්ලිමේන්තු මන්ත්‍රී සාගර කාරියවසම් පැවසුවේ ඕනෑම අවස්ථාවක බහුතර බලය පෙන්වීමට සූදානම් බවයි.
තමන් අග්‍රාමාත්‍ය ධුරයෙන් ඉල්ලා අස්නොවන්නේ තමන්ගේ ඉල්ලා අස්වීමෙන් පසු රට අරාජික වීමට ඉඩ ඇති නිසා යැයි මහින්ද රාජපක්ෂ මහතා පැවසූ බව ඕමල්පේ සෝභිත හිමියන් පවසයි.
විශ්වාසභංග යෝජනාවකින් මහින්ද රාජපක්ෂ මහතාට අග්‍රාමාත්‍ය ධුරයෙන් ඉවත් කිරීමෙන් පසුව අන්තර්කාලීන ආණ්ඩුවෙහි අග්‍රාමාත්‍ය ධුරයට පත්කිරීමට බලාපොරොත්තු වන්නේත් ශ්‍රී ලංකා පොදුජන පෙරමුණේම මන්ත්‍රීවරයකු බව හිටපු අමාත්‍ය උදය ගම්මන්පිල මහතා පවසයි.
ආණ්ඩුවට ඉල්ලා අස්වීමට තවත් සතියක කාලය ලබා දෙන බව පාර්ලිමේන්තු මන්ත්‍රී උදය ගම්මන්පිල සඳහන් කර සිටිනවා. මන්ත්‍රීවරයා මේ බව සඳහන් කළේ අද පැවති මාධ්‍ය හමුවකට එක්වෙමින්.
පාර්ලිමේන්තුවේ නව නියෝජ්‍ය කථානායකවරයා ලෙස අනුර ප්‍රියදර්ශන යාපා හෝ ඩිලාන් පෙරේරා පත් කිරීමේ සූදානමක් ඇතැයි වාර්තා වනවා. ඒ, නියෝජ්‍ය කථානායකවරයා ලෙස කටයුතු කළ රංජිත් සියඹලාපිටිය එම ධූරයෙන් ඉවත් වන බව තහවුරු කිරීමත් සමගයි.
ආණ්ඩුවට විරෝධය පළ කරමින් සහ ජනතා අරගලයට සහාය පළ කරමින් සමගි ජන බලවේගය විසින් සංවිධානය කර ඇති දැවැන්ත පාගමන අද (26) මහනුවරින් ආරම්භ කිරීමට නියමිත ය.
අග්‍රාමාත්‍ය මහින්ද රාජපක්ෂ මහතා ධූරයෙන් ඉවත් කරවීම සඳහා පාර්ලිමේන්තුව තුළ ස්වාධීන වූ මන්ත්‍රීවරුන් කිහිපදෙනෙකු ඇතුළු පිරිසක් මේවනවිට කටයුතු කරමින් සිටින බව වාර්තා වනවා. එම මන්ත්‍රීවරුන් අතරට හිටපු අමාත්‍ය මහින්දානන්ද අලුත්ගමගේ ද ඇතුළත්. ඔවුන් කණ්ඩායමක් ලෙස එක්වී මෙම වැඩපිළිවෙළ දියත් කරන බවටයි වාර්තා වන්නේ.
අග්‍රාමාත්‍යවරයා ප්‍රමුඛ ආණ්ඩුවට සහය පල කරන මන්ත්‍රීවරුන් 124 දෙනෙකු පාර්ලිමේන්තුව තුළ සිටින බව රාජ්‍ය අමාත්‍ය සනත් නිශාන්ත පවසනවා. ඔහු කියා සිටියේ ඔවුන්ගේ තීරණය ලිඛිතව මේ වන විටත් භාර දී ඇති බවයි.
රට හමුවේ පවතින ආර්ථික ගැළුවලට විසදුම් සෙවීමට සියළු පක්ෂ එක් නොවන්නේ නම් විප්ලවීය මාවතක් හරහා හෝ විසදුම් සෙවීමට කටයුතු කරන බව ඉකුත් ස්වාධීන වූ පාර්ලිමේන්තු මන්ත්‍රී අනුර ප්‍රියදර්ශන යාපා පවසනවා. ජනතාව ගැන සිතා සියලු න්‍යායපත්‍ර හකුලා දේශපාලන පක්ෂ රට වෙනුවෙන් එක්විය යුතු බවයි මන්ත්‍රීවරයා පැවසුවේ
Page 164 of 544