දඬුවමට එරෙහිව අභියාචනයක්
අසත්‍ය තොරතුරු ඉදිරිපත් කර අවිධිමත් රාජ්‍යතාන්ත්‍රික ගුවන් ගමන් බලපත්‍රයක් තබාගැනීමේ චෝදනාවට වරදකරු වූ ශෂී වීරවංශව අද (27) පස්වරුවේ බන්ධනාගාරය වෙත රැගෙනගොස් තිබේ.
කොළඹ මහෙස්ත්‍රාත් අධිකරණය මගින් ඇයට වසර දෙකක සිරදඬුවමක් සහ රුපියල් ලක්ෂයක දඩ මුදලක් නියම කර තිබුණි.
ව්‍යාජ තොරතුරු ඉදිරිපත් කර අවිධිමත් රාජතාන්ත්‍රික විදේශ ගමන් බලපත්‍රයක් ලබාගැනීම තුළින් ආගමන හා විගමන පනත යටතේ වරදක් සිදුකළේ යැයි චෝදනා කොට අපරාධ පරීක්ෂණ දෙපාර්තමේන්තුව විසින් ඉකුත් යහපාලන රජය සමයේ ශෂී වීරවංශට එරෙහිව මෙම නඩුව ගොනුකර තිබුනා.
මේ අතර ශෂී වීරවංශ එම දඬුවමට එරෙහිව අභියාචනයක් ද ඉදිරිපත් කර තිබේ.
එබැවින් ඇය ඇප මත මුදාහරින ලෙස ඇයගේ නීතිඥවරුන් කළ ඉල්ලීම ලබන 30 වනදා සලකාබලන බව කොළඹ මහෙස්ත්‍රාත් අධිකරණය නියම කළේය.
මෙම ඇප ඉල්ලීම අද (27) කොළඹ අතිරේක මහෙස්ත්‍රාත් හර්ෂණ කැකුනවල මහතගේ නිල මැදිරිය තුළදී කැඳවනු ලැබීය.
Aruna