- Details
හිතේ ඇති කදුලු බිඳු
නෑඹිලියෙ දියකරන්
ඔබ පිසූ රසමසලු
මගෙ උගුරෙ හිරකරන්
මගේ මුලු හිත්පතම
දෙඇස තුල බොඳකරන්
සොයමි මම අම්මෙ නුඹ
ආදරේ ගුලිකරන්
ඔබෙ හිනාවත් එක්ක
ගුලිවෙන්න පොරබැඳන්
මගේ හිත්මල් යායෙ
මල් පිපේ ඇතිතරන්
පෙර පිනෙන් මං ලැබූ
දේවතා ඇස් අරන්
හැමදාම මං ළඟින්
ඉන්න දෙවියෙක් වෙයන්
සඳමාලි රොද්‍රිගෝ - ඇමෙරිකාව
- Details
අයිතිය ප්‍රේමයක්
කරගත් මිනිසුන්ද,
ප්‍රේමය
අයිති කරගත් මිනිසුන්ද,
අයිතියට පමණක්
ප්‍රේම කරන මිනිසුන්ද,
ප්‍රේමයට පමණක්
අයිතිය කියන මිනිසුන්ද,
ප්‍රේමයක් නැතිවම
අයිතිය කියන මිනිසුන්ද,
අතර
මම
නුඹට අයිතියක් නැතුවම ප්‍රේම කරමි...!
මල්ෂා නිශාන්තිනි
- Details
මේ ජීවිතය දැල්වෙන මැටි පහනක් ය
තෙල් ඇති තුරා ඇවිලෙන එක තිරයක් ය
පින් මදි වෙද්දි එන මරණය සුළඟක් ය
පව් පළ දෙන්න යන්නේ එක ක්‍ෂණයක් ය
සසරේ නවාතැන් නම් සිය දහක් ඇත
ටික කාලෙකට හමු වෙන සගයිනුත් වෙත
එනමුත් ගමන යන්නේ තනිවමයි පුත
"මම" යැයි "මගේ" යැයි මට කිසි දෙයක් නැත
නිවි නිවි යළිත් දැල්වෙන ජීවිත පහන
වැටි වැටි යන්ට දඟලන සසරේ ගමන
අර ගෙන යන්න ඇත්තේ කළ පින පමණ
යළි නොහැරෙන්ට යා යුතු ගමනකි "නිවන"
© Kalani Ruwanpathirana
- Details
- Details
අතීතේ ඉස්සරම දවසක මතක අහුලා හදවතේ
එකින් එක පිළිවෙලට අහුරා නිධන් කර තැබුවෙමි හිතේ
එදා වගෙ ලස්සනම හවසක, අදත් ඉපැරණි මාවතේ
මඳක් නැවතී ගිමන් හැරියෙමි මතක ලිහමින් ජීවිතේ
අපේ දුක සැප අසා සිටි, පටු මගේ අන්තිම බංකුවේ
ඉඳන් ඔබ හා තාලෙ ඇල්ලුවෙ නුඹේ ආසම සින්දුවේ
දෑත් පටලා ගියා මතකයි ඈත පෙනෙනා වංගුවේ
එදා අන්තිම පැයේවත් නෑ පුරුදු සිනහව හැංගුවේ
අඳුරු නුබ ගැබ දකින විට මට නුඹේ තරු ඇස් සිහි වුණා
විදුලි එළි වැට නිවෙන තරමට එදා ඔය ඇස් ඇවිලුණා
මගේ හදවත නැවත නැවතම කිනිසි තුඩකින් පෑරුණා
මතක මිටියම මටත් නොදැනිම සරත් සුළගට මුසු වුණා
@Kalani Ruwanpathirana
- Details
- Details
ගුරුතුමිය තමාට දඩුවම් කලැයි.පුතෙක් තාත්තෙක්ට ගෙදර ගිහින් කියලා .ඒක අහපු තාත්තා පුතාට මෙහෙම කියනවා........?????
- Details
හිරි පොද වැස්සට තෙමෙන මලක හැඩ
බලන්න ඉස්සර වගෙ මට නැහැ ඉඩ
පොඩි පුතු හිනැහෙන විට මගෙ හිත උඩ
මල් මොකටද මට හිතෙනව විඩ විඩ
වැස්සට ඉහිරෙන අඹ මල් මැද්දේ
පිල ළඟ අඹ ගහ තාලෙට පැද්දේ
බට්ටිච්චෝ උඹ නැතුවට සද්දේ
අඩුවක් නැහැ අපෙ ගේ හරි සද්දේ
ඇහැරෙන ලා හිරු රන් වන් පාටයි
ඉගිලෙන විට කොක් තටු සුදු පාටයි
හබරණ ආතගෙ කට රතු පාටයි
කියවන විට පුතු හරි දඟ පාටයි
බින්කුන්ඩෝ උඹ ටිකකට හිටපන්
අපට පෙනෙන්නට වටයක් නටපන්
කුහූ කියා කොවුලෝ ගී කියපන්
මදිනම් තව මල් වැස්සක් වැහැපන්
කොඳ මල මුදුනේ මී මැසි සාදෙට
රොන් කෙමියේ පැණි පිරෙන කලාවට
මගෙ හිත පුරවන ටිකිරි හිනාවට
පණ දෙමි මම දිවි තියෙන තුරාවට
© Kalani Ruwanpathirana
- Details
ජීවිතේ මහ හීන ගොන්නක්
හිනාවීගෙන අත දරන්
ආදරේ මහ සාගරේ සේ
පපුව මැද්දේ හිර කරන්
පේවෙලා අතිනත් අරන් ගිය
දීගයේ රස තැන් සොයන්
අමාවක දා අහස පීරා
සෙව්වෙ සඳ හිත මත් කරන්..
Page 13 of 38