State
ඉන්ධන මිල ඉහළ දැමීම සම්බන්ධයෙන් බලශක්ති අමාත්‍ය කාංචන විජේසේකර ට්විටර් සටහනක් තබමින් කරුණු පැහැදිලි කිරීමක් සිදුකර තිබෙනවා.
නව කැබිනට් අමාත්‍යවරුන් 06 දෙනෙකු අද ජනාධිපති ගෝඨාභය රාජපක්ෂ මහතා ඉදිරියේ දිවුරුම් දුන්නා. ඒ, කොටුව ජනාධිපති මන්දිරයේ දීයි.
නව කැබිනට් ප්‍රකාශකවරයෙක් සහ සම කැබිනට් ප්‍රකාශකවරුන් තිදෙනෙක් ජනාධිපති ගෝඨාභය රාජපක්ෂ මහතා විසින් පත් කර තිබෙනවා.
අධ්‍යන පොදු සහතික පත්‍ර සාමාන්‍ය පෙළ විභාගය පැවැත්වෙන දිනවලදී මාර්ගය හරස් කරමින් විරෝධතාවල නිරත නොවන ලෙස විභාග දෙපාර්තමේන්තුව ජනතාවගෙන් ඉල්ලීමක් කරනවා. ලබන 23 වනදා සිට ජුනි පළමුවැනිදා දක්වා විභාගය පැවැත්වෙනවා. එම කාලය තුළ යහපත් මානසිකත්වයෙන් සිසුන්ට විභාගයට පෙනී සිටීමට අවස්ථාව සලසා දෙන ලෙසයි විභාග කොමසාරිස් ජනරාල් එල් එම් ඩී ධර්මසේන පැවසුවේ.
රටේ පවතින ආර්ථික තත්ත්වය යහපත් වන තුරු සැලසුම් කර ඇති නව ව්‍යපෘති තාවකාලිකව අත්හිටුවීමට නාගරික සංවර්ධන හා නිවාස අමාත්‍යංශය තීරණය කර තිබෙනවා.
අදින් ඇරඹෙන අපොස සාමාන්‍ය පෙළ විභාගය වෙනුවෙන් විශේෂ ආරක්ෂක වැඩපිළිවෙළක් ක්‍රියාත්මක බව පොලීසිය පවසනවා. පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව පැවසුවේ විභාග දෙපාර්තමේන්තුවේ පිහිටා ඇති විශේෂ පොලිස් මුරපල හරහා පොලිස් නිලධාරීන් සම්බන්ධීකරණය කරමින් අදාළ ආරක්ෂක කටයුතු මෙහෙයවන බවයි.
අමතර කොටස්වල පවතින හිගය හේතුවෙන් විදුලිබලාගාර රැසක් නඩත්තු කටයුතු සිදුකර ගැනීමට නොහැකිව මේවනවිට දැඩි අර්බුදයකට පත්ව ඇති බව විදුලි ඉංජිනේරුවරුන්ගේ සංගමය පවසනවා. එහි ලේකම් එරංග කුඩාහේවා පැවසුවේ අමෙරිකානු ඩොලර් මිලියන 43 ක වටිනාකමකින් යුත් අමතර කොටස් මිලදී ගැනීම සඳහා ණයවර ලිපි විවෘත කර ගැනීමට මෙතෙක් නොහැකි වී ඇති බවයි.
ඉන්ධන පිරවුම්හල් අසළ මාර්ග අවහිර කිරීම සහ කළහකාරී ලෙස හැසිරෙන්නේ නම් එම පිරවුම්හල්වලට ඉන්ධන නිකුත් නොකරන බව බල ශක්ති අමාත්‍ය කංචන විජේසේකර පවසනවා. දැන් පැවැත්වෙන මාධ්‍ය හමුවකට එක් වෙමින් අමාත්‍යවරයා මේ බව ප්‍රකාශ කළා.
Page 191 of 648