Political News

හිටපු ජනාධිපති මෛත්‍රීපාල සිරිසේන සහ හිටපු අග්‍රාමාත්‍ය රනිල් වික්‍රමසිංහ යන මහත්වරුන් පාස්කු ඉරිදා ප්‍රහාරය ගැන සොයාබලන ජනාධිපති විමර්ශන කොමිසම හමුවේ සුවිශේෂී කරුණු කිහිපයක් හෙළිදරව් කිරීමට සූදානමින් සිටින බව දේශපාලන අභ්‍යන්තර ආරංචි මාර්ගවලින් වාර්තා වේ.

සී වී විග්නේෂ්වරන් මහතා උතුරු පළාතේ ප්‍රධාන මහා ඇමතිවරයාව සිටි කාලයේ දී ඊලාම් රාජ්‍යයකට අවශ්‍ය පසුබිම සකසා ගනිමින් සිටි බව රාජ්‍ය ඇමති සරත් වීරසේකර මහතා සඳහන් කරයි.

19 වෙනි සංශෝධනයට තමන් ඡන්දය ලබාදුන්නේ ඉතාම ඉක්මනින් 20 වැනි සංශෝධනයක් ගෙන එන බවට එක්සත් ජාතික පක්ෂය දුන් පොරොන්දුව අනුව බව ශ්‍රී ලංකා නිදහස් පක්ෂ මහලේකම් දයාසිරි ජයසේකර මහතා පවසයි.

ප්‍රජාතන්ද්‍රවාදී නොවන මහතීර් මොහොමඩ් යටතේ මැලේසියාවත් ජෙනරාල් පාර්ක් යටතේ දකුණු කොරියාවත් සංවර්ධිත, පොහොසත් රටවල් බවට පත්වූ බැවින් විධායකට අතට බලය එකතු වීම පිළිබඳ මෙරට පුරවැසියන් බියට පත්විය යුතු නොමැති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී එස්.බී. දිසානායක මහතා පවසයි.

විසිවැනි සංශෝධනය ගෙන ඒමට ප්‍රධානතම හේතුව බල තණ්හාව බව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා පැවැසීය.

මන්ත්‍රී ආරක්ෂාව සඳහා දැනට ලබාදී සිටින පොලිස් නිලධාරීන් දෙදෙනාට අමතරව වෙන කිසිම පොලිස් නිලධාරියකු ලබා නොදෙන බව අභ්‍යන්තර ආරක්ෂාව භාර රාජ්‍ය ඇමැති සහ වාරිමාර්ග ඇමැති චමල් රාජපක්ෂ ඊයේ (23 වැනිදා) පාර්ලිමේන්තුවේදී පැවැසුවේය.

පක්ෂයේ ඉදිරි ප්‍රතිසංවිධාන කටයුතුවල වගකීම නියෝජ්‍ය නායක රුවන් විජයවර්ධන සහ මහලේකම් අකිල විරාජ් කාරියවසම්ට පැවරීමට එක්සත් ජාතික පක්ෂ නායක රනිල් වික්‍රමසිංහ කටයුතු යොදා ඇත.

Denying claims made by former Minister John Amaratunge that he will be UNP’s national list member, the UNP General Secretary Akila Viraj Kariyawasam yesterday said no such decision has been made by the party as yet.

ඡන්දය පාවිච්චි නොකරන ඡන්දදායකයන්ගෙන් දඩයක් අය කිරීමේ ක්‍රමවේදයක් ඇති කළ යුතු බව කම්කරු ඇමැති නිමල් සිරිපාල ද සිල්වා ඊයේ (23 වැනිදා) පාර්ලිමේන්තුවේදී පැවැසුවේය.

“ශ්‍රී ලංකා නිදහස් පක්ෂය ලෙස වර්තමාන රජයේ කොටස්කරුවන් ලෙස සෑම අභියෝගයකට ම මුහුණ දීමට සිදුවෙනවා. මේ 69 වන සමරුවේ, අපි දැන ගන්න ඕන ප්‍රධාන කාරණේ කියලා මම විශ්වාස කරන්නේ, ශ්‍රී ලංකා නිදහස් පක්ෂය දේශපාලනය කරන්න ලෑස්ති වෙන්න ඕනේ කියලයි මම නම් විශ්වාස කරන්නේ. අභියෝග එයි. ප්‍රශ්න එයි. ඇමතිකම් මන්ත්‍රීකම් නැති වෙයි. සංවිධායකකම් නැති වෙයි. හැබැයි අභියෝගය ජනතාව හමුවේ තියෙනවා. ඒ නිසා මේ 20 වෙනි සංශෝධනය පිළිබඳවත් අපිට ප්‍රශ්න ගණනාවක් තිබෙනවා. අපි ඒවා ප්‍රසිද්ධියේ කථා කරලා ආණ්ඩුව අපහසුතාවයට පත්කරනවා වෙනුවට ඒ සම්බන්ධයෙන් අපේ තියෙන අදහස්, අපි බලාපොරොත්තු වෙන්වා අනාගතයේ දී අග්‍රාමාත්‍යවරයාට හා ජනාධිපතිවරයාට යවන්න.“

පසුගිය මහමැතිවරණයෙන් එක්සත් ජාතික පක්ෂයට හිමිවූ එකම ජාතික ලයිස්තු මන්ත්‍රී ධූරය සදහා 80 වියැති ජෝන් අමරතුංග මහතා නම් කිරීමට පක්ෂ නායක රනිල් වික්‍රමසිංහ මහතා තීරණය කොට ඇති බව දැනගන්නට තිබේ.

රාජ්‍ය ගිණුම් කාරක සභාව හෙවත් කෝපා කමිටුවේ සභාපතිධූරයට මහාචාර්ය තිස්ස විතාරණ මහතාව තෝරා ගෙන තිබේ.

හිටපු ඇමැතිවරුන් වන මංගල සමරවීර, පාඨලී චම්පික රණවක, රාවුෆ් හකීම්, සරත් ෆොන්සේකා ඇතුළු 08 දෙනකු දේශපාලන පළිගැනීම් පිළිබඳ ජනාධිපති කොමිසම මග හරින ලද පුද්ගලයන් ලෙස සලකා, ඔවුන්ට එරෙහිව වහාම පියවර ගන්නා බව සභාපති විනිසුරු උපාලි අබේරත්න ඊයේ (24 වැනිදා) ප්‍රකාශ කළේ ය.

රටේ මහජනතාවගේ බදු මුදල් වලින් කි‍්‍රයාත්මක වන රජයේ ආයතන හා රාජ්‍ය ව්‍යාපාර විගණනයෙන් ඉවත් කිරීමට කටයුතු කරනු ලබන්නේ නම් එහි ඇති එකම අරමුණ මහජන මුදල් සොරාකෑම බව සමගි ජනබලවේගයේ පාර්ලිමේන්තු මන්තී‍්‍ර මනෝ ගනේෂන් මහතා චෝදනා කරයි.

විසිවන ආණ්ඩුක්‍රම ව්‍යවස්ථා පනත් කෙටුම්පතට එරෙහිව සමගි ජන බලවේලය විසින් අද (23) ශ්‍රේෂ්ඨාධිකරණයට විශේෂ පෙත්සමක් ගොනු කර තිබේ.

පාර්ලිමේන්තුවේ සභාගත කර ඇති විසි වන සංශෝධන පනත් කෙටුම්පතට ඡන්දය ලබාදීම හෝ නොදීම ගැන තීරණය කරන්නේ එම සංශෝධනය ඇති ගුණ අගුණ ගැන සාකච්ඡාකිරීමෙන් අනතුරුව බව ශ්‍රී ලංකා නිදහස් පක්ෂය පවසයි.

එක්සත් ජාතික පක්ෂය සහ සමගි ජනබලවේගය අතර පවතින අර්බුදය විසඳාගැනීම සම්බන්ධයෙන් සිතා බලන ලෙස, එක්සත් ජාතික පක්ෂ නායක හිටපු අග‍්‍රාමාත්‍ය රනිල් වික‍්‍රමසිංහ මහතාගෙන් තමා ඉල්ලා සිටි බව සමගි ජන බලවේගයේ පාර්ලිමේන්තු මන්ත‍්‍රී තිස්ස අත්තනායක පවසනවා.

ඇතැම් මුස්ලිම් මන්ත්‍රීවරුන් දේශපාලනය ව්‍යාපාරයක් කරගෙන තිබෙන බැවින් ඔවුන් සැමවිටම පවතින ආණ්ඩු සමග සම්බන්ධ වී කටයුතු කිරීම පුරුද්දක් කර ගෙන තිබෙන බවට විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා චෝදනා කරයි.