Sunday, August 10, 2025
Follow Us
- Details
හිතේ ඇති කදුලු බිඳු
නෑඹිලියෙ දියකරන්
ඔබ පිසූ රසමසලු
මගෙ උගුරෙ හිරකරන්
මගේ මුලු හිත්පතම
දෙඇස තුල බොඳකරන්
සොයමි මම අම්මෙ නුඹ
ආදරේ ගුලිකරන්
ඔබෙ හිනාවත් එක්ක
ගුලිවෙන්න පොරබැඳන්
මගේ හිත්මල් යායෙ
මල් පිපේ ඇතිතරන්
පෙර පිනෙන් මං ලැබූ
දේවතා ඇස් අරන්
හැමදාම මං ළඟින්
ඉන්න දෙවියෙක් වෙයන්
සඳමාලි රොද්‍රිගෝ - ඇමෙරිකාව
- Details
නුඔ එදා මගෙන් විමසු විට..
නොදැන නුඔගෙ සිතයට..
- Details
වියරු රුහිරු කාහල නද කළ නින්දා ...
සතුරු මිතුරු රන්වැට සින්නෙට බැන්දා ...
මදුරු පිදුරු යුගයට නිදහස කැන්දා ...
ගොදුරු වසුරු අසරණයින් ඉකිබින්දා ...
- Details
මිනිස්සු හරි අසරණයි
හමුවෙන්නත් බැරි හමුනොවී ඉන්නත් බැරි මිනිස්සු ළඟ
මිනිස්සු හරි අසරණයි
කියන්නත් බැරි නොකියා ඉන්නත් බැරි වචන ළඟ
මිනිස්සු හරි අසරණයි
මිනිස්සු හරි අසරණයි
මතක් කරන්නත් බැරි අමතක කරන්නත් බැරි මතක ළඟ
මිනිස්සු හරි අසරණයි
දකින්නත් බැරි නොදැක ඉන්නත් බැරි හීන ළඟ
මිනිස්සු හරි අසරණයි
ළං වෙන්නත් බැරි ඈත් වෙන්නත් බැරි හිත් ළඟ
මිනිස්සු හරි අසරණයි
දැනෙන්නෙත් නැති නොදැනෙන්නෙත් නැති හැගීම් ළඟ
මිනිස්සු හරි අසරණයි
හිමිත් නැති අහිමිත් නැති ප්‍රේමය ළඟ
SM
- Details
රන් තලියක් නොවුණි සඟවා තබන්නට ...
සින්නක්කර නොවුණි උගසට තබන්නට ..
රන් කෙවිටක් නොවුණි උරගා බලන්නට ...
පින් පඩියට හැඬුණි කැඳ රත් කරන්නට ...
හයියක හක්තියක මට සැකයකුත් ඇත ...
තොයිලෙක , දානයක ගුණයක් තිබුණු අත ...
පයිසෙක මතකයක දරුවන්ට වත් නැත ...
කෙඳිරිලි බෙහෙත් ගඳ
තිබුනට පැල අස්සේ ...
මට නැහැ නින්දකුත්
නැතිනම් නුඹ කැස්සේ ...
තෙමුනත් වහල
ලෙඩ අරගෙන නොව වැස්සේ ...
පුළුවන් කමට නොව
වෙළදාමට බැස්සේ ...
බඩගිනි හැකි වුණත් දෙදොහක් උහුලන්ට ...
හිත ගිනි දැවෙයි දරු මුනුපුරු දැකගන්නට ...
ජීවිත දිය කළත් දරු රජ කරවන්ට ...
අමතක වෙලා ඇති ගම එන මග උන්ට ...
... මහලු විය ...
Srimanthi walpola
- Details
තුරු සෙවණ යට ඉඳන්
හුදෙකලා වී මෙසේ
කියවන්නේ “පැවරුමක්”
වෙන්න බෑ දියණියේ...
මල් සුවඳ රැගෙන එන
නිල් ගුවනේ සැරිසරන
පාට සරුංගලයක් වගේ
මුතු අකුරු ඇඳි පෙම්පතක් - දෝ
දියණියේ...?
සමාවුව මැනවි මට
දිසාපාමොක් ඇදුරු තුමනේ
සත් වසරකට පසු
වැලිකතර හැරදා
මගේ මුව සිපගන්න
අම්මා එනවා ගම... රට...
කියා තිබෙනවා
මගේ මේ පෙම්පතේ...!
yayawatta
Page 21 of 47