Social and Equity
ඔක්ටේන් 92 වර්ගයේ පෙට්රල් මෙට්රික් ටොන් 37,000 ක තොගයක් ගොඩබෑමේ කටයුතු අද (16) ආරම්භ කළ බව විදුලිබල හා බලශක්ති අමාත්ය කංචන විජේසේකර මහතා පවසනවා. මීට අමතරව බොරතෙල් මෙට්රික් ටොන් 100,000 ක තොගය ගොඩබෑමද ආරම්භ වී තිබේ.
ඖෂධ මිලදී ගැනීම සඳහා රාජ්ය ආයතන සතුව ප්රමාණවත් මුදල් නොමැති බවට ඊයේ පැවති සාකච්ඡාවකදී සෞඛ්ය බලධාරීන් ප්රකාශ කළ බව ශ්රී ලංකා ඖෂධවේදීන්ගේ සංගමය පවසනවා. එහි සභාපති, ඖෂධවේදී කපිල ද සොයිසා පැවසුවේ හදිසි මිලදී ගැනීම් හරහා හෝ රටට අවශ්ය ඖෂධ මිලදී ගැනීමට රජය කටයුතු කළ යුතු බවයි.
බිත්තර මිල සම්බන්ධයෙන් මතුව ඇති අර්බුදකාරී තත්වය හැකි ඉක්මනින් විසඳීමට කටයුතු කරන බව රාජ්ය අමාත්ය ඩී.බී. හේරත් මහතා පවසනවා. නිෂ්පාදකයාත් පාරිභෝගිකයාත් ආරක්ෂා කරමින් බිත්තර සඳහා සාධාරණ මිලක් නියම කිරීමට කටයුතු කරන බවද ඇමතිවරයා සඳහන් කරනවා.
එළඹෙන විස්සයි 20 ලෝක කුසලාන ක්රිකට් තරගාවලියේදී ශ්රී ලංකා ක්රිකට් කණ්ඩායමේ උපදේශක පුහුණුකරු ලෙස හිටපු ක්රිකට් නායක මහේල ජයවර්ධන පත් කර තිබෙනවා.
ගොවීන් විසින් වී අස්වනු නෙළමින් ඇතත් රජය විසින් වී මිලදී ගැනීම සිදු නොවන බවට ගොවීන් චෝදනා කරනවා. ඔවුන් පෙන්වා දෙන්නේ ඉකුත් කන්නයේදී වගා කිරීම් සදහා සැලකිය යුතු වියදමක් දැරීමට තමන්ට සිදු වූ බවයි. රජය විසින් සහතික මිලක් ප්රකාශයට පත් කළද මේ දක්වා එම මිලට වී මිලදී ගැනීම සිදු නොවන බවයි ගොවීන් පවසන්නේ.
23 වන වරටත් පැවැත්වෙන කොළඹ ජාත්යන්තර පොත් ප්රදර්ශනය අද ආරම්භ වනවා. ඒ, බණ්ඩාරණායක අනුස්මරණ ජාත්යන්තර සම්මන්ත්රණ ශාලා භූමියේදීයි.
අතරමග නවතා දැමූ විදුලි වැට ඉදිකිරීම් කටයුතු කඩිනමින් ආරම්භ කර එය ලබන වසරේ ජූනි මාසයට පෙර අවසන් කරන බව වනජීවී දෙපාර්තමේන්තුව පවසනවා.
මෙරට කොරෝනා මර්දන එන්නත්කරණ වැඩසටහන යටතේ තවත් පුද්ගලයින් 124 දෙනෙකු ඊයේ දිනයේදී දෙවන බූස්ටර් මාත්රාව ලබාගෙන තිබෙනවා.
Page 187 of 739