Thursday, October 08, 2026
Follow Us
Social and Equity
ශ්‍රී ලංකාවේ ගෘහ භාණ්ඩ නිර්මාණ ක්ෂේත්‍රයේ විධිමත් පූර්ණකාලීන පාඨමාලාවක් යටතේ ජාතික වෘත්තීය සුදුසුකම් (NVQ) Level 4 සහතික පිරිනමන ප්‍රථම අවස්ථාව සනිටුහන් කරමින්, සාර්ථකව පුහුණුව නිමකළ සිසුන් වෙනුවෙන් NVQ Level 3 සහ Level 4 සහතික ප්‍රදානෝත්සවය පසුගියදා (ජූලි 16) තලවතුගොඩ ජැට් හෝල්ඩින් සමාගම් ශ්‍රවණාගාරයේදී උත්කර්ෂවත් අයුරින් පැවැත්විණි.
ජනාධිපති අනුර කුමාර දිසානායක මහතා සහ බන්ධනාගාර නියාමකවරු, ජේලර්වරු ඇතුළු නිලධාරීන් අතර හමුවක් ඊයේ (17) ජනාධිපති කාර්යාලයේදී පැවැත්විණි.
"ප්‍රජා සවියට නව බලයක්" තේමාව යටතේ ජූලි 15 සිට අගෝස්තු 15 දක්වා ක්‍රියාත්මක කිරීමට නියමිත ප්‍රජාව සවිබලගැන්වීමේ මාසය ඊයේ (15) දින සිට ආරම්භ කෙරිණි.
වවුනියාව දිස්ත්‍රික්කයේ වෙංගලසෙට්ටිකුලම ප්‍රාදේශීය ලේකම් කොට්ඨාසයට අයත් පෙරියකට්ටු ග්‍රාම නිලධාරී වසමේ ජනතාවට සුරක්ෂිත පානීය ජලය ලබාදීමේ අරමුණින් ඉදිකළ පෙරියකට්ටු ප්‍රජා ජල සම්පාදන ව්‍යාපෘතිය පසුගියදා(17) ජනතා අයිතියට පත් කෙරිණි.
වසරේ ගතවූ කාලය තුළ වාර්තා වූ ඩෙංගු රෝගීන් සංඛ්‍යාව 73,000ට ඉක්මවා ඇති බව ජාතික ඩෙංගු මර්දන ඒකකය පවසයි.
තඹුත්තේගම පොලිස් වසමේ කුඩාබිබිලිවැව ප්‍රදේශයේදී තඹුත්තේගම පොලිස් ස්ථානයේ නිලධාරීන් කණ්ඩායමක් විසින් වැටලීමක් සිදුකර නිවසක් තුළ පුරාවස්තු ලබාගැනීමේ අරමුණින් කැණීම් කරමින් සිටි සැකකරුවන් දෙදෙනෙකු කැණීම් උපකරණ ද සමඟ පසුගියදා (14) අත්අඩංගුවට ගත් බව පොලීසිය සඳහන් කරයි.
ආබාධ සහිත ප්‍රජාව සඳහා වන පාර්ලිමේන්තු සංසදය සහ ආබාධිත සිවිල් ප්‍රජාව විසින් ප්‍රමුඛ කේෂ්ත්‍ර 6ක් ඔස්සේ සකස් කළ අයවැය යෝජනාවලියක් ජනාධිපති ලේකම් ආචාර්ය නන්දික සනත් කුමානායක මහතා වෙත ජනාධිපති ලේකම් කාර්යාලයේදී ඊයේ (16) පස්වරුවේ භාර දෙන ලදී.
ආබාධ සහිත ප්‍රජාව වෙනුවෙන් මෙවර අයවැයෙන් විශේෂ සැලකිල්ලක් දක්වා විශාල ප්‍රතිපාදන ප්‍රමාණයක් වෙන් කිරීම සහ ආබාධ සහිත ප්‍රජාව සඳහා ප්‍රවේශ පහසුකම් වැඩි කිරීමට ප්‍රතිපාදන වෙන් කිරීම පිළිබඳව ආබාධ සහිත ප්‍රජාව වෙනුවෙන් ඔවුහු ජනාධිපති අනුර කුමාර දිසානායක මහතා ඇතුළු රජයට මෙහිදී ස්තුතිය පළ කළහ.
ආබාධ සහිත ප්‍රජාව බලගැන්වීම සඳහා අවස්ථා නිර්මාණය කිරීම තුළින් ඔවුන්ද සමාජයේ සාමාන්‍ය කොටස්කරුවන් බවට පත්කිරීම අත්‍යවශ්‍ය බවත්, ඒ සඳහා 'එක්ව අත්නොහැර' ජාතික ප්‍රතිපත්ති රාමුව සකස් කර ඇති බවත්, අයවැය යෝජනාද ඊට අනුගත වන පරිදි සකස් කර ඇති බවත් ආබාධ සහිත ප්‍රජාව සඳහා වන පාර්ලිමේන්තු සංසදයේ සභාපති, පාර්ලිමේන්තු මන්ත්‍රී සුගත් වසන්ත ද සිල්වා මහතා මෙහිදී පෙන්වා දුන්නේය.
මීට අමතරව සංචාරක කර්මාන්තය තුළ ආබාධ සහිත ප්‍රජාවගේ සහභාගීත්වය වැඩි කිරීම සහ ප්‍රවේශ පහසුකම් වැඩි කිරීම සම්බන්ධව ද මෙහිදී දීර්ඝ ලෙස සාකච්ඡා කෙරිණි. සාම්ප්‍රදායික ආබාධිත ප්‍රජාව බලගැන්වීමට සකසා ඇති පුහුණුව තුළින් එම පිරිසට විවෘත රැකියා වෙළෙඳපොළ තුළ අවස්ථා නිර්මාණය නොවන බවද මෙහිදී අවධාරණය කරන ලදී.
ආබාධ සහිත ප්‍රජාව සමාජයේ සම කොටස්කරුවන් බවට පත් කිරීමට රජය ප්‍රතිපත්තිමය තීන්දු තීරණ රැසක් ගෙන ඇති බව සඳහන් කළ ජනාධිපති ලේකම්වරයා, ඊට අවශ්‍ය චක්‍රලේඛ හා නියෝග කඩිනමින් නිකුත් කිරීමටත්, යටිතල පහසුකම් සංවර්ධනය කිරිමටත් පියවර ගන්නා බව වැඩිදුරටත් පැවසීය.
ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර යන මහතා, ආබාධ සහිත ප්‍රජාව සඳහා වන පාර්ලිමේන්තු සංසදය, ආබාධ සහිත ප්‍රජාව සහ සිවිල් සමාජ නියෝජිතයෝ පිරිසක් ද මෙම අවස්ථාවට එක්ව සිටියහ.
මහනුවර නගරයේ රථවාහන තදබදය අවම කිරීම සහ නාගරික පහසුකම් වැඩිදියුණු කිරීම අරමුණු කරගනිමින් ක්‍රියාත්මක වන ප්‍රධාන සංවර්ධන ව්‍යාපෘති හතරක ඉදිකිරීම් කටයුතු ඉදිරි දෙවසර තුළ සම්පූර්ණයෙන් අවසන් කිරීමට කටයුතු කරන බව ප්‍රවාහන, මහාමාර්ග සහ නාගරික සංවර්ධන අමාත්‍යාංශය සඳහන් කරයි.
ලෝක බෞද්ධ සංඝ සම්මේලනයේ (World Buddhist Sangha Council – WBSC) 60 වන සංවත්සර සමරු උළෙල පැවැත්වීම සම්බන්ධ සංවිධාන කටයුතුවල ප්‍රගතිය විමසා බැලීමේ සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් ජනාධිපති කාර්යාලයේදී අද (15) පෙරවරුවේ පැවැත්විණ.
2026 ජූලි 17 වන දින කොළඹදී පැවති ලංකා කාන්තා ව්‍යවසායක මණ්ඩලය (Ceylon Chamber of Women Entrepreneurs - CCWE) සංවිධානය කරන CCWE Fashion Week & International Summit 2026 උළෙලේ සමාරම්භක අවස්ථාවට අග්‍රාමාත්‍ය ආචාර්ය හරිනි අමරසූරිය ප්‍රධාන ආරාධිත අමුත්තා ලෙස සහභාගී විය.
දේශගුණික විපර්යාසයන්ට ඔරොත්තු දෙන පරිසර පද්ධති සහ ඇතුළත් කරගත් (සහභාගීත්ව) ධීවර ආර්ථිකයන් ගොඩනැගීම සම්බන්ධයෙන් වූ වැඩසටහන Resilient Waves program එළිදැක්වීමේ වැඩසටහනට ගරු පරිසර අමාත්‍ය වෛද්‍ය දම්මික පටබැඳි මහතා ඊයේ (15) සහභාගි විය.
බිම් මල් වගාව ජනතාව අතර ව්‍යාප්ත කිරීමේ අරමුණ මත, බිම් මල් වගාවන් සඳහා රක්ෂණ යෝජනා ක්‍රමයක් හඳුන්වා දීමට කෘෂිකර්ම, පශු සම්පත්, ඉඩම් හා වාරි මාර්ග අමාත්‍යාංශය යටතේ ක්‍රියාත්මක කෘෂිකාර්‌මික හා ගොවිජන රක්ෂණ මණ්ඩලය සැලසුම් කර ඇත.
රඹුක්කන ප්‍රාදේශීය රෝහලේ සිව් මහල් අක්ෂි වාට්ටු සංකීර්ණය ළුලදායී ලෙස අක්ෂි ප්‍රතිකාර සේවා සඳහා යොදා ගැනීම සම්බන්ධව වු විශේෂ සාකච්ඡාවක් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් ඊයේ (17) රඹුක්කන ප්‍රාදේශීය රෝහලේ අක්ෂි වාට්ටු සංකීර්යේ දී පැවැත්විණි.
රටේ පවතින දැවැන්ත ගුරු හිඟය පියවීම සඳහා මෙතෙක් පැවති සාම්ප්‍රදායික ක්‍රමවේදයෙන් බැහැරව, පාසල්වල පවතින නිශ්චිත විෂය පුරප්පාඩු ඉලක්ක කරගනිමින් (විෂයානුබද්ධව) ගුරුවරුන් බඳවා ගැනීමේ නව වැඩපිළිවෙලක් වත්මන් රජය විසින් ආරම්භ කර ඇති බව රාජ්‍ය පරිපාලන, පළාත් සභා සහ පළාත් පාලන අමාත්‍ය මහාචාර්ය චන්දන අබයරත්න මහතා ප්‍රකාශ කළේ ය.
ජාතික තේ ඉලක්කය වෙනුවෙන් “Ceylon Tea Village” (සිලෝන් ටී විලේජ්) ජාතික වැඩසටහන ඇරඹේ.
ජාතික තේ ඉලක්කය වෙනුවෙන් “Ceylon Tea Village” (සිලෝන් ටී විලේජ්) ජාතික වැඩසටහන අද (15) දින ආරම්භ විය. මීට සමගාමීව දිවයින පුරා තේ ගම්මාන 144ක් සමඟ පළමු අදියර ආරම්භ කෙරේ.
2030 වසර වන විට ශ්‍රී ලංකාවේ නිමි තේ නිෂ්පාදනය කිලෝග්‍රෑම් මිලියන 400 දක්වාත්, තේ අපනයන ආදායම ඇමෙරිකානු ඩොලර් බිලියන 2.5 දක්වාත් ඉහළ නැංවීමේ ජාතික ඉලක්කය සාක්ෂාත් කර ගැනීමේ අරමුණින්, වැවිලි සහ ප්‍රජා යටිතල පහසුකම් අමාත්‍යාංශය විසින් “Ceylon Tea Village” (සිලෝන් ටී විලේජ්) හෙවත් තේ ගම්මාන 500ක් ස්ථාපිත කිරීමේ ජාතික වැඩසටහන ක්‍රියාත්මක කිරීමට නියමිතය.
මෙම වැඩසටහන ශ්‍රී ලංකාවේ කුඩා තේවතු අංශය නවීකරණය කිරීම, ගොවි ජනතාවගේ ජීවන තත්ත්වය ඉහළ නැංවීම සහ තේ කර්මාන්තයේ තිරසාර සංවර්ධනය වේගවත් කිරීම අරමුණු කර ගෙන ක්‍රියාත්මක කෙරේ.
මෙම වැඩසටහන යටතේ කුඩා තේවතු ගොවීන්ගේ දළු අස්වැන්න හා ඵලදායිතාව ඉහළ නැංවීම, ගොවි ආදායම වර්ධනය කිරීම, අගය එකතු කළ තේ නිෂ්පාදන ප්‍රවර්ධනය කිරීම, තේ කර්මාන්තය සංචාරක කර්මාන්තය සමඟ ඒකාබද්ධ කිරීම, නවීන හා තිරසාර වගා තාක්ෂණ හඳුන්වාදීම, යටිතල පහසුකම් සංවර්ධනය කිරීම සහ නිෂ්පාදන සමූපකාර ක්‍රමය ශක්තිමත් කිරීම ඇතුළු ප්‍රමුඛ අරමුණු රැසක් ක්‍රියාත්මක කිරීමට සැලසුම් කර ඇත.
සෑම තේ ගම්මානයක් සඳහාම අධිඝණත්ව තේ වගා ආදර්ශන බිම්, නව තේ පැළ තවාන්, කුඩා තේ වතු සඳහා රක්ෂණ ආවරණයක්, කුඩා තේවතු ගොවීන් සඳහා විශ්‍රාම වැටුප් ක්‍රමයක්, සහනදායී ණය පහසුකම්, යාන්ත්‍රීකරණයට අත්වැල, Handmade තේ නිෂ්පාදනය සඳහා පුහුණුව හා උපකරණ, සංචාරක කර්මාන්තය සමඟ බද්ධ කිරීම, අතිරේක ආදායම් මාර්ග සංවර්ධනය සඳහා සහාය හා මඟපෙන්වීම, නිෂ්පාදන සමූපකාර ක්‍රමය ශක්තිමත් කිරීම, පුනර්ජනනීය කෘෂිකර්මාන්තය පිළිබඳ දැනුම හා පුහුණුව මෙන්ම යටිතල පහසුකම් සංවර්ධනය සඳහා ප්‍රමුඛතාව ලබාදෙන සමෝධානික තේ ගම්මාන සංවර්ධන පැකේජයක් ක්‍රියාත්මක කරනු ලැබේ.
මෙම වැඩසටහනේ පළමු අදියර යටතේ 2026 වසර තුළ දිවයින පුරා පිහිටි තේ පරීක්ෂක කොට්ඨාස 144ම ආවරණය වන පරිදි තේ ගම්මාන 144ක් ආරම්භ කිරීමට සැලසුම් කර ඇත.
මහනුවර දිස්ත්‍රික් නායකයා වශයෙන් කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල්කාන්ත මහතා මෙම වැඩසටහනට සම්බන්ධ වූ අතර, එහිදී අමාත්‍යවරයා මෙම අදහස් පළ කළේය.
“මෙම වැඩසටහනේ මූලික කාරණය වන්නේ ග්‍රාමීය දුප්පත්කම පොහොසත්කම දක්වා ගෙන ඒමයි. ඒ සඳහා ගමක යම් ප්‍රදේශයක ප්‍රධාන ආර්ථික කාරණය හඳුනා ගත යුතුයි. මේ ප්‍රදේශය ආශ්‍රිතව ප්‍රධානම ආර්ථික බෝගය තමයි කුඩා තේ වතු. ඒ අනුව මේ ප්‍රදේශයේ ග්‍රාමීය දුප්පත්කම නැති කිරීමට තමයි මේ තේ ගම්මාන 500 වැඩසටහන ක්‍රියාත්මක වෙන්නේ. මෙහිදී මේ ප්‍රදේශයේ ජනතාවගේ ආර්ථික ගැටළුවලට විසඳුම් සෙවීම මේ වැඩසටහනේ අරමුණක්. මේක සාර්ථක කර ගැනීමේදී අප මුහුණදෙන අභියෝග කිහිපයක් තියෙනවා. ඒ අභියෝග ජයගන්න තරමට තමයි අපිට මේක සාර්ථක කරගන්න පුළුවන් වෙන්නේ”
"පොහොසත් රටක් – ලස්සන ජීවිතයක්" ප්‍රතිපත්ති ප්‍රකාශයේ "නිර්බාධිත සමාජ ජීවිතයක් – යුක්තිසහගත සමප්‍රවේශයක්" පරිච්ඡේදයේ සඳහන් පරිදි, සැමට සමාන අවස්ථා හිමි වන අන්තර්කරණය වූ සමාජයක් බිහිකිරීමේ රජයේ ප්‍රතිපත්තිය යථාර්ථයක් කරමින්, දිවයිනේ සියලුම පරිපාලන දිස්ත්‍රික්ක ආවරණය වන පරිදි ආබාධ සහිත දරුවන් වෙනුවෙන් "කුසලතා සංවර්ධන හා දිවා සුරැකුම් මධ්‍යස්ථාන" 25ක් ඉදිකිරීමට ග්‍රාමීය සංවර්ධන, සමාජ ආරක්ෂණ හා ප්‍රජා සවිබලගැන්වීම් අමාත්‍යාංශය යටතේ ක්‍රියාත්මක සමාජ සේවා දෙපාර්තමේන්තුව සැලසුම් කර ඇත.
ලෝක බෞද්ධ සංඝ සම්මේලනයේ (World Buddhist Sangha Council – WBSC) 60 වන සංවත්සර සමරු උළෙල පැවැත්වීම සම්බන්ධ සංවිධාන කටයුතුවල ප්‍රගතිය විමසා බැලීමේ සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් ජනාධිපති කාර්යාලයේදී ඊයේ (15) පෙරවරුවේ පැවැත්විණ.
කම්බෝජයේ සිට මෙරටට ගෙන්වන ලද බහාලුමක, ශිතාගාර පරිවාරක තාප පැනල ඇතුළත සූක්ෂම ලෙස සඟවන ලද නීති විරෝධී දුම්වැටී තොගයක් ඔරුගොඩවත්ත බහලුන් අංගනයේදී අද අත්අඩංගුවට ගෙන තිබෙන බව වාර්තා වෙයි.
Page 11 of 768