ආදරෙන් බැඳුණු දෙසිතක් කුලගෙයට පියමනින දා අපූරුතම මල් මංගල්ලයකි. තුරුණු වියේ පසුවන සෑම තරුණ, තරුණියකගේ ජීවිතයේ සුවිශේෂීතම දිනයයි මේ. එබැවින් මේ මංගල දිනය වෙනුවෙන් ලකලෑස්ති වන්නේ ද කල්තියාමයි.
එහිදී උත්සවය පවත්වන ශාලාව වෙන්කර ගැනීමේ සිට ඇඳුම් පැලඳුම්, මල් සැරසිලි ආදිය තම සිතැඟි පරිදි තෝරා ගැනීමට උනන්දු වෙති. ඒ සමඟම මේ සොඳුරු දිනයේ සතුට බෙදා හදාගන්නට පැමිණෙන තම නෑ හිත මිතුරන් වෙත යවන ආරාධනා පත්‍රය සේම එදිනට පැමිනෙන අමුත්තන් වෙත පිළිගන්වන මංගල කේක් ඇසුරුම් කෙරෙහි ද වැඩි අවධානයක් යොමු කරති. ඇතැම් කෙනකු මේවා සකස් කරන ස්ථානයකින් හෝ වෙළෙඳපොළෙන් මිලදී ගත්ත ද නිර්මාණශීලී හැකියාවන් උපයෝගී කරගෙන තම දෑතින්ම සකසා ගන්නට උනන්දු වන යුවතියන් ද ඕනෑතරම්.
නේක වර්ණ සහිතව, විවිධ අමුද්‍රව්‍ය උපයෝගී කරගෙන සකසා ඇති මේ අපූරු මංගල කේක් ඇසුරුම් නිර්මාණ එවැනි ඔබ සඳහාමයි.
(Tharunie)