ඔබ තම්බා ආහාරයට ගන්නට කැමති ඕනෑම එළවළු වර්ග කීපයක් සහ තෝර මාළු පෙති කීපයක් අවශ්‍යයි.

ටැමරින්ඩ් සෝස් එක සඳහා තළාගත් ඉඟුරු තේ හැඳි 1/2ක්, තළාගත් සුදුලූනු තේ හැඳි 1ක්, චොප් කරගත් අමු මිරිස් කරලක්, චොප් කරගත් බෙල්පෙපර් මේස හැඳි 2ක්, සියඹලා ඉස්ම කප් 1/4ක්, ලුණු, ගම්මිරිස්, සීනි තේ හැඳි 2ත් මේ සඳහා අවශ්‍යයි.

මුලින්ම ටැමරින්ඩ් සෝස් එක හදමු. ඒ සඳහා බඳුනකට තෙල් ස්වල්පයක් දමා ඉඟුරු, සුදුලූනු සහ අමු මිරිස් දමා බැදගන්න. ස්වල්ප වේලාවකින් එයටම චොප් කරගත් බෙල්පෙපර් එක් කරන්න. විනාඩි දෙකක් පමණ තෙම්පරාදු කරගෙන සියඹලා ඉස්ම එක් කරන්න. මඳ වේලාවකින් සීනි, ලුණු සහ ගම්මිරිස් එක් කරන්න. මිශ්‍රණය උකුවන බව දැනෙන විට ළිපෙන් බා ගන්න.

අර්තාපල්, ගෝවා, බෝංචි සහ කැරට් වැනි ඔබ ප්‍රිය එළවළුවක් ලොකු කැබලි කපා ස්ටීම්කර ගන්න. ගම්මිරිස් කුඩු සහ ලුණු ඉසගන්න.

තෝර මාළු පෙති ලුණු ගම්මිරිස් ස්වල්පයක් ඉස තෙල් ස්වල්පයක් දමා පෑන් එකේ බැදගන්න. ඒ මත ටැමරින් සෝස් දමා ආහාරයට ගන්න.

Tharunie