Friday, April 19, 2024
Follow Us
මාළු ඇඹුල් තියල්

මාළු ඇඹුල්තියල් කිව්වම අපිට මුලින්ම සිහි වෙන්නෙ දකුණු පළාත. මන්ද මාළු ඇඹුල් තියලට දකුණු පළාත තරම් දක්ෂ රසවත් රෙසිපියක් අපට වෙන කොහෙන්වත් උරුම නොවන නිසා. මුහුදින් වටවුණු අපේ දිවයිනේ මාළු ඇඹුල් තියලට බොහෝ ඉල්ලුමක් තියෙනවා. නියම පදමට රෙසිපියට හදා ගන්නා මාළු මාසයකට අධික කාලයක් කල් තබා ගන්න පුළුවන්.

මේ සඳහා බල හෝ කෙලවල්ලා මාළු කිලෝ 1ක්, ගොරකා ග්‍රෑම් 200ක්, ගම්මිරිස් කුඩු මේස හැඳි 5ක්, ලුණු, අමු මිරිස් කරල් 4-5ක්, බැදපු තුනපහ කුඩු මේස හැඳි 3ක්, රම්පේ හා කරපිංචා සහ කුරුඳු පොතු කෑල්ලක් අවශ්‍යයි.

 මාළු හෝදලා තරමක කෑලි කපාගන්න. ගොරකා තම්බලා අමු මිරිස්, ගම්මිරිස් කුඩු  තුනපහ කුඩු, රම්පේ, කරපිංචා, කුරුඳු පොතු, ලුණු එක්ක අඹරාගන්න. 

මාළුවලට ගොරකා පේස්ට් එක දාලා වතුර චුට්ටක් දාලා හොඳට කලවම්කර ගන්න. මැටි හට්ටියක අඩියට කරපිංචා ඉති ටිකක් අතුරාගෙන මාළු ටික දාලා පියනකින් වහලා තම්බාගන්න.

ඉස්ම හොඳටම හිඳුණම පියන ඇරලා නිවෙන්න තියන්න. ඇඹුල් තියල් ගන්න වියළි හැන්දක් පාවිච්චි කරන්න. 

Tharunie