අන්නාසි ජෑම්වලට ආස කරන අයටයි මේ ජෑම් එක. හදන්නත් පහසුයි. හදලා බලන්නකෝ රස කොහොමද කියලා.
මේ සඳහා මැද නාරටිය ඉවත්කර කපාගත් අන්නාසි කෝප්ප 3ක්, සීනි කෝප්ප 2ක්,
කරාබු නැටි ස්වල්පයක් සහ දෙහි බෑයක යුෂ අවශ්‍යයි.
පළමුව අන්නාසි ටික හොඳට බ්ලෙන්ඩ් කරගන්න. දැන් මේ පල්ප් එක පෑන් එකකට දාලා සීනි ටිකත් දාගෙන අඩු ගින්දරේ හැඳි ගාන්න.
සීනි ටික දිය වේගෙන එනකොට මිශ්‍රණය තරමක දියාරු ගතියක් එනවා. එතකොට ගින්දර වැඩි කරගෙන මිශ්‍රණය උතුරනකම් හැඳිගාන්න.
නැවත ගින්දර අඩු කරගෙන මිශ්‍රණය උකු වේගෙන එනකොට දෙහි යුෂ සහ කරාබු නැටි කුඩු එකතු කරගන්න.
හොඳින් උකු වුණ මිශ්‍රණය නිවෙන්නට හැර ජීවාණුහරණය කරගත්ත බෝතලයකට දාලා ශීතකරණයේ තියාගන්න.
Tharunie