කරවිල කියන විටම තිත්ත රස ගැන මතක් වෙනවා නොඅනුමානයි. ඒ නිසාම බොහෝ දෙනා කරවිල කෑමට ප්‍රිය නොකරයි. සමහරු පවසන්නේ කරවිලවල රස ඇත්තේ මේ තිත්තෙහි බවයි. ඉතා පෝෂණීය එළවලුවක් වන කරවිලවල තිත්ත නිසාම ඔබ කරවිල නොකනවා නම් මේ නොවරදින රෙසිපිය ඔබ වෙනුවෙන්මයි.
කරවිලවල ඔබ නොදන්නා ගුණ 12ක්
- කරවිල විටමින් සී බහුල ප්‍රභවයක් වන අතර එය බොහෝ රෝග වලට එරෙහිව සටන් කිරීමට සහ තුවාල සුව කිරීමට උපකාරී වේ.
- කරවිල වල අඩංගු විටමින් A සහ බීටා-කැරොටින් අපගේ ඇස්වල සෞඛ්‍යයට සහ පෙනීම වැඩි දියුණු කිරීමට ප්‍රයෝජනවත් වේ. ඇස්වටා අඳුරු ලප වලට ප්‍රතිකාර කිරීම සඳහා ද මේවා යහපත් වේ.
- හීමොග්ලොබින් A1c සහ fructosamine ඇතුළු රුධිර සීනි පාලන සංඝටක කිහිපයක් මෙහි අඩංගු ය.
- කරවිල අඩු කැලරි ප්‍රමාණයක් සහ තන්තු වලින් වැඩි නිසා සිරුරේ බර අඩු කර ගැනීමට උපකාරී වේ.
- විටමින්,ෆෝලේට්, සින්ක්, යකඩ සහ පොටෑසියම් කරවිල වල පවතින අතර, කලලයක් තුළ ස්නායු වර්ධනයට සහ වර්ධනයට මෙම පෝෂක අත්‍යවශ්‍ය වේ.
- පිළිකා, වයසට යෑම, හෘද රෝග සහ නිදන්ගත තත්වයන් ඇතුළු ඔක්සිකාරක හානි නිසා ඇතිවන බොහෝ රෝගවලින් කරවිල අපව ආරක්ෂා කරයි.
- කරවිල වල විටමින් C, සින්ක් සහ ප්‍රෝටීන් සංඝටක හිසකෙස් වර්ධනයට සහ හිසකෙස් වලට දීප්තියක් එක් කරයි.
- මේවායෙහි ඇති පොටෑසියම්, මැග්නීසියම් සහ කැල්සියම් අපගේ රුධිරයේ ඇති නරක/ LDL කොලෙස්ටරෝල් මට්ටම අඩු කර හොඳ කොලෙස්ටරෝල්/ HDL මට්ටම පවත්වා ගනී.
- කොලෙස්ටරෝල් බොහෝ හෘද රෝග සඳහා ප්‍රධානතම හේතුවකි. කරවිල හෘද සෞඛ්‍යය වැඩි දියුණු කරයි.
- කරවිල වල ප්‍රතිඔක්සිකාරක සහ ප්‍රති-ක්ෂුද්‍ර ජීවී ගුණ ඇති අතර එමඟින් අපගේ රුධිරයෙන් සහ අක්මාවෙන් විෂ ද්‍රව්‍ය බැහැර කිරීමට සහ අක්මාවේ බොහෝ රෝග සුව කිරීමට උපකාරී වේ.
- කරවිල නිතිපතා පරිභෝජනය කිරීම අපගේ බඩවැල් සෞඛ්‍යය වැඩි දියුණු කරන අතර මලබද්ධය සහ ඇතුළු බොහෝ බඩවැල් අක්‍රමිකතා තත්වයන්ට ප්‍රතිකාර කරයි.
- මෙම කටුක රස එළවලුව අපගේ ප්‍රතිශක්තිකරණ පද්ධතිය සහ ශ්වසන සෞඛ්‍යය වැඩි දියුණු කරයි.
පොඩ්ඩ්ඩක්වත් තිත්ත නැතිව කරවිල හදන්නේ මෙහෙමයි.
අවශ්‍ය ද්‍රව්‍ය
- තරමක කරවිල ගෙඩියක්
- උකුකිරි කෝප්පයක්
- මිරිස්
- තුනපහ
- ලුණු
- ගොරකා හෝ තක්කාලි
- උලුහාල්
- රම්පෙ
- කරපිංචා
- සුදුලූනු
- රතුලූණු
- අමුමිරිස්
- පොල් කැබලි ටිකක්
- පොල් ගෙඩියක පොල් වතුර
හදන්නේ මෙහෙමයි
- පොල්වතුර එක ඇතිලියට දමා ගන්න.
- කරවිල ගෙඩිය සෝදා හොඳින් කැපෙන පිහියකින් ඉක්මනින් කපාගෙන පොල් වතුර එකට දමා ගන්න.
- දැන් එය පොල්වතුරෙන් තම්බා ගන්න.
- මේ අතර තවත් ඇතිලියකට පොල්කිරි, ඉතුරු සියලු අමුද්‍රව්‍ය එක් කර තබා ගන්න.
- දැන් තැම්බුණු කරවිල ටික වතුර පෙරා පොල්කිරි එකට දමා ගන්න.
- මද ගින්නේ හොඳින් උයාගන්න.
- හැඳි ගෑමෙන් වළකින්න.
- නටන විට ඇතිලිය සොලවා තෙල් පෑදෙන තුරු උයා ගන්න.
අන්තර්ජාලය ඇසුරෙන්