ළපටි මියෙන දලු

අබ ස්වල්පයක්

තළාගත් සුදු ලූනු

ලියාගත් බී ලූනු, අමු මිරිස් හා ඉදුණු

තක්කාලි ගෙඩියක්

කෑලි මිරිස් ස්වල්පයක්

පදමට ලුණු

මියෙන දලු අතින් කුඩා කැබලි කඩා හොඳින් සෝදා වතුර බේරා ගන්න. භාජනයක් ළිපේ තියා එයට අබ දමා පුපුරුවා ගන්න. තළාගත් සුදු ලූනු, ලියා ගත් අමු මිරිස්, රතු ලූනු හා තක්කාලි එකතු කර තෙම්පරාදු කරන්න.

එය තෙම්පරාදු කරන ගමන් හැන්දකින් තක්කාලි කෑලි ටික පොඩි කරන්න. මියෙන දලු එකතු කර කහ ස්වල්පයක්, කෑලි මිරිස් හා පදමට ලුණු එකතු කරන්න. වැඩි වේලා ළිපේ තැබීමට අවශ්‍ය නෑ. මියෙන දලු ගොරකා එකතු කර මිටි කිරි ස්වල්පයක් දමා හින්දා ඇඹුලක් ලෙස ද සෑදිය හැකි පලා වර්ගයකි.

අවශ්‍ය නම් කරවල කැබලි ටිකක්, උම්බලකඩ, කූනිස්සෝ, හාල්මැස්සන් වගේ ඕනෙම දෙයක් මේකට එකතු කර ගන්න පුළුවන්. මේ තෙල් දැමුම දහවල් කාලෙට බත් විතරක් එක්ක වුණත් කෑමට ගත හැකියි.

Tharunie