බෙරි නොවන්න උයා ගත් බත් (මේ සඳහා කලින් දවසේ ඉතුරු වූ හීල් බත් යොදා ගන්නත් පුළුවන්.)

නිවිති කොළ (ලොකු කෑලිවලට කපා ගන්න)

තළාගත් ඉඟුරු, සුදු ලූනු

ලියාගත් තක්කාලි, අමුමිරිස් හා බී ලූනු ගෙඩියක්

ඔබේ ශීතකරණයේ ඉතුරු වූ කැරට් වගේ ඕනෑම එළවළු ටිකක්

තියෙනවා නම් තම්බා ගත් සෝයා මීට් ටිකක්

සෝයා සෝස් මේස හැන්දක්

කෑම පිසීමට ගන්නා තෙල් මේස හැන්දක්

පදමට ලුණු හා ගම්මිරිස් කූඩු

මුලින්ම තෙල් ටික භාජනයකට දමා ඒකට තළාගත් ඉඟුරු, සුදු ලූනු දාන්න (මේකෙන් බත් එකට රසයක් වගේම හොඳ සුවඳක් එනවා) එයටම ලියා ගත් අමුමිරිස්, ලූනු හා තක්කාලි දමා බැදෙන්න හරින්න.

කැරට් වගේ ඔබ ළඟ තිබෙන එළවළු ටිකත් දමා තව ටිකක් අඩු ගින්දරේ තියන්න. නිවිති ටික හා සෝයා මීට් එකතු කර ළිපේ ගින්දරත් වැඩි කරන්න. එයට සෝයා සෝස් හා ගම්මිරිස් එකතු කරන්න. සෝයා සෝස්වල ලුණු අඩංගු නිසා මදි නම් පමණක් ලුණු එකතු කරන්න. නිවිති ටික මැලවෙන්න කලින් බත් ටික දමා ළිප ඕෆ් කර ඔක්කොම හොඳින් මිශ්‍ර කර ගන්න. ළිපෙන් පිටතට ගත්ත ගමන්ම නිවිති කොළවල කොළ පැහැය යන්න කලින් බත් එක වෙනත් භාජනයකට මාරු කරන්න.

Tharunie