එළබටු ග්‍රෑම් 250 ක්
තරමක් විශාල ප්‍රමාණයේ
තක්කාලි ගෙඩියක්
සිහින්ව ලියාගත් ලූනු
ගෙඩියක්
මිරිස් කුඩු තේ හැඳි තුනක්
අමු තුනපහ ස්වල්පයක්
කහ කුඩු ස්වල්පයක්
පොල් කිරි අඬු කෝප්පයක්
කුරුඳු පොතු කැබැල්ලක්
උළුහාල් ස්වල්පයක්
සුදුලූනු බික් තුන හතරක්
අමු මිරිස් කරල් තුනක්
පොල් තෙල් ස්වල්පයක්
රස පදමට ලුණු කුඩු
රම්පේ සහ කරපිංචා
එළබටු ටික කපා හෝ තළාගෙන කහ සහ ලුණු මිශ්‍ර වතුරට දමන්න. මෙහිදී එළබටුවල මැද ඇති කුඩා ඇට ඉවත් කරගත යුතු අතර එසේ නොවුණහොත් ව්‍යංජනය තිත්ත රසක් ගැනීමට ඉඩ තිබේ.
දැන් මැටි බඳුනක් ගෙන ළිප තබා තෙල් ස්වල්පයක් එකතු කරන්න. තෙල් රත් වී ගෙන එනවිට රම්පෙ සහ කරපිංචා දමන්න. එයටම කපාගත් ලූනු, සුදුලූනු, අමු මිරිස් ආදිය එකතු කරන්න.මිරිස් කුඩු, අමු තුනපහ, කහ සහ උළුහාල් , කුරුඳු පොතු ආදියත් එකතු කරන්න.
අනතුරුව කපාගත් එළබටු ටික දිය බේරාගෙන මෙයට එකතු කරන්න. රස අනුව ලුණු ද දමා මඳක් තැම්බෙන්නට හරින්න.
ඉන්පසුව පොල්කිරි ටික ද එකතු කර හි‍ෙඳන්නට හැර ළිපෙන් බාගන්න.
Tharunie