අවශ්‍ය ද්‍රව්‍ය

කෙලවල්ලෝ මාළු ග්‍රෑම් 500ක්

රතුලූනු ග්‍රෑම් 100ක්

අමු මිරිස් ග්‍රෑම් 100ක්

අඹරාගත් අබ මේස හැඳි 2ක්

විනාකිරි මේස හැඳි 2ක්

සුවඳ කුඩු තේ හැඳි 1ක්

රස අනුව ලුණු

බැද ගැනීමට තෙල්

සාදන ක්‍රමය

සමාන ප්‍රමාණයට මාළු කැලි කපා හොඳින් සෝදා ගන්න. සෝදාගත් මාළු මැටි ඇතිළියකට දමා ලුණු සහ විනාකිරි මේස හැඳි දෙකක් දමා හොඳින් අතගා ගන්න. සීසන් කර ගැනීමට බොහෝ වෙලා තැබීම අවශ්‍ය වන්නේ නැත. විනාඩි කිහිපයක් තැබීම ප්‍රමාණවත්. සීසන් කරගත් මාළු ගැඹුරු තෙලේ බැදගන්න. මැටි ඇතිළියක් ගෙන අඹරාගත් අබ, විනාකිරි, කෑලි මිරිස්, ගම්මිරිස් කුඩු, සුවඳ කුඩු, සීනි, දෙකට පලාගත් අමුමිරිස් සහ ශුද්ධකරගත් රතුලූනු එකතු කර හොඳින් අනාගන්න. එයට මාළු එකතු කර හොඳින් කලවම් කරගන්න. මෙයට තමන්ගේ කැමැත්ත අනුව කැරට් හා අමු ගස්ලබු ද එකතු කරගත හැකියි.

(Tharunie)