පාටියක් කිව්වහම සැන්ඩ්විච් නම් නැතිවම බැහැ. බලන්න හරිම ලේසියෙන් පහසුවෙන් හදාගත්ත මිශ්‍රණයක් තමයි මේ සැන්ඩ්විච් සඳහා භාවිත කරලා තියෙන්නෙ.
අවශ්‍ය ද්‍රව්‍ය
* බිත්තර 4-5ක්
* බටර් ග්‍රෑම් 100ක්
* කුඩාවට කපාගත්ලොකු ලූනු ගෙඩි 1/2ක්
* චීස් ස්ප්‍රෙඩ් මේස හැන්දක්
* මයොනිස් මේස හැන්දක්
* පොඩියට කපා ගත් සැල්දරි කැබැල්ලක්
* ලුණු, ගම්මිරිස් රස අනුව
සාදාගන්නේ මෙහෙමයි
* බඳුනක් ගෙන එයට බටර්, ලුණු, ගම්මිරිස් , කුඩාවට කපාගත් ලූනු , මයොනිස්, චීස් ආදිය දමා මිශ්‍ර කරන්න.
* බිත්තර තම්බලා , කහමදය වෙනම ගෑරප්පුවකින් පොඩි කරගන්න .
* ඔබ මේ මිශ්‍රණය පොඩ්ඩක් සැරට හදාගන්නවා නම් අමු මිරිස් කරල් 2-3ක් හීනියට කපලා එකතු කරගත හැකියි.
* දැන් මෙයට බටර් මිශ්‍රණයත් එකතු කරන්න. කපා ගත් සැල්දරි කැබැල්ලත් එකතු කරන්න.
* බිත්තර සුදු මදය වෙනම පොඩි කෑලි සිටින සේ පොඩි කර එයත් එකතු කරන්න.
මේ සියල්ලම හොඳට කලවම් කරගන්න.
* ඊට පස්සේ පාන් පෙතිවල මේ මිශ්‍රණය හොඳින් තවරා ඔබ කැමැති හැඩතල අනුව කපාගන්න. අවශ්‍ය නම් කටර් එකකින් වුවද කපාගත හැකියි.
(Tharunie)