අවශ්‍ය දේවල්

කව්පි පිටි කෝප්ප බාගයක්

මුං ඇට පිටි කෝප්ප බාගයක්

ඉරිගු පිටි කෝප්ප බාගයක්

හාල් පිටි කෝප්ප බාගයක්

සිහින්ව ගා ගත් පොල් කෝප්ප 2ක්

ලුණු ටිකක්

කැරට් අලයක් (සිහින්ව ලියා ගත්)

ලීක්ස් ටිකක් (සිහින්ව ලියාගත්)

වතුර

සාදාගන්නා ආකාරය

මුලින්ම භාජනයකට පොල් ටික දමා වතුර ටිකක් එක කර හොඳින් පොල් ටික මිරිකා ගන්න. දැන් එයටම පිටි සියල්ලම එකතු කරන්න. රස අනුව ලුණු එකතු කරන්න. දැන් සියල්ලම හොඳින් කලවම් කරන්න. වතුර ටික ටික දමා කලවම් කරමින් පිටි ටික ටිකක් ගැට කරගන්න. දැන් එය කොටස් දෙකකට බෙදා ගන්න. එක කොටසකට සිහින්ව ලියා ගත් කැරට් සහ ලීක්ස් එකතු කර කලවම් කරගන්න. දැන් පිට්ටු බම්බුවකට දමා හොදින් පිට්ටුව තම්බා ගන්න.

(Tharunie)