අවශ්‍ය වන්නේ

කුරුම්බා ගෙඩියක ළොඳ

මිල්ක්මේඩ් පොඩි ටින් එකකින්

භාගයක් (මිලිලීටර් 200ක්)

විපිං ක්‍රීම් මිලිලීටර් 200ක්

රම්පේ යුෂ මේස හැඳී 3ක්

(කුඩා කැබැලි කපාගත් රම්පේ කෑලිවලට

වතුර මේස හැඳී 2ක් දමා බ්ලෙන්ඩ්කර

මිරිකා පෙනේරයකින් පෙරා යුෂ ගන්න)

හදන්නේ මෙහෙමයි

කුරුම්බා ළොඳ ටික භාජනයකට දමා ඒකට මිල්ක්මේඩ් එකතුකර හැන්දකින් හොඳීන් කලවම් කරන්න. ඒකටම රම්පේ යුෂ ටිකත් එකතුකර මිශ්‍ර කර පසෙකින් තබන්න. (මෙය ලස්සන හරිත වර්ණ මිශ්‍රණයක් තමයි තියෙන්න ඕනේ) දැන් වෙනත් භාජනයකට විපිං ක්‍රීම් ටික දමා ඉලෙක්ට්‍රික් බීටරයකින් ක්‍රීම් වනතුරු හයි ස්පීඩ් (වැඩි වේගයකින්) බීට කරන්න.

දැන් ක්‍රීම් එක කලින් සාදාගත් රම්පේ, කුරුම්බා මිශ්‍රණයට එකතුකර හොඳීන් කලවම් කර වහන්න පුළුවන් භාජනයකට දමා අධි ශීතකරණයේ පැය 5ක් පමණ සෙට් වෙන්න තියා රස විඳීන්න.

(Tharunie)