හිසකෙස් වැටීම යනු මිය ගිය හිසකෙස් සමෙන් හැලීමේ ක්‍රියාවලියයි. හිසකෙස් වැටීම විවිධ වයස් කාණ්ඩවල කාන්තාවන්ගේ මෙන්ම පිරිමින් වෙතිනුත් දැකිය හැකි තත්ත්වයකි.
ජීවිතයට තර්ජනයක් නොවන නමුත් හිසකෙස් නැති වීම ආතතියට පත්වන අවස්ථාවකි.
හිසකෙස් වැටීමට හේතුව කුමක්ද?
සාමාන්‍යයෙන් දිනකට හිසකෙස් 50ක් සහ 100ක් පමණ අහිමි වන අතර, ඒ ගැන කරදර විය යුතු නැත.
හිසකෙස් වැටීම කාන්තාවන් අතර බහුලව දක්නට ලැබෙන ගැටලුවකි. හිසකෙස් ගැලවී යාම ලොව පුරා සිටින කාන්තාවන්ගෙන් තුනෙන් එකකට පමණ බලපායි. ආර්තවහරණයේදී කාන්තාවන්ට තට්ටය පෑදීමට සහ හිසකෙස් වැටීමට ඇති ඉඩකඩ වැඩිය. සමහර කාන්තාවන්ට ඔවුන්ගේ යොවුන් වියේදී පවා හිසකෙස් වැටීම් සහ හිසකෙස් තුනී වීම අත්විඳීමට පටන් ගනී.
හිසකෙස් වැටීම යනු?
ඔබ වැඩිපුර හිසකෙස් වැටීම අත්විඳින විට හිසකෙස් නැති වීම සිදු වන අතර, හිසකෙස් වර්ධනයේ අවධිය මන්දගාමී වේ. හිසකෙස් සිහින් වීම, තට්ටය පෑදීම, ඔබේ හිසකෙස් පුළුල් ලෙස බෙදීම හිසකෙස් නැති වීමේ සලකුණු වේ. දිනකට හිසකෙස් 100 කට වඩා අහිමි වුවහොත්, එය බොහෝ විට හිසකෙස් ගැලවී යාමට ලක් වේ.
කෙස් ගසක අදියර තුනක් ඇත. පළමු අදියර වන්නේ ඇනගන්, ක්‍රියාකාරී හිසකෙස් වර්ධන අවධියයි. මෙම අදියර සාමාන්‍යයෙන් අවුරුදු දෙක-හය දක්වා පවතී. ඊට පසු, හිසකෙස් කැටජන් අවධියට ගමන් කරයි. එම කාලය තුළ හිසකෙස් වර්ධනය වීම නතර වේ. එය විවේක අවධියයි. අවසාන අදියර ටෙලොජන් වන අතර, එම කාලය තුළ කෙස් ගස පරිණත වී හිස්කබලෙන් වැටීමට පටන් ගනී. ඇනගන් අවධිය කෙටි වූ විට හිසකෙස් ගැලවී යාම සිදු වේ.
කෙසේ වෙතත්, හිසකෙස් නැති වීමට හේතු කිහිපයක් තිබිය හැකිය. ඒවායින් සමහරක් දිගුකාලීන රෝගාබාධ හෝ ශල්‍යකර්මයක අතුරු ආබාධ, ඖෂධවල අතුරු ආබාධ, හිසෙහි දිලීර ආසාදනය, ජානමය තත්ත්වය, ආතතිය සහ තදින් දමන කොණ්ඩා මෝස්තර ඇතුළත් වේ.
නිරෝගී හිසකෙස් සඳහා ආහාර වේලක්
පෝෂණ ඌනතාවයන් හිසකෙස් ව්‍යුහයට බලපෑ හැකි අතර හිසකෙස් වර්ධනයට බලපෑ හැකිය. හිසකෙස් ගැලවී යාමට ප්‍රධානතම හේතුව වන්නේ ශරීරයේ යකඩ ඌනතාවයයි. මේ නිසා ඔබට නිරෝගී කෙස් කලඹක් අවශ්‍ය නම් සහ හිසකෙස් ගැලවී යාම වළක්වා ගැනීමට අවශ්‍ය නම් විටමින් සහ ඛනිජ ලවණ බහුල ආහාර වේලක් ගැනීම වැදගත් වේ. ඔබට යකඩ, සින්ක්, ෆෝලේට්, බයෝටින්, විටමින් A, B, C, D සහ E, ඇමයිනෝ අම්ල සහ ප්‍රෝටීන්, ප්‍රතිඔක්සිකාරක සහ මේද අම්ලවලින් පොහොසත් ආහාර ද්‍රව්‍ය එකතු කළ හැකිය.
නිරෝගී හිසකෙස් සඳහා සුදුසු ආහාර වේලකට කොළ පැහැති කොළ එළවළු සහ පලතුරු, ඔමේගා-3 මේද අම්ල, රනිල කුලයට අයත් ෙභා්ග, සෝයා, බිත්තර, බෙරි වර්ග, නිවිති, අලිගැටපේර, බෙල් පෙපර්, ඇට වර්ග, වට්ටක්කා ඇට, ගිතෙල්, ගෝවා, බතල, මස්, ටෝෆු, මිදි, කැරට්, මුංඇට සහ ඕට්ස් ගැනීම වැදගත් වේවි.
හිසකෙස් වර්ධනය සඳහා නිවෙස් පිළියම්
ඔබේ හිසකෙස් වර්ධනය වීම නතර වී ඇති බව ඔබට හැඟේ නම්, ඔබට පහත නිවෙස් පිළියම් උත්සාහ කළ හැකිය:
මහදුරු බීජ
හිසකෙස් වර්ධනය වැඩි කිරීමට මහදුරු ඇට ආයුර්වේද ඖෂධයක් ලෙස භාවිත කරයි. ඒවා විටමින් C, යකඩ සහ ප්‍රෝටීන්වලින් පොහොසත් වන අතර, හිස්කබලේ සෞඛ්‍යය ප්‍රවර්ධනය කරන අතර කෙස් කළඹ උත්තේජනය කරයි. මහදුරු ඇටවල ප්‍රතිඔක්සිකාරක සහ ප්‍රති-ගිනි අවුලුවන ගුණ ඇති එය හිසකෙස් ආසාදනයට ප්‍රතිකාර කිරීමට උපකාර කරයි. ඔබට මහදුරු ඇට එක රැයකින් පොඟවා, සිනිඳු පේස්ට් එකක් සාදා පැය භාගයක් ඔබේ හිස්කබලේ ආලේප කළ හැකිය.
පොල් තෙල්
හිසකෙස් වර්ධනය සඳහා ඔබ උත්සාහ කළ යුතු තවත් පැරැණි නිවෙසේ කළ හැකි පිළියමක් වන්නේ සතියකට කිහිප වතාවක් උණුසුම් පොල්තෙල් සමඟ ඔබේ හිස්කබල සම්බාහනය කිරීමයි. පර්යේෂණයන්ට අනුව, පොල්තෙල් කෙස් කූපවලින් ප්‍රෝටීන් නැති වීම අඩු කරයි. පලුදු වූ හිසකෙස්වලට ප්‍රතිකාර කරයි.
හිසකෙස් සම්බාහනය
දිනපතා මිනිත්තු දහයක් ඔබේ හිස්කබල සම්බාහනය කිරීම හිසකෙස් වර්ධනයට ද තුඩු දෙන්නකි. හිස්කබල සම්බාහනය හිසකෙස් දෙසට රුධිර ප්‍රවාහය වැඩි කරයි. හිසකෙස්වල ඝනකම වැඩි දියුණු කරයි.
රෝස්මරී තෙල්
හිසකෙස් වැටීම අවම කිරීම සඳහා ඔබට රෝස්මරී තෙල් හිස්කබලේ ආලේප කළ හැකියි. මෙහි හිසකෙස් වර්ධනය කරන ගුණය ඇත. නැවුම් රෝස්මරී කොළ ඔලිව් තෙල්වල පොඟවා මාසයක් පමණ භාජනයක තබා ගැනීමෙන් නිවෙසේදී රෝස්මරී තෙල් සාදා ගත හැකියි.
කෝමාරිකා
කෝමාරිකා නිවෙසේ ඇති හිසකෙස් වැටීම සඳහා වන ඵලදායි විසඳුමකි. හිස්කබලේ දැවිල්ල නිසා හිසකෙස් ගැලවී යනවා නම් කෝමාරිකා සහ මී පැණි හෙයා මාස්ක් එකක් ලෙස ආලේප කරන්න. කෝමාරිකා යුෂ හිස්කබලේ ආලේප කොට නිතිපතා සම්බාහනය කිරීමෙන් හිසකෙස් ගැලවී යාම සැලකිය යුතු ලෙස අඩු කර ගත හැකියි.
කුරුඳු
කුරුඳු හිසකෙස් වැටීම සඳහා තවත් ඵලදායී පිළියමක් වේ. කුරුඳු යනු හිසකෙස් වයසට යාම මන්දගාමී කිරීමට සහ හිසකෙස් ගැලවී යාම පාලනය කළ හැකි ශාකසාර ඖෂධයකි. කුරුඳුවල ඇති ප්‍රධාන සංයෝගය වන Cinnamaldehyde මඟින් හිසකෙස් වැටීම ඵලදායි ලෙස පාලනය කරයි.
Tharunie