Monday, May 23, 2022
Follow Us
අලුත් අවුරුද්දේ වාසනාව උදාකරන ව ර් ණ

ලෝකය අලංකාරවත් වී පෙනෙන්නේ වර්ණ නිසාය. මොහොතකට හිතන්න. මේ හැම දේම එකම පාටකින් තිබුණා නම් තත්ත්වය කෙසේ විය හැකිද? එය නීරස, ඒකාකාරී එකක් ම වනු ඇත. ඒ නිසාම වර්ණ අපේ ජීවිත ද වර්ණවත් කරයි.

වර්ණවල බලය ගැන ඔබ විශ්වාස කරනවා ද? විවිධ පුද්ගලයන් වර්ණයන් වෙනස් ආකාරයකින් දකී. සමහරුන් විශ්වාස කරන්නේ නිවැරැදි වර්ණ වාසනාව ගෙන දිය හැකි බවයි. මෙය විශ්වාස කරන අයට බොහෝ විට තමන් අඳින සහ තමන් වටා ඇති වර්ණවලින් වාසනාව ආකර්ෂණය කර ගත හැකියි. නැතහොත් එය පලවා හැරිය හැකියි.

මේ අලුත් අවුරුද්දේ ඔබ වර්ණ තෝරා ගැනීම ඉතා ප්‍රවේශමෙන් කළ යුතු බව පැවසෙන්නේ එබැවිනි. ඔබට ඔබේ ජීවිතයට යම් වාසනාවක් ගෙන ඒමට අවශ්‍ය නම් අලුත් අවුරුද්දේ ඔබේ ඇඳුම් ආයිත්තම් කට්ටලය එකලස් කිරීමේ දී මෙම වාසනාවන්ත වර්ණ කිහිපයක් තෝරාගෙන නව වසරේ වාසනාව උදාකර ගන්න.

 

නිල්

නිල් යනු සාමාන්‍යයෙන් ප්‍රීතිමත් වර්ණයකි. එය සාගරය සහ අහස වැනි විවෘත අවකාශයන් නියෝජනය කරයි. ඔබ ආශ්වාදයක්, පරිකල්පනය, ප්‍රඥාව, සන්සුන් භාවය, යහපත් සෞඛ්‍යය හෝ අනාගතය ගැන ශුභවාදී නම්, නිල් පැහැති වර්ණ අඳින්න. නිල් පැහැය සමතුලිතතාවයට සහ ස්වයං ප්‍රකාශනයට ද උපකාරී වේ.

 

රිදී

රිදී පැහැය ධනය, තාක්ෂණය, අධි තාක්‍ෂණය සහ බුද්ධිය සමඟ සම්බන්ධ වන බව කියනු ලැබේ. එය බලාපොරොත්තුව, කොන්දේසි විරහිත ආදරය සහ භාවනාව නියෝජනය කරයි. රිදී ආභරණ පැලඳීමෙන් ඍණ ශක්තිය ශරීරයෙන් පිටතට ඇද ගන්නා අතර ධනාත්මක ශක්තියෙන් එය ප්‍රතිස්ථාපනය කරනු ඇතැයි විශ්වාස කෙරේ. රිදී ඇඳුම් ඇඳීමෙන් ඔබේ ශක්තිය පිළිබිඹු කරයි. ඔබේ ජීවිතයට නව මාවත් විවෘත කර අනාගතය ආලෝකවත් කරයි.

 

කොළ

කොළ පැහැය සොබාදහම, ජීවය සහ අලුත් කිරීම සමඟ සම්බන්ධ වේ. මෙම වර්ණය සුවය, සෞඛ්‍යය සහ වර්ධනය යන ක්ෂේත්‍ර සම්බන්ධයෙන් වාසනාව ගෙන එනු ඇතැයි සැලකේ. මුදලේ වර්ණය වීම, එය සම්ප්‍රදායිකව ඔබේ මුදල් ඉහළ නැංවීමට සම්බන්ධ වේ. කොළ යනු කාංසාව, මානසික අවපීඩනය සහ ස්නායුගත පීඩනය සමනය කිරීමට උපකාරී වන වර්ණයකි. මෙය අයර්ලන්තයේ ජාතික වර්ණයයි.

තැඹිලි

මෙම වර්ණය සජීවී බව, උණුසුම, උත්තේජනය, අභිප්‍රේරණය, ත්‍රාසජනකබව සහ සතුට යන හැඟීම් දක්වයි. එය පලඳින්නාට වැඩි විශ්වාසයකින් තීරණ ගැනීමේ හැකියාවක් ඇත. බලාපොරොත්තු සුන්වීම් හෝ රිදුණු, බිඳුණු හදවතක් යථා තත්ත්වයට පත් කිරීමට ද උපකාරී වේ.

 

රෝස

සියුම් වර්ණයකි. රෝස මිත්‍රත්වය, ප්‍රවේශය සහ අභ්‍යන්තර සාමය නියෝජනය කරයි. ළෙන්ගතුකම, සෙනෙහස සහ ආදරය දිරිමත් කිරීම සඳහා රෝස පැහැයේ ඇඳුම් අඳින්න.

 

දම්

මෙය එක් රාජකීය වර්ණයකි. මුල් කාලයේ සිටම රාජකීයයන් අතර දම් පාට තේරීමේ වර්ණය විය. එය මැජික්, අභිරහස් සහ ආත්මිකත්වය සංකේතවත් කරයි. එම වර්ණය පැලඳීමෙන් ප්‍රඥාව, ආශාව, සාමය, ස්වාධීනත්වය සහ නිර්මාණශීලිත්වය යන ක්ෂේත්‍රවල වාසනාව ගෙන දිය හැකියි. දම් පාට ඇඳීම පරිකල්පනය දිරිගැන්වීම සහ අධ්‍යාත්මික හැඟීම් ඇති කළ හැකියි. වෘත්තීය සාර්ථකත්වය අපේක්ෂා කරන අය සඳහා එය විශිෂ්ට තේරීමකි.

 

රතු

ගින්නෙහි වර්ණයයි. රතු තාපය, ආදරය, ආශාව, ධෛර්යය, කැමැත්ත, කෝපය සහ ආතතිය සමඟ සම්බන්ධ වේ. ආදරය සහ ආශාව සොයන අයට මෙම වර්ණය විශිෂ්ට තේරීමකි. රැකියා හා සම්බන්ධ ක්ෂේත්‍රවල සහ බලතල අපේක්ෂාවෙන් සිටින අයට ද වාසනාව ගෙන දිය හැකියි.

 

සුදු

සුදු පැහැය සරල බව, නැවුම් බව, අධ්‍යාත්මිකත්වය, ආරක්ෂාව, නව ආරම්භයක් නියෝජනය කරයි. සුදු ඇඳීම අලුත් කිරීමේ හැඟීම් ප්‍රවර්ධනය කිරීමටත්, සිතුවිලි සහ ක්‍රියාවන් පවිත්‍ර කිරීම දිරිමත් කිරීමටත්, ඔබව වළක්වන ඍණාත්මක සිතුවිලි සහ බාධා ඉවත් කිරීමටත් උපකාරී වේ. බ්‍රසීලය වැනි සමහර රටවල ජනතාව විශ්වාස කරන්නේ සුදු ඇඳීමෙන් අලුත් අවුරුද්ද පුරාම වාසනාව සහ සාමය උදා වන බවයි.

 

කහ

කහ හිරු එළියයි. සතුට, උණුසුම සහ ප්‍රීතිමත් බව සමඟ සම්බන්ධ වේ. මෙම විචිත්‍රවත් වර්ණය පැලඳීමෙන් මූල්‍ය ගැටලු සමඟ කටයුතු කරන අයට වාසනාව ගෙන දිය හැකියි. එය පැලඳ සිටින අයගේ මනෝභාවය ඉහළ නැංවන අතර ඔවුන්ට හිසේ පීඩනය සමනයකර ප්‍රීතිමත් මනෝභාවයක් ලබා දෙයි.

 

 

 

රන්වන්

රන්වන් පැහැය ධනයට සමාන ය. නමුත් එය සැමවිටම මූල්‍යමය ලෙස නොසිතන්න. ඔබට අත්දැකීම් සම්භාරයක්, දැනුම සම්භාරයක් හෝ මිතුරන්ගෙන් සහ පවුලේ අයගෙන් ආදරය සහ සහයෝගය ලබා ගත හැකියි. රන් පැහැති මැණික් පෞද්ගලික ප්‍රඥාව සහ බලය වැඩි කරන බව විශ්වාස කෙරේ, සාර්ථකත්වය සහ සමෘද්ධිය නිර්මාණය කරයි. ඔබේ ඉලක්කය කරා යන මාර්ගය ආලෝකවත් කරයි.

(Tharunie)