State
මිල සූත්රයක් ක්රියාත්මක වුවද ඉන්ධන මිලදී ගැනීමට ලංකා ඛණිජ තෙල් සංස්ථාව සතුව මුදල් නොමැති බව මහ බැංකු අධිපති ආචාර්ය නන්දලාල් වීරසිංහ පවසනවා. අද පැවති මාධ්ය හමුවකට එක්වෙමින් මහ බැංකු අධිපතිවරයා ප්රකාශ කළේ ඩොලර් මිලදී ගැනීමට අවශ්ය රුපියල් එම සංස්ථාව සතුව නොමැති බවයි.
මේ වනවිට ලීටරයකින් රුපියල් 400 ක වැඩි පාඩුවක් විඳිමින් අලෙවි කරන භූමිතෙල්වල මිලද ඉහළ දැමීමට සිදුවන බව අග්රාමාත්ය රනිල් වික්රමසිංහ මහතා පවසනවා. අගමැතිවරයා අද පාර්ලිමේන්තුවේදී මේ බව සඳහන් කළේ විපක්ෂය නැගූ ප්රශ්නයකට පිළිතරු ලබා දෙමිනි.
සංචාරක ව්යාපාරයේ නිරතවන්නන්ට ඉන්ධන ලබාදීම සඳහා විශේෂ වැඩපිළිවෙලක් සකස් කර ඇති බව සංචාරක හා ඉඩම් අමාත්ය හරීන් ප්රනාන්දු මහතා පවසයි.
වයඹ පළාතේ ආදායම් බලපත්ර නිකුත් කිරීම නැවත දැනුම්දෙන තුරු සඳුදා, බදාදා සහ බ්රහස්පතින්දා යන දිනවල පමණක් ක්රියාත්මක කිරීමට තීරණය කර තිබෙනවා. ඒ, පවතින ඉන්ධන අර්බුදය සැලකිල්ලට ගෙනයි.
පාසැල් විෂය නිර්දේශ නියමිත වසර තුළ ක්රියාත්මක කළ හැකිදැයි මේ වන විට අධ්යනය කරමින් සිටන බව අධ්යාපන ලේකම් නිහාල් රණසිංහ පවසනවා. ඊයේ රාත්රියේ ප්රචාරය වූ නෙත් එෆ් එම් අන්ලිමිටඩ් වැඩසටහනට එක්වෙමින් ඔහු සඳහන් කළේ එලෙස පාසැල් විෂය නිර්දේශ නියමිත වසර තුළ ක්රියාත්මක කිරීමට නොහැකි නම් ඒ වෙනුවෙන් ඉදිරියේදී නව වැඩපිළිවෙලක් ක්රියාවට නංවන බවයි.
Page 160 of 638