හිටපු ජනාධිපති ගෝඨාභය රාජපක්ෂ මහතාට යළි ශ්‍රී ලංකාවට පැමිණීමට මෙය සුදුසු කාලය නොවන බව ජනාධිපති රනිල් වික්‍රමසිංහ පවසයි.
ඇමරිකාවේ වෝල් ස්ට්‍රීට් ජර්නල් පුවත්පත සමඟ සම්මුඛ සාකච්ඡාවකට එක්වෙමිනුයි ජනාධිපතිවරයා මේ බව සඳහන් කරන්නේ.
මෙම අවස්ථාවේදී ඔහු යළි දිවයිනට පැමිණීම, ආර්ථික අ‍ර්බුදය හේතු කරගනිමින් තමන් නෙරපා හැරීමට පෙළ ගැසී සිටින විරෝධතාකරුවන් අතර යළි නැගිටීමක් සිදුවිය හැකි බවයි වික්‍රමසිංහ මහතා පවසන්නේ.
මේ වන විට ශ්‍රී ලංකාවේ ආර්ථිකය පත්ලට වැටී ඇති අතර උමගේ ඈත කෙළවරක ආලෝකයක් තමන්ට පෙනෙන බැවින් ඉතා ඉක්මණින් එයට ළඟා විය යුතු බව ජනාධිපතිවරයා පවසයි.
එමෙන්ම ජාත්‍යන්තර මූල්‍ය අරමුදලේ කාර්ය මණ්ඩල මට්ටමේ එකඟතාව අගෝස්තු අග වන විට එළැඹීමට හැකි වනු ඇතැයි තමන් අපේක්ෂා කරන බවද වික්‍රමසිංහ මහතා පවසයි.
මේ මොහොතේ ශ්‍රී ලංකාව මුහුණදුන් දරුණුතම ආර්ථික අර්බුදයේ උච්චතම අවස්ථාව පසුකරමින් සිටින බවයි හෙතෙම වැඩිදුරටත් සඳහන් කරන්නේ.
LNW