Monday, August 17, 2026
Follow Us
State
නාගරික ජනාවාස සංවර්ධන අධිකාරිය විසින් නාගරික අඩු පහසුකම් ජනාවාසයන්හි ජීවත් වන ප්රජාව සඳහා ක්රියාත්මක කරන ලද අඟුලාන සයුරුපුර, බොරැල්ල සහස්පුර හා සිංහපුර අදියර I සහ සිංහපුර අදියර II යන නිවාස සංකීර්ණවල නිවාසලාභීන්ගේ ජීවන තත්ත්වය උසස් කිරීම, ආරක්ෂාව සහතික කිරීම හා ගොඩනැගිලිවල කල් පැවැත්ම වැඩි කර ගැනීම සඳහා අත්යවශ්යයෙන් සිදු කළ යුතු අලුත්වැඩියාවන් කඩිනමින් සිදු කළ යුතු බවට හඳුනා ගනු ලැබ ඇත.
2026 වර්ෂය සඳහා රජයේ පාසල් හා රජයේ අනුමත පෞද්ගලික පාසල්වල දෙවන පාසල් වාරය අවසන් කිරීම හා තෙවන පාසල් වාරය ආරම්භ කිරීම සම්බන්ධයෙන් අධ්යාපන අමාත්යාංශය නිවේදනයක් නිකුත් කරමින් සඳහන් කරයි.
දක්ෂිණ අධිවේගී මාර්ගය හා සම්බන්ධ වන පද්ධති අන්තර් හුවමාරුව ඇතුළත් කර රුවන්පුර අධිවේගී මාර්ග ව්යාපෘතියෙහි අදියර - 1 ක්රියාත්මක කිරීමට සුදුසු කොත්ත්රාත්කරුවෙකු තෝරා ගැනීමට අමාත්ය මණ්ඩලයේ අනුමැතිය ලැබී තිබේ.
මෙරට A සහ B ශ්රේණිවල මාර්ග, අධිවේගී මාර්ග සහ ඒවාට අදාළ පාලම් ඇතුළත් ජාතික මහා මාර්ග පද්ධතිය ඉදි කිරීම, ප්රතිසංස්කරණය කිරීම, වැඩි දියුණු කිරීම, නඩත්තු කිරීම සහ කළමනාකරණය කිරීම යන කාර්යයන් සිදු කිරීමේ වගකීම මාර්ග සංවර්ධන අධිකාරිය වෙත පැවරී ඇත.
ජනාධිපති අනුර කුමාර දිසානායක මහතා විසින් රාජ්ය සේවා කොමිෂන් සභාවේ නව සභාපති සහ සාමාජිකයකු ලෙස එස්. ඒ. නිමල් සරණතිස්ස මහතා පත් කරනු ලැබ තිබේ.
ජනාධිපතිවරයාගේ නිල කටයුතු හා පෞද්ගලික විවේක අවස්ථාවන්හිදී ප්රයෝජනයට ගැනීමේ අරමුණින් ශ්රී ලංකාවේ විවිධ ප්රදේශවල ජනාධිපති මන්දිර කිහිපයක් පවත්වා ගෙන යනු ලැබුව ද එම මන්දිර වර්තමාන ජනාධිපතිවරයාගේ කටයුතු සඳහා භාවිත කරනු නොලබයි.
2026 වර්ෂයේ දී රජයේ ආයෝජන වැඩසටහන යටතේ ශ්රී ලංකා ගමනාගමන මණ්ඩලය වෙත ආසන 49-54 කින් සමන්විත Standard මාදිලියේ නව බස් රථ 600ක් මිල දී ගැනීමේ ව්යාපෘතිය වෙනුවෙන් රුපියල් මිලියන 14,400ක අයවැය ප්රතිපාදන වෙන් කරනු ලැබ ඇත.
අතිවිශේෂ ගැසට් නිවේදනයක් මඟින් ගාල්ල, මහමෝදර ප්රදේශයේ නව බන්ධනාගාරයක් පිහිටුවීමට අධිකරණ හා ජාතික ඒකාබද්ධතා අමාත්ය හර්ෂණ නානායක්කාර මහතා විසින් නිකුත් කරමින් නියම කර තිබේ.
මෙම වසරේ ඩෙංගු රෝගීන්ගේ වාර්තා වීම ඊයේ යන විට 81511දක්වා ඉහළ ගොස් තිබෙන බවත් මේ වනවිට ජුලි මාසයේ වැඩිම ඩෙංගු රෝගින් වාර්තා වී ඇති බවත් සෞඛ්ය වාර්තා පේනවා දෙයි.
ශ්රී ලංකා මානව හිමිකම් කොමිෂන් සභාවේ සාමාජික ධුරයේ පුරප්පාඩු පිරවීමට නිර්දේශ කිරීම සඳහා ආණ්ඩුක්රම ව්යවස්ථා සභාව විසින් සුදුසුකම් ලත් තැනැත්තන්ගෙන් අයැදුම්පත් කැඳවීම ආරම්භ කර ඇත.
බස් රථ ක්ෂේත්ර පොකුරුකරණ (Bus Sector Clustering) නියමු වැඩසටහනක් ආරම්භ කිරීමට අමාත්ය මණ්ඩලයේ අනුමැතිය ලැබී තිබේ.
5 ශ්රේණිය ශිෂ්යත්ව විභාගය අගෝස්තු මස 9 වැනි ඉරිදා පැවැත්වීමට නියමිත අතර මධ්යස්ථාන 2723 කදී මෙම විභාගය පැවැත්වීමට කටයුතු සංවිධානය කර තිබේ.
විද්යා හා තාක්ෂණ අමාත්යාංශය, කාර්මික තාක්ෂණ ආයතනය සහ රුහුණ විශ්වවිද්යාලය අතර ඒකාබද්ධ ව්යාපෘතියක් ලෙස රුහුණ විශ්වවිද්යාලයේ මාපලාන කෘෂිවිද්යා පීඨ ඉඩම් පරිශ්රයෙහි යෝජිත මධ්යගත ජෛව ස්කන්ධ අපද්රව්ය ශූන්ය කුරුඳු සැකසුම් මධ්යස්ථානය ස්ථාපිත කිරීම පිණිස විද්යා හා තාක්ෂණ අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබේ.
නීති විරෝධී, වාර්තා නොකළ සහ නියාමනය නොකළ මසුන් ඇල්ලීම සහ ධීවර යාත්රා යොදා ගෙන කරනු ලබන මත්ද්රව්ය ජාවාරම, මිනිස් ජාවාරම් සහ නීති විරෝධී භාණ්ඩ ප්රවාහනය ඇතුළු අනෙකුත් නීති විරෝධී කටයුතු මැඩ පැවැත්වීම, ශ්රී ලංකාවේ මෙන්ම ලොව පුරා ධීවර කර්මාන්තයේ යෙදෙන රටවල් මුහුණ දෙන බරපතල ගැටලුවකි.
කම්කරු දෙපාර්තමේන්තුවේ පරිගණක පද්ධතියේ අත්යවශ්ය නඩත්තු කටයුත්තක් එළැඹෙන 30 සහ 31 යන දෙදින සිදු කිරීමට නියමිත බව කම්කරු දෙපාර්තමේන්තුව නිවේදනය කරයි.
2027 මාර්තු 17 සහ 18 යන දෙදින තුළ හතර වන බිම්ස්ටෙක් කෘෂිකර්ම අමාත්යවරුන්ගේ රැස්වීම සහ ජ්යෙෂ්ඨ නිලධාරීන්ගේ රැස්වීම මෙරට දී පැවැත්වීම සඳහා සත්කාරකත්වය දැරීම පිණිස කෘෂිකර්ම, පශු සම්පත්, ඉඩම් සහ වාරිමාර්ග අමාත්යවරයා ඉදිරිපත් කළ යෝජනාව අමාත්ය මණ්ඩලය අනුමැතිය ලැබී ඇත.
බහු ආංශික තාක්ෂණික සහ ආර්ථික සහයෝගිතාව සඳහා වූ බෙංගාල බොක්ක මුල පිරීම (BIMSTEC) යනු බංග්ලාදේශය, භූතානය, ඉන්දියාව, මියන්මාරය, නේපාලය, ශ්රී ලංකාව සහ තායිලන්තය යන දකුණු ආසියාතික සහ නැගෙනහිර ආසියාතික රටවල් 07 කින් සැදුම්ලත් කලාපීය සංවිධානයකි.
බෙංගාල බොක්ක ආශ්රිත රටවල් අතර ආර්ථික සහයෝගිතාව ප්රවර්ධනය කිරීම එම සංවිධානයේ ප්රමුඛ අරමුණ වේ. කෘෂි කර්මාන්තය බිම්ස්ටෙක් සාමාජික රටවල්වල රැකියා සඳහා මූලික මූලාශ්රයක් වීම සහ තිරසර සංවර්ධනය හා කලාපීය ආහාර සුරක්ෂිතතාව සඳහා කෘෂි කර්මාන්තය හා ඒ ආශ්රිත අංශ වල වැදගත්කම සැලකිල්ලට ගෙන බිම්ස්ටෙක් සහයෝගිතාවයේ එක් අංශයක් ලෙස කෘෂිකර්මාන්තය එක් කරනු ලැබ තිබේ.
ඒ යටතේ බිම්ස්ටෙක් කෘෂිකර්ම අමාත්යවරුන්ගේ රැස්වීම සහ ජ්යෙෂ්ඨ නිලධාරීන්ගේ රැස්වීම වසර 02 කට වරක් පවත්වනු ලබන අතර, එහි හතරවන රැස්වීම ශ්රී ලංකාවේ දී පැවැත්වීමට යෝජනා වී ඇත. ඒ අනුව,
මහනුවර නාගරික අපජල කළමනාකරණ ව්යාපෘතිය, ජපාන ජාත්යන්තර සහයෝගිතා නියෝජිතායතන සමඟ අත්සන් කරන ලද ණය ගිවිසුමක් යටතේ 2010 වර්ෂයේ සිට පැකේජ 04කින් යුතුව ක්රියාත්මක කර තිබේ.
එම ව්යාපෘතියේ ව්යාපෘති කාල සීමාව 2025-01-01 දින සිට 2027-08-31 දින දක්වා දීර්ඝ කිරීම පිණිස 2026-01-12 දින පැවති අමාත්ය මණ්ඩල රැස්වීමේදී අනුමැතිය ලබා දී ඇත.
එම ව්යාපෘතියේ විෂය පථයට පේරාදෙණිය විශ්ව විද්යාල පරිශ්රය ද ඇතුළත් කරන ලෙස එහි උපකුලපති විසින් ඉදිරිපත් කරන ලද ඉල්ලීමක් පරිදි සිදු කරන ලද ශක්යතා අධ්යයනයක ප්රතිඵල අනුව එම විශ්වවිද්යාලය ද ව්යාපෘතියේ විෂය පථයට ඇතුළත් කර ගැනීමට හැකියාව පවතින බව හඳුනා ගනු ලැබ තිබේ.
ඒ අනුව, මහනුවර නාගරික අපජල කළමනාකරණ ව්යාපෘතියේ විෂය පථය යටතට පේරාදෙණිය විශ්වවිද්යාලය ඇතුළත් කර ගැනීමටත්, ඒ සඳහා ඇස්තමේන්තුගත පිරිවැය වන රුපියල් මිලියන 2,000 අතරින් රුපියල් මිලියන 800ක් ජපාන ජාත්යන්තර සහයෝගිතා නියෝජිතායතනයේ ණය මුදලින් සහ ඉතිරි රුපියල් මිලියන 1,200 ක මුදල දේශීය අරමුදල් වලින් සලසා ගැනීමටත්, ව්යාපෘතියේ කාල සීමාව 2027-12-31 දින දක්වා තවදුරටත් දීර්ඝ කිරීමටත් නිවාස, ඉදිකිරීම් සහ ජල සම්පාදන අමාත්යතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී.
Page 2 of 646