Political News
සර්ව පාක්ෂික ආණ්ඩුවක් පිහිටුවීම සඳහා පාඨලී චම්පික රණවක මහතාගේ නායකත්වයෙන් යුත් 43 වැනි සේනාංකය ඉදිරිපත් කළ යෝජනා සම්බන්ධයෙන් ජනාධිපති රනිල් වික්රමසිංහ මහතාගෙන් සුබවාදී ප්රතිචාර හිමිව ඇති බව වාර්තා වේ.
සිය කණ්ඩායම සහයෝගය ලබා දෙන්නේ සර්ව පාක්ෂික ආණ්ඩුවකට නොව සර්ව පාක්ෂික ජාතික වැඩපිළිවෙලකට බව සමඟි ජන බලවේගය පවසනවා.
රාජපක්ෂවරුන්ගේ දේශපාලන අනාගතය පිළිබඳ තීරණය කිරීමට කැරැල්ලකට නොහැකි බවත් තමන් නම් එවැන්නකට කිසිසේත්ම ඉඩ නොතබන බවත් පාර්ලිමේන්තු මන්ත්රී නාමල් රාජපක්ෂ මහතා අවධාරණය කරයි.
හිටපු ජනාධිපති ගෝඨාභය රාජපක්ෂ මහතා ලබන බ්රහස්පතින්දා නැවත මෙරටට පැමිණීමට නියමිතව ඇති බව වාර්තා වනවා.
තමන් ඇතුළු ඩලස් අලහප්පෙරුම මහතාගේ මන්ත්රී කණ්ඩායම සර්ව පාක්ෂික රජයේ කිසිදු අමාත්ය ධුරයක් භාර නොගන්නා බව මහාචාර්ය ජී. එල්. පීරිස් මහතා පවසයි.
සර්ව පාක්ෂික වැඩපිළිවෙලක් වෙනුවෙන් ජනධිපතිවරයා කර තිබෙන ආරාධනය අනුව එම සාකච්ජාවට තමන්ද යන අතර පිළිගත හැකි වැඩපිළිවෙලක් ක්රියාත්මක කිරීම සඳහා තම ස්ථාවරය දැඩිව ප්රකාශ කරන බව සමඟි ජන බලවේගයේ පාර්ලිමේන්තු මන්ත්රී ෆීල්ඩ් මාෂල් සරත් ෆොන්සේකා මහතා පැවසුවේය.
මැයි 09 වෙනිදා හදිසි නීතිය යොදාගැනීමට එරෙහි වූ රනිල් වික්රමසිංහ මහතා,ඔහු ජනාධිපති වීමෙන් අනතුරුව පැය 24ක් යාමට පෙර හදිසි නීතිය යොදාගෙන අරගලය මර්දනය කිරීමට උත්සහ ගැනීම තුළ කුමන්ත්රණයක් පවතින බවට සැකයක් මතුවන බව පාර්ලිමේන්තු මන්ත්රී ඩිලාන් පෙරේරා මහතා පැවසුවේය.
සියලු දෙනාගේ පොදු අරමුණ වන්නේ රට ගොඩනැගීම බවත් ඒ වෙනුවෙන් පෞද්ගලික ලාභ අපේක්ෂාවන් පසෙක තබා එකට එක්විය යුතු බවත්, එය හුදු තනතුරු හුවමාරුවක් නොව කමිටු ක්රමය හරහා සක්රීයව රට ගොඩනැගීම උදෙසා දායක වන්නක් විය යුතු බව විපක්ෂනායක සජිත් ප්රේමදාස මහතා පවසයි.
රටේ ආර්ථිකය ගොඩනැගීම සඳහා අවශ්ය මූලික පියවර ගැනීමට ජනාධිපති රනිල් වික්රමසිංහ මහතාට මාස දෙකක කාලයක් ලබාදිය යුතු බව පාර්ලිමේන්තු මන්ත්රී අතුරලියේ රතන හිමි පවසයි.
පාර්ලිමේන්තු මන්ත්රීවරයකු වශයෙන් කටයුතු කරමින් අයථා ලෙස උපයාගත් රුපියල් මිලියන 15 ක මුදලක් ව්යාපාරයක ආයෝජනය කිරීම සම්බන්ධයෙන් හිටපු අමාත්ය නාමල් රාජපක්ෂ ඇතුළු විත්තිකරුවන් හතර දෙනෙකුට එරෙහිව ගොනුකර තිබෙන පැමිණිල්ල දෙසැම්බර් මස 8 වන දා යළි කැඳවන ලෙස කොළඹ මහේස්ත්රාත් අධිකරණය නියම කළා.
මැයි 09 වැනිදා ඇතිවූ කළහකාරී සිදුවීම් අතරතුර ගිනිතබා විනාශ කළ, දේශපාලනඥයන්ගේ සහ ව්යාපාරිකයන්ගේ නිවාස ප්රජාතන්ත්රවාදයේ නාමයෙන් යළිත් ඉදිකර දියයුතු බව එක්සත් ජාතික පක්ෂ සභාපති, පාර්ලිමේන්තු මන්ත්රී වජිර අබේවර්ධන මහතා පවසනවා.
හිටපු ජනාධිපති ගෝඨාභය රාජපක්ෂ මහතාට රටේ ප්රශ්නවලට මුහුණ දීමට බැරිකමක් තිබුණු බව ශ්රී ලංකා පොදුජන පෙරමුණේ පාර්ලිමේන්තු මන්ත්රී රෝහිත අබේගුණවර්ධන මහතා පවසයි.
Page 132 of 554