State
පාර්සල් භාර නොගැනීමෙන් සහ ප්රවේශපත්ර නිකුත් නොකිරීමෙන් ඊයේ දිනයේදී පමණක් දුම්රිය දෙපාර්තමේන්තුවට රුපියල් මිලියන 5 ක ආදායම් අහිමි වූ බව එම දෙපාර්තමේන්තුව පවසනවා.
මත්ද්රව්ය සම්බන්ධ චෝදනාවලදී ඊට අදාළ වාර්තා රජයේ රස පරීක්ෂක දෙපාර්තමේන්තුවෙන් ලබාගැනීමේ කාලය සති දෙකක් දක්වා අඩු කිරීමට බලාපොරොත්තු වන බව අධිකරණ අමාත්ය ජනාධිපති නීතිඥ අලි සබ්රි පවසනවා.
මෙරට ආහාර සංචිත සම්බන්ධයෙන් මේ වනවිට පුරෝකථන සිදුකරමින් ඇතැයි කෘෂිකර්ම අධ්යක්ෂ ජනරාල් ආචාර්ය අජන්ත ද සිල්වා පවසනවා. නෙත් නිවුස් සමග සංවාදයකට එක්වෙමින් ඔහු කියාසිටියේ වී වගාව සම්බන්ධයෙන් කිසිදු ගැටළුවක් ඇති නොවන බවයි.
කොරෝනා මර්දන එන්නත ලබාගත් මෙරට පුද්ගලයින්ගේ දත්ත සමාලෝචනය කිරීමෙන් පසු අවශ්යවුවහොත් සිව්වන මාත්රාවක් ලබාදීමට කටයුතු කරන බව සෞඛ්ය අමාත්යංශය පවසනවා. නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් නෙත් නිවුස් වෙත පැවසුවේ ලැබෙන දත්ත අනුව ඉදිරි පියවර ගන්නා බවයි.
ජේසුස් ක්රිස්තුස් සමිඳානන්ගේ උපත සිදුවූ අසිරිමත් නත්තල ශ්රී ලාංකික සහ ලෝකවාසී කිතුනු ජනතාවට පමණක් නොව සමස්ථ මනුෂ්ය වර්ගයාටම ප්රේමය සහ සාමය ගෙන දෙමින් සැම දෙනා ප්රීතියට පත් කරන උතුම් මංගල්යයක් බව ජනාධිපති ගෝඨාභය රාජපක්ෂ මහතා පවසනවා.
රියදුරු පුහුණුව සමත් වූ දිනයේම බලපත්රය ලබාදීමේ ක්රියාවලිය අත්හිටුවීමට මෝටර් රථ ප්රවාහන දෙපාර්තමේන්තුව පියවර ගෙන තිබේ.
අවම බස් ගාස්තුව රුපියල් 16 ක් දක්වා ඉහළ නැංවීමට ප්රවාහන අමාත්යංශය තීරණය කර ඇතැයි වාර්තා වනවා. ඒ අනුව අවම බස් ගාස්තුව රුපියල් 02 කින් ඉහළ නැංවීමට තීරණය කර ඇති බවයි ප්රවාහන අමාත්යංශයේ උසස් නිලධාරියෙකු නෙත් නිවුස් වෙත සඳහන් කළේ. මේවනවිට අවම බස් ගාස්තුව වන්නේ රුපියල් 14 ක්. ඉන්ධන මිල ඉහළ නැංවීම හේතුවෙන් බස් ගාස්තු සංශෝධනයක් සිදුකරන බවත්, එම ගාස්තු පිළිබඳ අනිද්දා ප්රකාශයට පත් කරන බවත් ප්රවාහන රාජ්ය අමාත්ය දිලුම් අමුණුගම ඊයේ ප්රකාශ කර තිබුණා.
කොළඹ වරාය ආසන්නයේ මුහුදුබත් වූ එක්ස්ප්රස් පර්ල් නෞකාව එම ස්ථානයෙන් ඉවත් කිරීම සදහා විධිමත් සමීක්ෂණයක් මේ වනවිට ආරම්භ කර තිබෙනවා.
රජයෙන් ලබාදෙන දියර පොහොර ගඳයැයි පවසමින් ඒවා විසි කරන ගොවීන්ට දඬුවම් ලබාදිය යුතු බව රාජ්ය අමාත්ය නාලක ගොඩහේවා මහතා අවධාරණය කරයි.
Page 245 of 642