State
ගෘහස්ථ ගෑස් ලබාගැනීම සඳහා විදුලි බිල්පත ඉදිරිපත් කිරීම අනිවාර්යය කිරීමේ ක්‍රමවේදයක් ගෙන ඒම සඳහා මේවනවිට කටයුතු සූදානම් කරමින් ඇතැයි ලිට්‍රෝ සමාගම පවසනවා.
පෙට්‍රල් රැගත් නෞකාවක් ලබන 08 වනදාත් 10 වනදාත් අතර මෙරටට ලගාවනු ඇතැයි අමාත්‍ය ප්‍රසන්න රණතුංග පවසනවා. ඒ අනුව රට තුළ පවතින පෙට්‍රල් හිගය යම්තාක් දුරකට සමනය වනු ඇති බවට විශ්වාස කරන බවයි අමාත්‍යවරයා නෙත් නිවුස් වෙත සඳහන් කළේ.
ලබන සඳුදා සිට විදෙස් ගමන් බලපත්‍ර නිකුත් කිරීමේදී නව වැඩපිළිවෙළක් ආරම්භ කරන බව අයෝජන ප්‍රවර්ධන අමාත්‍ය ධම්මික පෙරේරා පවසනවා. ඔහු කියා සිටියේ කඩිනමින් විදෙස් රැකියා සඳහා පිටත්වීමට අපේක්ෂිත පිරිස් වෙත කඩිනමින් විදේශ ගමන් බලපත්‍ර නිකුත් කිරීමට පියවර ගෙන ඇති බවයි.
සැලසුම් කළ දුම්රිය ගමන් වාර 22ක් අද දිනයේ අවලංගු කර ඇති බව දුම්රිය දෙපාර්තමේන්තුව පවසනවා. ඉන්ධන අර්බුදය හේතුවෙන් මතුව ඇති ප්‍රවාහන ගැටලු නිසා කාර්්‍යය මණ්ඩලයට සේවයට පැමිණීමට නොහැකි වීම හේතුවෙන් එලෙස දුම්රිය ගමන්වාර අවලංගු කිරීමට සිදුව ඇති බවයි එම දෙපාර්තමේන්තුව සඳහන් කළේ.
පවතින ආර්ථික අර්බුදය හමුවේ පීඩාවට පත්ව සිටින අඩු ආදායම්ලාභී පවුල්වලට සහන සැලසීම සඳහා රුපියල් බිලියන 200ක් වෙන් කිරීමට රජය තීරණය කර ඇති බව වාර්තා වේ.
රට තුළ පවතින ඉන්ධන අර්බුදය හේතුවෙන් ප්‍රවාහන ක්ෂේත්‍රයට එල්ල වී ඇත්තේ දැඩි බලපෑමක්. මගී ප්‍රවාහන සේවා දැඩි තර්ජනයකට ලක්ව ඇත්තේ ඩිසල් නොමැතිවීම හේතුවෙන්. ඒ හේතුවෙන් පෞද්ගලික බස් සියයට 90 කට ආසන්න ප්‍රමාණයක් මේවනවිටත් ධාවනය වන්නේ නැහැ. එවන් පසුබිමක ජනතාව සිය ප්‍රවාහන අවශ්‍යතා සපුරා ගත්තේ දුම්රියෙන් සහ ලංගම බස්රථ වලින්.
ලබන සඳුදා සිට විදේශ කටයුතු අමාත්‍යාංශයේ කොන්සියුලර් අංශය සාමාන්‍ය පරිදි විවෘත කිරීමට තීරණය කළ බව එම අමාත්‍යාංශය පවසනවා. ඒ අනුව සදුදා සිට සිකුරාදා දක්වා සතියේ දින පහේම එම අංශය විවෘතව පවතිනු ඇති.
මහා පරිමාණ මෝල් හිමියන් සතුව ඇති වී තොග පිළිබඳ තොරතුරු දැනගැනීමට හැකි වන පරිදි නව නීති ගෙන එන බව වෙළඳ අමාත්‍ය නලින් ප්‍රනාන්දු පවසනවා. ඔහු කියා සිටියේ පවතින නීති වෙනස් කර වී තොග සගවා ගන්නා පුද්ගලයින්ට එරෙහිව තරාතිරම නොබලා කටයුතු කළ හැකි පරිදි නීති සම්පාදනය කිරීමට පියවර ගෙන ඇති බවයි.
රට තුළ පවතින ඉන්ධන ගැටලුව හේතුවෙන් විදෙස් රටවල සිට මෙරටට පැමිණෙන ගුවන්යානාවලට යළි පිටත්වීම සඳහා අවශ්‍ය ඉන්ධන සංචිත රැගෙන එන ලෙසට අදාළ ගුවන් සමාගම් වෙත දැනුම්දී තිබෙනවා. ගුවන් තොටුපළ සහ ගුවන් සේවා සමාගමේ සභාපති විශ්‍රාමික මේජර් ජෙනරාල් ජී.ඒ.චන්ද්‍රසිරි පැවසුවේ එවන් පසුබිමක් තුළද දිනකට සාමාන්‍යයෙන් ගුවන් යානා 105 ක් පමණ දිවයිනට පැමිණ, ආපසු පිටත්ව යන බවයි.
Page 137 of 613