Friday, October 07, 2022
Follow Us
කෝච්චි ටිකට් ඩබල් කළ හේතුව ඇමැති කියයි

කෝටි 260ක ආදායමෙන් කෝටි 230ක OT ගෙවලා


දුම්රිය ගාස්තු දෙගුණයකින් වැඩි කිරීමට පියවර ගත්තේ දෙපාර්තමේන්තුවේ සමස්ත සේවක වැටුප් සඳහා පසුගිය වසරේ දී රුපියල් කෝටි හත්සියයක් වැය කර තිබෙන නිසා බව ප්‍රවාහන හා මහාමාර්ග ඇමැති බන්දුල ගුණවර්ධන පාර්ලිමේන්තුවේදී ඊයේ (22 වැනිදා) පැවසීය.

ඒ වසරේදී දුම්රිය දෙපාර්තමේන්තුවේ රුපියල් කෝටි දෙසිය හැටක ආදායමින් රුපියල් කෝටි දෙසිය තිහක් සේවක අතිකාල වශයෙන් ගෙවා තිබෙන බවත් ඇමැතිවරයා සඳහන් කළේය.

ඇමැතිවරයා මේ බව ප්‍රකාශ කළේ ශ්‍රී ලංකා රූපවාහිනී සංස්ථා (සංශෝධන) පනත් කෙටුම්පත සම්බන්ධ විවාදයට එක් වෙමිනි.

‘‘දුම්රිය දෙපාර්තමේන්තුවේ ආදායම රුපියල් බිලියන දෙකයි දශම හයයි. සේවක අතිකාල සඳහා පමණක් රුපියල් බිලියන දෙකයි දශම තුනයි. වැටුප් සඳහා බිලියන හතයි. මේ ආකාරයට ආයතනයක් පවත්වගෙන යන්න පුළුවන්ද? කරන්න බැහැ. ඒ නිසයි ගාස්තු වැඩි කරන්න කටයුතු කළේ. ආදායමට සරිලන ලෙස වියදම කළමනාකරණය නොකළොත් ඛේදවාචකයක් වෙනවා. රජයේ සමස්ත බදු ආදායමෙන් සියයට අසූ හයක් සේවක වැටුප් වශයෙන් ගෙවන එකම රට ශ්‍රී ලංකාවයි’’ යනුවෙන්ද ඇමැතිවරයා සඳහන් කළේය.

Aruna