නව අධ්‍යාපන පරිවර්තනීය ක්‍රියාදාමය තුළ පහේ ශිෂ්‍යත්ව විභාගයේ දී පවා හතර, පහ ශ්‍රේණි දෙකේ දී පන්ති කාමරයේ රැඳී සිට උපයාගත යුතු නිශ්චිත ලකුණු ප්‍රමාණයක් පවතින බැවින් ඉදිරියේ දී පාසල් පන්ති කාමරය තුළ රැඳී සිටීම අනිවාර්ය වන අතර සියලු‍ ම ශ්‍රේණිවලට එය අදාළ වන බවත් සිසුන්ට විභාග සමත් වීමට එසේ දෛනික පාසල් පැමිණීම අත්‍යවශ්‍ය කාරණයක් වන බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

දුම්රිය නියාමකවරයෙක් සහ මාළිගාවත්ත අංගනයේ සේවකයෙකු අතර හටගත් ගැටුමක් හේතුවෙන් නියාමකවරුන් දුම්රිය අංගනය වෙත යාම ප්‍රතික්ෂේප කිරීම හේතුවෙන් දුම්රිය ප්‍රමාදයක් ඇති විය හැකි බව වාර්තා වෙයි.

ජාත්‍යන්තර ළමා දිනය හෙටට(01) යෙදී ඇත. එම දිනය සැමරුම් උත්සව විවිධ රටවල උත්සවාකාරයෙන් පැවැත්වීමට කටයුතු යොදා තිබේ.

• කලින් හඳුනා ගැනීමෙන් පියයුරු පිළිකා සම්පූර්ණයෙන්ම සුව කළ හැකියි

පියයුරු පිළිකා කලින් හඳුනා ගැනීමේ අවස්ථාව පුළුල් කරමින් සුවනාරී සායන සහ පිළිකා කළින් හඳුනා ගැනීමේ මධ්‍යස්ථානවලට අමතරව මුළු දිවයිනම ආවරණය වන පරිදි පිළිකා රෝග පිළිබඳ විශේෂඥ ශල්‍ය වෛද්‍යවරුන් යටතේ රජයේ රෝහල්වල පියයුරු සායන 30ක් අලුතින් ආරම්භ කළ බව ප්‍රජා වෛද්‍ය විශේෂඥ හසරැලි ප්‍රනාන්දු මහත්මිය පැවසීය.

ලංකා ඛනිජතෙල් නීතිගත සංස්ථාවේ සභාපති සහ ඛණිජතෙල් තොග ගබඩා පර්යන්ත සමාගමේ සභාපති මොහොමඩ් උවයිස් සිය ධුරයෙන් ඉල්ලා අස්වී තිබේ.

තනි භාවිත සහ කෙටිකාලීන ප්ලාස්ටික් තහනම් කරමින් මධ්‍යම පරිසර අධිකාරිය නිකුත් කළ ගැසට් නිවේදනය හෙට සිට ක්‍රියාත්මක වීමට නියමිතය.

දෙණියාය හෑන්ෆඩ් ප්‍රදේශයේ කාලාන්තරයක් තිස්සේ සෞඛ්‍යයට අහිතකර අන්දමින් සුදු සීනි දුඹුරු සීනි සමග මිශ්‍රකර ඇසුරුම් කර දුඹුරු සීනි ලෙස වෙළෙඳ පොළට අඩු මිලට බෙදාහරින කර්මාන්ත ශාලාවක් සහ ගබඩාවක් වටලා සීනි කිලෝ 2000 ක් සහ ඒ සදහා යොදා ගන්නා උපකරණ රැසක් අද  සවස අත් අඩංගුවට ගත් බව කොටපොළ සෞඛ්‍යය වෛද්‍ය නිලධාරි කාර්යාලය පවසයි.

වර්ෂ 2023 ඔක්තෝබර් මස 10 වන දිනට යෙදී ඇති 74 වන යුද්ධ හමුදා සංවත්සරයට සමගාමිව යුද්ධ හමුදා ධජයන්ට සෙත් පැතීමේ ආශිර්වාද පූජාව පසුගියදා  ඵෙතිහාසික කතරගම කිරිවෙහෙර අභියසදී හා කතරගම දේවාල පරිශ්‍රයේදී පැවැත්විණි. එහිදී යුද්ධ හමුදා දිනයට ආශිර්වාද එක්කිරීම සඳහා යුද්ධ හමුදා ධජයන් පෙරටු කරගත් නිලධාරීන් සහ සෙසුනිලයන් පිරිසක් ද මෙම ආශිර්වාද පූජාව සඳහා එක්වූහ.

නිපා වෛරසය ආසාදිත දරුවන් දෙදෙනෙකු කොළඹ රිජ්වේ ආර්යා ළමා රෝහලේ ප්‍රතිකාර ලබන බවට සමාජ මාධ්‍ය හා වට්ස්ඇප් පණිවුඩ ඔස්සේ පැතිර යන ප්‍රචාර සත්‍යයෙන් තොර බව එම රෝහලේ අධ්‍යක්‍ෂ වෛද්‍ය ජී. විජේසූරිය මහතා සදහන් කරයි.

බසය ගස යට නවත්වා මඟීන් ගනිමින් ඉඳලා

කොල්ලුපිටියේ ලිබර්ටි වටරවුම ආසන්නයේ ඩුප්ලිකේෂන් මාර්ගයේදී නුග ගසකට බද්ධ වූ රෙබරෝසියා ගසක් මඟී බස් රියක් මතට අද (6) අලුයම ඉදිරී වැටීමෙන් බසයේ ගමන් කරමින් සිටි 5 දෙනකු මියගොස්, 4 දෙනකු තුවාල ලබා ප්‍රතිකාර සඳහා කොළඹ ජාතික රෝහලට ඇතුළත් කර ඇත.

මේ අනතුරින් මියගිය මඟීන් පස් දෙනාම පිරිමි අය වන අතර, වැලිසර පදිංචි අරුණ ප්‍රනාන්දු, මාතලේ පදිංචි එච්.එම්.එස්.බී. රත්නායක, පෑලියගොඩ පදිංචි බාලක්‍රිෂ්ණන් සිවකුමාර් සහ යූ.එස්. ප්‍රියරංජන, ඩී.ඒ.ඒ. චතුරංග යන අය මෙලෙස මරණයට පත්ව තිබෙන බවයි වාර්තා වන්නේ.

බස් රිය අනතුරට පත් වන අවස්ථාවේ එහි මඟීන් 17ක් පමණ ගමන් කර ඇත. බසය මතට ගස වැටීමෙන් බසය මැදින් දෙකට නැවී තැළී තිබිණි. මේ බසය කොළඹ සිට මතුගම බලා ධාවනය වෙමින් තිබියදී උදේ 6.15 ට පමණ අනතුර සිදු වී තිබේ. දෙණියායෙන් අලුයම 1.30ට පිටව ඇති බසය බැස්ටියන් මාවතේ බස් නැවතුම්පොළ වෙත පැමිණ, පසුව නැවත අලුයම 5.45ට මතුගම ඩිපෝව බලා ධාවනය වෙමින් තිබියදී මේ අනතුරට ලක්ව තිබේ. අනතුර සිදුව ඇත්තේ කොටුවෙන් ගමන් ආරම්භ කර මිනිත්තු 20කට පමණ පසුවය. ගස වැටෙන අවස්ථාවේ එම බසය ගස අසල නවතා එයට මඟීන් නංවාගැනීමට සූදානම් වී ඇත. බයය මතට ගස වැටී ඇත්තේ ඒ ස්ථානයේ බස් රථය නතර කර තත්පර කීපයක් අතරතුරදීය.

මිය ගිය අය සියලු දෙනාම පාහේ රැඳී සිට ඇත්තේ ගසේ කඳ බසය මතට වැටුණු ස්ථානය අසල අසුන්වල බවද මූලික විමර්ශනවලදී පෙනී ගොස් ඇත. ඇතැම් මඟීන් ගස බසය මතට පතිත වන අවස්ථාවේ එය දැක බසයෙන් පැන දිවගොස් ඇති අතර, ඇතැම් අය බසය තුළ සිර වී සිට ඇත. එසේ සිර වී සිටි අය පිටතට ගැනීමට ආරක්ෂක අංශ ඇතුළු නිලධාරීන්ට මහත් පරිශ්‍රමයක් දරමින් බසයේ තහඩු පවා කපා ඉවත් කිරීමට සිදුව තිබිණි. බසය මතට වැටී තිබුණු ගස පැය කිහිපයක් තුළ ඉවත් කර මාර්ගයේ වාහන ගමනාගමනයට කඩිනමින් ඉඩ සැලසීමට ආරක්ෂක අංශ සහ කොළඹ මහා නගර සභා සේවකයන්ද ගිනි නිවන සේවා නිලධාරීන්ද යුහුසුලුව ක්‍රියා කරන අයුරු දක්නට ලැබිණි. අනතුරෙන් පසුව බස් රථයේ රියැදුරා සහ කොන්දොස්තර කොල්ලුපිටිය පොලිසියේ රඳවාගෙන ප්‍රශ්න කරනු ලැබීය. මේ අනතුර සම්බන්ධයෙන් කොල්ලුපිටිය පොලිසිය විමර්ශන පවත්වයි.

ලෝක අමද්‍යප දිනය නිමිත්තෙන් දිවයින පුරා ක්‍රියාත්මක වන මත්පැන් සිල්ලරට විකිණීමේ සියලුම සුරාබදු බලපත්‍රලත් ස්ථාන අද (03) දින  වසා තැබෙන බව සුරාබදු දෙපාර්තමේන්තුව සඳහන් කරයි.

ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක නිදොස් කොට නිදහස් කිරීමට ඔස්ට්‍රේලියානු අධිකරණය තීන්දු කර තිබේ.

ආසියානු ක්‍රීඩා උළෙලේදී මීටර් 800 කාන්තා ඉසව්වෙන් රන් පදක්කමක් දිනූ තරුෂි කරුණාරත්න ශිෂ්‍යාවට ජනාධිපති රනිල් වික්‍රමසිංහ මහතා උණුසුම් සුබපැතුම් පිරිනැමීය.

ඉතාලියේ සිට මෙරටට ගුවනින් ගෙනවන ලදුව රේගු අත්අඩංගුවට පත් හෂීස් මත්ද්‍රව්‍ය කිලෝග්‍රෑම් 35ක් අද (03) මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතාගේ නිරීක්ෂණයට ලක් විය. ඉතා සූක්ෂ්ම ලෙස බිස්කට් ඇසුරුම් තුළ සගවා ගෙන්වීමේ දී රේගුවට සහ පොලිස් මත්ද්‍රව්‍ය නිවාරණ අංශය වෙත ලද තොරතුරක් මත මෙම අත්අඩංගුවට ගැනීම සිදු කර තිබේ.

2023 වර්ෂයට අදාළව පැවැත්වීමට නියමිත කොරියානු භාෂා විශේෂ පරීක්ෂණය සඳහා අයදුම්පත් දින 03ක් නිකුත් කිරීමට තීරණය කර ඇතැයි ශ්‍රී ලංකා විදේශ සේවා නියුක්ති කාර්යාංශය සදහන් කරයි.

ඕස්ට්‍රේලියාවේ ඩවුනින් වීදියේ අධිකරණයෙන් නිදොස් කොට නිදහස් කළ ශ්‍රී ලාංකික ක්‍රිකට් ක්‍රීඩක ධනුෂ්ක ගුණතිලක ඊයේ  (03) රාත්‍රී කටුනායක ගුවන් තොටුපොළ වෙත පැමිණියේය .

මහියංගණ විහාරස්ථානයේ වාර්ෂිකව පැවැත්වෙන පෙරහැර මංගල්‍ය සඳහා විවිධ ප්‍රදේශ වලින් අලි ඇතුන් සහභාගි වන බැවින්, ප්‍රදේශයේ වල් අලින් බහුල වශයෙන් සැරිසැරීම හේතුවෙන් වල්අලි පලවා හැරීමේ කණ්ඩායමක් විහාරස්ථානයේ ස්ථාපිත කරන ලෙස මහියංගණ විහාරාධිපති හිමියන් විසින් වනජිවි දෙපාර්තමේන්තුවන් ඉල්ලීමක් කර ඇත.

නබි නායකතුමා පෙන්වා දුන් වටිනාකම් සමඟ අනුගතව රට ඉදිරියේ ඇති අභියෝග ජය ගනිමින් 2048 වන විට දියුණු ශ්‍රී ලංකාවක් ගොඩනැඟීමේ ගමන් මඟ ශක්තිමත් කර ගැනීමට අත්වැල් බැඳ ගනිමු යැයි මිලාදුන් නබි දිනය වෙනුවෙන් සුබපැතුම් පණිවුඩයක් නිකුත් කරමින් ජනාධිපති රනිල් වික්‍රමසිංහ මහතා ඉල්ලා සිටි.