ජනාධිපතිවරණයේ ප්‍රචාරක කටයුතු සඳහා ලබාදී තිබූ කාලය අවසන් වී නිහඬ කාලය ආරම්භවීමත් සමග රට පුරා විශේෂ ආරක්ෂක මෙහෙයුම් ද ආරම්භ කෙරෙන බව පොලිසිය පවසනවා.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි රුවන් ගුණසේකර පැවසුවේ මේ වෙනුවෙන් දිවයිනම ආවරණය වන පරිදි කැරලි මර්දන නිලධාරීන් ද අනියුක්ත කරන බවයි.
ආරක්ෂාව තහවුරු කිරීම සඳහා අමතර පොලිස් මාර්ග බාධක යෙදවීමට ද කටයුතු කරන බවයි මෙහිදී ප්‍රකාශ කෙරුණේ.
මෙවර ජනාධිපතිවරණය වෙනුවෙන් ක්‍රියාත්මක සම්පූර්ණ ආරක්ෂක වැඩපිළිවෙල සඳහා අනියුක්ත කර සිටින මුළු පොලිස් නිලධාරීන් ගණන 60,175 දෙනෙකු බව ද ජ්‍යෙෂ්ඨ පොලිස් අධිකාරි රුවන් ගුණසේකර පැවසුවා.
(neth)