ත්‍රීකුණාමලය අභයපුර අභයාරාම විහාරස්ථානයේ චෛත්‍ය වටා පිහිටි බුද්ධ ප්‍රතිමා දෙකකට හානි කිරීම සම්බන්ධව විමර්ශන ආරම්භ කළ බව උප්පුවේලී පොලිසිය කියයි.
එම විහාරස්ථානයේ විහාරාධිපති පුජය මානිංගමුවේ විමලජෝතිතිස්ස හිමියන් කළ පැමිණිල්ලක් මත මෙම විමර්ශන ආරම්භ කරනු ලැබීය.
විහාරස්ථානයේ චෛත්‍ය වටා පිහිටි සමාධි බුද්ධ ප්‍රතිමා දෙකක සිරස කඩා දමා ඇත.
මේ සම්බන්ධයෙන් අදහස් පලකල විහාරාධිපති හිමියන් පැවැසුවේ ඊයේ දින පැවැති ආගමික කටයුත්තක් සදහා පිටතට වැඩම කර සිටි බවත් අද පෙරවරුවේ විහාරස්තානයේ දායක මහත්මියක් තමා වෙත කල දුරකතනයෙන් දැනුම් දීමක් මත පැමිණ බැලු පසු සිද්ධිය දුටු බවයි.
(Lanka Leads)