සෞඛ්ය සේවා අධ්යක්ෂ ජනරාල්වරයා විසින් තහවුරු කළ තවත් කොරෝනා මරණ 06 ක් ඊයේ වාර්තා වුණා. වයස අවුරුදු 30 ත් 59 ත් අතර පුද්ගලයින් 03 දෙනෙකු සහ වයස අවුරුදු 60 ට වැඩි පුද්ගලයින් 03 දෙනෙකු ඒ අතර වන බවයි රජයේ ප්රවෘත්ති දෙපාර්තමේන්තුව සඳහන් කළේ.
ඊයේ දිනයේදී අළුතින් හඳුනා ගැනුණු කොරෝනා ආසාදිතයින් ගණන 130 ක්. කොරෝනා ආසාදිතයින් මෙන්ම ඩෙංගු, ඉන්ෆ්ලුවෙන්සා සහ වෙනත් වෛරස ආසාදිත උණ රෝගීන් ද මේ දිනවල වාර්තා වන බවයි නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් පැවසුවේ.
පවතින තත්ත්වය යටතේ කොවිඩ් මර්දන වර්ධක එන්නත් ලබාගැනීම වැදගත් බව ද නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් වැඩිදුරටත් පෙන්වා දුන්නා.
Neth