Friday, October 07, 2022
Follow Us
පාසල් ඇරඹීම වෙනුවෙන් පෞද්ගලික බස් රථවල සූදානම

අද (15) දිනයේ සිට දිවයින පුරා පෞද්ගලික බස් රථ අවම වශයෙන් 90% ක්වත් ධාවනය කිරීමට කටයුතු කරන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පවසයි.

“විශේෂයෙන්ම සඳුදා සිට පාසල් ආරම්භ කරන්න කටයුතු කරලා තියෙනවා සතියේ දින පහ තුළම. අපි සඳුදා සැලසුම් කරනවා බස් රථ 100%ක්ම ධාවනය කරන්න, අඩුම වශයෙන් අපට 90%ක්වත් ධාවනය කරන්න හැකියාව තියේවි. ඒ වගේම පාසල් බස් රථත් යොදවලා තියෙනවා බස්නාහිර පළාත තුළ. අපි අනෙක් ප්‍රදේශවලත් පාසල් ආරම්භ කරන වේලාවෙදීත් අවසන් කරන වේලාවෙදීත් ඒ මාර්ගවල සාමාන්‍ය ගාස්තු යටතේ පාසල් සේවාව ආරම්භ කරන්න කටයුතු කරනවා. ඒ නිසා අපි හිතනවා සඳුදා සිට පෞද්ගලික බස් සේවාව, පොදු මගී සේවාව යථා තත්වයට පත්කරගන්න අපට හැකියාව තියෙනවා කියලා”

ගැමුණු විජේරත්න මහතා මේ බව පැවසුවේ ඊයේ (14) පැවති මාධ්‍ය හමුවක් අමතමිනි.

LNW