අතුරුදන්ව ඇති 05 හැවිරිදි දැරිය සොයා මෙහෙයුම්
පොල්පිටිය ප්රදේශයේ ඇළ මාර්ගයක් තරණය කිරීමට ගිය මිත්තණියක් සහ ඇයගේ මිනිබිරිය ජල පහරට හසුවී තිබේ.
පසුව සිදුකළ සෝදිසි මෙහෙයුම්වලදී 60 හැවිරිදි වියේ පසුවූ මිත්තණියගේ සිරුර හමුවී ඇති බව අප වාර්තාකරු පැවසීය.
අතුරුදන්ව ඇති 05 හැවිරිදි වියේ පසුවූ මිනිබිරිය සොයා ප්රදේශවාසීන් සහ පොල්පිටිය පොලීසියේ නිලධාරින් එක්ව මෙහෙයුමක් දියත් කර ඇත.
ලක්ෂපාන පොල්පිටිය ප්රදේශයට ඇදහැලෙන අධික වර්ෂාවත් සමග හිටිගේගම බොකරවැවිල ප්රදේශය හරහා කැළණි ගගට ජලය ගලා බසින මෙම ඇළ මාර්ගයේ සැඩ පහර වැඩිවී තිබේ.
පෙර පාසලට ගොස් සිටි තම මිනිබිරිය රැගෙන නිවස කරා යමින් සිටියදී ඔවුන් දෙදෙනා මෙම අනතුරට ලක්ව ඇත.
මිත්තණියගේ සිරුර ගිනිගත්හේන ප්රාදේශිය රෝහලේ තැන්පත් කර ඇත.
Aruna