මහා පරිමාණ සහල් මෝල් හිමියන් පසුගිය දිනවල සහල් කිලෝවකින් රුපියල් 33 – 53 දක්වා අතිවිශාල අයථා ලාභයක් ලබමින් සිටි බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා පවසයි.
“ඊයෙ මහා පරිමාණ මෝල් හිමියෝ ඒගොල්ලොන්ගෙ කටින්ම කියනවා කෑගහලා අපි කවුරුත් වී ගත්තේ 117 ට කියලා. 117 හදන්නෙ වී මිටියක් ගත්තෙ 7500 ට කියලා. එහෙම නම් 7500 ට වී මිටියක් ගන්නකොට වී කිලෝ එකක් වෙන්නෙ 117 යි. 117 ට වී කිලෝ එකක් ගත්තාට පස්සෙ හාල් කිලෝ එකක් හදන්න ඒ සඳහා යන පිරිවැය මේ සූත්රයට අනුව ගැලපුවාට පස්සෙ අපි ඉතාම පැහැදිලිව කියනවා හාල් කිලෝ එකක් දෙන්න පුළුවන් රුපියල් 207 ට. මේ 207 ට දෙන්න පුළුවන් හාල් කිලෝ එක තමයි එක මෝල් හිමියෙක් 270 ට දෙන්නේ, අනිත් කෙනා 250 ට දෙන්නෙ. කොහොමද එහෙම වෙන්නෙ ? මොන තරම් මෙතන මංකොල්ලකෑමක් කනවාද ? මේක තමයි ඇත්ත තත්වය”
නාමල් කරුණාරත්න මහතා මේ බව පැවසුවේ ඊයේ (23) පැවති මාධ්ය හමුවක් අමතමිනි.
LNW